Synfocity = 404

mail us at : [email protected]; [email protected] - Phone - 2314648

Synod Information & Publicity Department, Synod Office (Third Floor), Mission Veng, Aizawl

23rd August, 2012

Social Front Consultation August 20 khan Synod Conference Centre-ah Mizoram Synod Social Front bultumin Rangvamual leh Phunchawnga zu tam lutuk tihbo dan kawng ngaihtuaha inrawnkhawmna (Consultation) neih a ni. Inrawnkhawmna hun hi Rev. Lalzuithanga, Executive Secretary i/c Social Front-in a kaihruai a, Social Front Committee member Upa Lalsiama Fambawlin tawngtaiin hunserh a hmang a ni. He hunah hian Rangvamual leh a chheh vel boruak Power Point hmanga thlir ho a ni a. Dr. Robert S. Halliday, Social Front Coordinator-in Concept Paper a buatsaih a chhiar a, sawi ho zui a ni. Sawi hona hun hman a nih zawhin Paper buatsaihtuin khaikhawmna hun a hmang leh a. Social Front Committee member Upa Zaneihtluangan kal khawmte hnenah lawmthu a sawi a, Social Front Committee member Revd. Chuauthuaman malsawmna sawiin hun a khar. Consultation-ah hian Aizawl khawpui chhung kohhran tin atangin Social Front Committee hruaitute kal tura sawm an ni a, mi 323 an kal a, an zinga mi 21-in hma lak dan tur rawtna an sawi a. Kalkhawmte hian hetiang hian rawtna an siam a, chungte chu Demand reduction lamah 1. Heng veng pahnihte dinhmun hi survey-a zir chian ni se 2. Servey result atangin kohhran tinin tum bik tur insema hma lak ni se 3. He hmuna kal thin mahni kohhran theuha mite lakah tan lak ni se 4. Counselling/recreation centre hawn ni se 5. Kohhran tinin tawngtaiin tan la zui ila Supply reduction lamah 1. State pawn lam mi heng hmuna awmte chungah hian dan anga hma la turin sorkar ngen ni se 2. Kohhran leh tlawmngai Pawlte tanho dan kawng zawn ni se 3. Zu zuarte hnenah an mamawhna anga Pathian thu hrilh dan tur duan fel ni se 4. Zu zuarten eizawnna kawng dang an neih theih nan kawng zawn ni se 5. Excise Post siam turin sawrkar ngen ni se. tihte a ni. MPF leh Political Party hrang hrang ten thawhhona thuthlung an pawm Nimin (Aug. 22) khan Mizoram People Forum (MPF) leh Political Party hrang hrang aiawhte thukhawm chuan kum 2013-a Mizoram Legislative Assembly Inthlan lo awm tura thawhhona tur thuthlung an duan ho chu an pawm. Mizoram People Forum (MPF) leh Mizorama Political Party hrang hrang aiawhte Synod Office Committee Room No. 1-ah thukhawmin kum 2013-a Mizoram Legislative Assembly inthlan lo awm tura thawhhona tur thuthlung July 31-a an duan ho, MPF Office lamin a lo chulmam chu an thlir ho leh a, siamthat ngai laite siamthain an pawm. Meeting hi MPF Chairman, Synod Moderator ni bawk Rev. Thangzauvan a kaihruai a, Politcal Party hrang hrang Indian National Congress (INC), Mizo National Front (MNF), Zoram Nationalist Party (ZNP), Mizo Peoples Conference (MPC) aiawh 3 theuh leh Bharatya Janata Party (BJP) aiawh mi 2 an kal thei a, Mizo People Forum (MPF) awiawhte, an Chairman Rev. Thangzauva leh General Secretary Upa Lalramthanga hovin mi 10 an tel thei bawk. Mizoram Legislative Assembly Inthlanna, kum 2013-a lo awm tura thawhhona thuthlung vawiina an pawm hi Party tin President te leh MPF hotu ten hming an ziak hnan leh dawn a. Kar leh chhung hian Party hrang hrangte remchan dan angin MPF hotute hian an Office theuhah an kal chilh ang a, hetah hian thawhhona tur thuthlung hi Party hotute leh MPF hotu ten hming ziak hnanin an nemnghet dawn a ni. Political Party-te leh MPF Thawhhona Thuthlung phek hnungah tarlan a ni. PBS Graduation Service Vawiin (August 23) chawhnu dar 1:00 khan Presbyterian Bible School (PBS) chuan Pi Zaii Hall, Synod Conference Centre-ah Session 25-na Graduation Service an hmang. Graduation Service programme hi Senior Executive Secretary Rev. Vanlalzuatan kaihruaiin hunserh a hmang a, Rev. H. Biakthansangan Presbyterian Bible School-a thawktute, Board member leh zirlaite inhmelhriattirna hun a hmang a, PBS Principal Rev. R. Lalengmawian report a pe bawk. Synod Moderator Rev. Thangzauvan thuchah sawiin zirlai pass chhuakte hnenah certificates a hlan a, PBS Board member Rev. Dr. R. Lalbiakmawian exam-a ti thate leh class kal kimte hnenah lawmman a hlan a ni. Nl. Zoramchhanin zaiin kalkhawmte a awi a, Upa D.P. Biakkhuma, Synod Secreatry-in zir chhuakte tawngtaisakna hun a hmang a, Board member Rev. Vanlalchhuangan fuihna thu a sawi a, zirlai aiawhin thusawi a awm bawk. Rev. R.K. Lalnunmawian lawmthu sawina hun a hman zawhah Rev. C. Lalsanglianan malsawmna sawiin a tin a ni. Presbyterian Bible School hi kum 2004 May thla atangin tan a ni a, a din tan tirh atangin zirlai 1023 zinga 844-in an zirchhuak tawh a. Session 25-naah hian zirlai 72 an awm a, chung zinga 63 chuan zir tluan chhuakin an pass a; First Division-ah 12, Second Division-ah 31, Third Division-ah 11, Simple Pass 9 an awm a, Exam lo 5 leh Failed 4 an awm bawk. Tun tumah hian a ti tha zual top 3 position-ah mi 4 an awm a, chungte chu:1. Samuel Lalremfima s/o H. Lalsiama, North Mualcheng Kohhran 2. Lalnunfeli d/o Lalhriata, Mamit Kohhran 3. R.D. Lalruatfela s/o R.D. Tinthanga, Seling Kohhran 3. Jerry Lalrintluanga s/o Zosangliana, Khatla North Kohhran Presbyterian Bible School atanga zirchhuakte hi rawngbawlna tangkaiah an inhmang zui hlawm a, Missionary leh Social Worker-a tang zui tam tak an awm a, B.Th. leh BD zir zawm thahnem tak an awm tawh a, Synod Revival Speaker zinga tam takin heta tang hian Pathian thu an zir chhuak tawh bawk a ni. Synod Mission Board w August 17 - 28 chhung hian Jharkhand, Patna, Lucknow, Delhi Mission Field Committee meeting neih mek a ni a, Field Committee neihpui tur hian Rev. Lalchhuanmawia, SMB Secretary; Rev. Rualkhuma leh Rev. R.S. Rokima (BEC Members) te an kal. August 20 (Thawhtanni) khan Jharkhand Field Committee an thu a, August 22 (Nilaini)
Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

khan Patna Field Committee an thu leh bawk. August 24 (Zirtawpni) ah Lucknow Field Committee an thu leh ang a, August 27 (Thawhtanni) ah Delhi Field Committee an thu leh ang. w Synod Mission Board chuan kumin (2012) chhung atan P.C. Parvulluaii, Evangelist Teacher (Contract Missionary) an la thar a, SPS Madhuripathar, Arunachal West-ah a thawk ang. 1 MSSU August 25 (Inrinni) hian Ramhlun Sports Complex Kohhranah Sunday School Zirtirtu Training neih a ni dawn a, training neihpui tur hian Pu John Lalhruaitluanga, MSSU Asst. Coordinator; Upa B. Lalhmunliana, Bethlehem Venglai leh Upa Hrilthansanga, Mission Vengthlang (MSSU Trainers) te an kal ang. Zan Inkhawmah Fanau enkawl (child evangelism) chungchang thuchah Upa Hrilthansangan a sawi bawk ang. Synod Literature & Publication Board August 24 - 26 chhung hian Ruantlang Pastor Bial huapin Zotlang Kohhran Hall-ah Literature Seminar neih a ni dawn a, seminar neihpui tur hian Rev. K. Lalpiangthara, SL&PB Editor, Upa H. Ronghaka, SL&PB Jt. Editor leh PRESCOM atangin Pu Lalniliana, Synod Bookroom Manager, Tv. Lalzarmawia, Sales Promoter leh Nl. Zoremmawii, Chawnpui (Soloist) te an kal ang. Zirtawp (Aug. 24) zan leh Inrinni (Aug. 25) nilengin a mamawh tan Synod Bookroom lehkhabute lei theihin phochhuah a ni ang a, Inrinni (Aug. 25) zan atanga Pathianni (Aug. 26) zan thleng Bial hruaitute ruahmannain Bial chhung Kohhran hrang hrangah hun an hmang bawk ang. Music Nagaland Conservatory of Music College, Dimapur-ah B.MUS zir turin Pu H. Lalrinmawia, Synod School of Musica Instructor chu vawiin (Aug. 23) hian a kal a, kum 4 chhung zir tur a ni ang. Kristian Thalai Pawl August 24 (Zirtawpni) zan hian Central KTP Leader Rev. Lalrinmawian Sateek Kohhran a tlawh dawn a, Mizoram Synod Choir-ten an tawiawm ang. Hruaina Eng FM Radio & TV Programme w AUGUST 24 (FM Radio @ 7:30 p.m.) : Choir : Mizoram Synod Choir - Hriatchian lehzual che ka duh, Bawngkawn Bial Zaipawl - Puan var sin, Thuchah : Rev. C. Lianhmingthanga - Pathian Lehkhabu tangkaina, Solo : Vanlalsailova - Damchhan, Group Zai : Crusaders - Keini zawng w AUGUST 26 (TV Programme @ 3:00 p.m. : Choir : Bethlehem Kohhran Zaipawl - Kan Pathian Kulhpui Nghet, Solo : Lalruotmawi - Emau dai reh, Sermon : Upa H. Zoliana (Revival Meet 2012), Group : Electric Veng KTP - Emanuel, Interview : Rev. Z. John Malsawma Colney, Wales rama CWM Missionary, Solo : Lalruotmawi - Ka duh ber Lalpa, Musical Drama : Hani - Thakthing Veng KTP Susamachar Prasaran Programme August 26 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Masihi Sangati Bungkawn Vengthar - Aatma Ra Deha, Group/Choir/Solo : Venghnuai Kohhran - Milkar Hamm, Sermon : Rev David Lalramliana Ralte - Hum Parmwshwar ke santaan, Group/Choir/Solo : LH Hindi School - Yeshu MASIH, Group/Choir/Solo : CTI Sesawng Kohhran Maisihi Sangati Moderator Programme Synod Moderator, MKHC leh MPF Chairman ni bawk Rev. Thangzauva chuan August 24 -26 chhung hian Bangalorea Mizo Kohhrante a tlawh ang. Tun hnaia Assam rama Bodo leh Muslim-te inkara buaina chhuak chungchangah Presbyterian Church of India (PCI) atanga ngenna lo kal angin Mizoram Synod OM (Officers Meeting) chuan Presbyterian Kohhrante hnenah tawngtaipui tura ngenna a lo siam tawh a. Hemi hnu hian, Bodo leh Muslim-te inkara buaina kal zelah India ram chhim lama awm North East mi leh sate tana boruak tha lo a lo awm thar tak avangin Synod Moderator hian Bangalore tlawh programme hi a siam leh ta a ni. Moderator hi Pu Saidinga Sailo, Synod Mission Board Mission Promoter-in a tawiawm ang a, Bangalore an tlawh zawhah Patna, Delhi leh Kolkata Mission Field te an tlawh kual nghal ang. SYNOD REVIVAL RAWNGBAWLNA (August - September, 2012)

Sl. No. 1 2 3 4 5 6 7 8

Speaker- te Hm ing Tv. C. Zairemmawia Upa R. Lalhmachhuana Pu Lalsanglura Ralte Pu C. Lalnunsanga Pu R. Zaihmingthanga P.C. Vanlalnghaki Pu C. Lalramthara R. Lalbiaksanga

Rawngbawlna hm un Kawnpui Hmar Veng Khuangleng Sairang NE Khawdungsei ZEF Chhingchhip Venghlun
Upper Republic Sacrament

Thingsulthliah

Rawngbawl Rawngbawl dan hun chhung Camping 11 Aug. - 15 Sept., 2012 Camping 18 Aug. - 2 Sep., 2012 Camping 18 Aug. - 2 Sep., 2012 Camping Aug. 25 - 16 Sept., 2012 Crusade 25 & 26 Aug., 2012 Crusade Aug. 30 - 2 Sept., 2012 Camping Aug. 30 - 2 Sept., 2012 Ramthar Campaign Aug. 31 - 2 Sept.,2012
Contd,..

Mizoram chhunga Inthlanna hrang hrang heng - Mizoram Legislative Assembly General Election mail us at : [email protected]; [email protected] - Phone - 2314648 2008, MP Election 2009, Village Council Election 2009 & 2012, Aizawl Local Council Election 2012, Aizawl Municipal Council Election 2010 leh Autonomous District Council Elections-ah te hlawhtling takin Thawhhona Thuthlung siam a, Mizoram chhunga political party hrang hrang leh Mizoram People Forum-te hmalkna chuan rah tha a chhuah zel a. Kan inthlanna pawh a tha thawkhatin, ram chhung leh ram pwn lam thlengin mite hriat leh ngaihven a hlawh ta hle a. Hei hi kan zavaia tan tlnna leh thawhhona rah a ni. Kum 2013-a Mizoram Legislative Assembly General Election lo awm turah pawh hian inthlanna thianghlim, dik leh felfai tak a awm ngei theihna tur leh sawrkr tha, thlei bk nei lo, mipui huapzo din a nih ngei theihna turin Mizoram People Forum General Headquarters hruaitute leh Political Party hrang hrang hotute chuan tan lk ho dn tur kan ngaihtuah a. A hnuaia inkaihhruaina tlngpui tr lante hi zawm theuh tha kan ti. Hei hian MLA General Election 2013 Inthlan hun puan atanga Inthlan zawh fel thleng a huam ang. 1. Inthlan chungchng (1) Inthlan thianghlim, dik leh felfai tak a awm ngei theihna turin mi tinin theihtwp chhuah theuh ni se. (2) (3) Inthlanah hian khua leh tui dik tak, vote neite chuan vote thlk theuh ni se. Vote thlk tur khawpui atanga anmahni khaw lama an hawna tur ngaihtuahsak emaw, hmun dang atanga anmahni vote awmna lama an kalna tur ngaihtuah a, insengsova buaipui emaw hi tu mahin tih loh ni se.

Synfocity =
P O L I T I CA L P A R TY- T E L E H M P F

Synod Information & Publicity Department, Synod Office (Third Floor), Mission Veng, Aizawl Synod Information & Publicity Department, Synod Office (Third Floor), Mission Veng, Aizawl

THAWHHONA THUTHLUNG

2.

Inthlan senso chungchng (1) Inthlan hautak lutuk leh senso sng lutuk titlem turin theihtwp chhuah theuh ni se. MPF-ten candidate-te leh party te hnenah pawisa dl emaw, dawn emaw khap tlat a ni. (2) House to house campaign hi thil dik lo tam tak inphum ruk theihna leh senso titamtu a nih theih avngin tih loh hi a tha ber a; amaherawhchu, mipuiten candidate-te an hmuh duh thin avng leh candidate-te pawhin an bial mipuite tlawh an duh thin avngin inthlan hma ni 10 thleng chuan house to house campaign programme siam theih a ni ang a; chumi hnu lamah erawh chuan tu mahin tih loh ni se. Sum leh therhlo dang hmanga vote lei leh hralh hi tih loh ni se. Mipui, pwl hrang hrang leh Kohhrante pawhin party leh candidate-te hnenah thil phut neih tur a ni lo. Chutih rualin thil chi hrang hrang sem, (enr nan- silpouline, jersey, football, mobile handset, sawrkar development kal lai leh NLUP leh thil dangte) hi tih loh ni bawk se. Kawng zawh hi inthlan hma ni 10 hnu lamah chuan tih loh ni se, ruaitheh leh picnic hi tih loh ni bawk se. Ruaitheh tih hian mikhual chaw eipui te, block leh unit hruaituten tul bk thila chaw an ei khwm thin angte hi a huam lo vang. Candidate-te rulh tura anmahni hriat lohva dwr leh hmun dang atanga thil lo lk leh pekte hi tih loh tur a ni. Candidate-te tana inthlan tihautaktu, heng - banner, flag leh poster-te hi veng tina tr zt tur hetiang hian bithliah a ni :U VC / LC member pasarih nei chinah : Banner - 3, Flag 30 leh Poster - 20 thleng U U U U U VC / LC member panga nei chinah : Banner - 3, Flag 20 leh Poster - 15 thleng VC / LC member pathum nei chinah : Banner - 3, Flag 10 leh Poster - 10 thleng Banner hi 18 x 4 aia lian lo ni se. Poster hi 2x 11/2 aia lian lo ni se. Party symbol chuang lukhum, badge leh sticker te hi campaign na hmanruaah hman loh ni se. Flag, Banner leh Poster bituk aia tam tar an awm chuan MPF-in la thla turin hrilh se.

(3)

(4)

(5)

3.

Zalen taka inthlan leh venhimna chungchng (1) Invau leh inrkrp awm lo turin theihtwp chhuah theuh ni se. (2) Helte hmanruaa hman leh rlthuam chelekna awm thei te huai taka dodl theuh ni se. (3) Border leh sensitive area-ah te a tul leh mamawh anga venhimna a awm theih nn hmalk ni se. Contd,..

Synod Information & Publicity Department, Synod Office (Third Floor), Mission Veng, Aizawl

4.

Policy implementation (1) A tak ram thleng thei tur leh tihhlawhtlin theih tur chauh - manifesto, policy leh programme duan ni se. (2) Mimal chungchng leh tualchhung thil chauh ni lovin, party policy leh programme hi campaign-na leh inzawrhna atn hman ni se. Dwt leh thu belhchian dwl lo leh finfiah nghl mai theih loh hmanga inbeih hi tuman tih loh ni se.

5.

Candidate chungchng Political party tinin candidate an siam laiin hetiang mi hi candidate atn ruat tura beisei an ni : (1) Mi hmingtha, mize nghet leh rilru puitling. (2) Mi taima leh rinawm. (3) Dik lo leh kut tling lova sum leh thil dang hmuh tum lo mi. (4) Zu leh ruihtheih thil dang laka fihlim (5) Mipat hmeichhiatna kawnga sawisel kai lo. (6) Ram leh hnam Dn pawisa mi leh dikna ngaisng mi. (7) Khawtlng leh mahni mihring puite thatna tur duha, chumi atna inhmang peih mi. (8) Mahni sakhua, kohhran leh pwla mi hmingtha leh rinawm. Thawhhona chungchng (1) Constituency huam chhung khaw lian deuh deuhvah MPF leh candidate-te remruatna angin, MPF Constituency Forum kaihhruaina hnuaiah Joint Platform buatsaih theih a ni ang a, chhung tinten candidate an lo hmelhriat theih nn leh an thu leh hla an lo dawnsawn theuh theih nn, a theih leh remchn dn angin, he programme hi Local TV leh Media-ahte pek chhuah ni se. Joint Platform hi pwl dang leh mi dangin buatsaih loh ni se. (2) (3) Party malin a hranpaa public meeting neih an duh a nih pawhin MPF kaihhruaina hnuaiah ni thei se. MPF awm lohnaah chuan party malin a remchn dn anga kalpui mai ni se. Vantlng tna thingpui lum loh ni se; polling booth area bul hnaia electoral roll en leh number pek chhuah hi political party-ten a mala buaipui lovin, MPF kaihhruainain, fmkhur taka buaipui ni se.

6.

7.

Tlngkawmna (1) A chunga Thawhhona Thuthlung tr lan piah lamah hian MPF District, Constituency leh Local Forum ten ruahmanna hran siam loh ni se. (2) (3) Heng Thawhhona Thuthlung hi bawhchhia an lo awma, finfiah ngei a nih chuan, MPF-in a theih leh remchn dn angin an bawhchhiatna constituency huam chhungah a puangzr ang. He Thawhhona Thuthlung hi MPF leh political party tinin a zau thei ang berin theh darh ni se.

PATHIAN THU ZIR DUH TAN

Presbyterian Bible School, Mission Veng-ah Session 26-na atan Certificate in Theology (C.Th) Admission hawn a ni a. Dil duhte tan a hnuaia tarlan hi hriat tur a ni e. q Admission Form : Office hun chhungin Rs. 10/- a lei theih a ni q Dil hun chhung : September 3, 2012 (Thawhtanni) tlai dar 3:00 thleng q Dil thei chin : Class VII passed, kum 16 chin, Kohhran dan chhunga awm q Interview : September 5, 2012 (Nilaini) zing dar 10:00 q Class tan hun : September 7, 2012 (Zirtawpni) q Zir hun chhung : September - December, 2012 q Stipend : Zirlai pakhat hnenah thla tin Rs. 500/- pek a ni ang. Hostel a awm lo. Hrechiang duh tan Phone No. 857308007/2317343/2350082-ah zawh theih a ni.

Sd/REV. R. LALENGMAWIA Principal

Synod Social Front Helpline: 9089777129; 9856883377

Mail us at : [email protected] [email protected] Synod Information & Publicity Phone - 2314648

Synfo