Estd.

ROHLU 2007

ROHLU
DECEMBER 2011

THE WESLEYAN METHODIST CHURCH OF EAST INDIA: MIZORAM.

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

ROHLU

Kum 5-na

December

Editorial Board Editor Joint Editor News Editor Cir. Manager Members : Rev. Dr. Chalhnuna. : Lalringliana. : Lalthangzauva. Rev. E. Lalzarlawma : Lalromawia. : Rev. Lallawmthanga Rev. C. Zalianthanga Rochharliana.

1. Beramte kalsan - V. Chhingkhuma 2.Khawiah nge Judate lal lo piang chu - Rev. Dr. Chalhnuna 3. A lo herchhuak leh ta - Upa Lalringliana 4. Tunlai khawvela thilthleng 5. Lawmna tur nge lungngaihna tur? - Rev. C. Zalianthanga 6. Krismas Pa (Santa-Claus) - Jonah Pa 7. Local Report

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

HRIATTIRNA LEH NGENNA Pathian khawngaihnain kum khata thla tawp ber December thla kan lo hmang leh reng tawh maia, Local tin ten Rohlu man leh lehkhabu man District-a pek luh tur kan neih leh kan la thun kim loh te kum tawp sum Audit hma ngeia thun hman theuh i tum ang u. Tin, kumin Khawvel Sande Sikul Ni (November ni 6) thilpek leh Bible Sunday (Dec.4) Sunday school Thilpek kha District a chhunluh tur a ni a, Local tinte kan inhriattir nawn leh a ni e.
3

EDITORIAL : KRISMAS LEH KUMTHAR CHIBAI Mizoram chhunga kan Kohhran Wesleyan Methodist Local zawng zawnga kan kohhran member-te hnenah Lalpa malsawmna leh khawngaihna awm \heuh rawh se! In zaa hnenah District Headquarter chuan Krismas leh Kumthar chibai a hlan a che u. Hlim taka Krismas leh Kumthar in hman \heuh kan duhsak a che u. Krismas leh Kumthar Nite hi hlimna NITE an ni a. Chu hlimna chuan tisa lam leh thlarau lam an huam ve ve a. Hetiang hlimna nite min neihtirtu pawh hi Pathian a ni a. Chuvangin, kan tisa tan leh kan thlarau tana intihhlim hi thil \ha a ni. Kan hlima kan lawm theih nan kan neih ang tawka thuamhnaw thar neih te, ei leh in tur ruai kan buatsaih te hi kan tih ngei tur a ni bawk. Chuvangin nu leh pate pawhin kan fate tan incheina thar kan ngaihtuahsak a \ha. Naupangte chuan Krismas leh Kumthar hlutna la hre pha rih lo mahse, an naupan lai a\anga an ngaihsan a, an nghahhleh hrim hrim hi a \ha a ni. Kan pachhiat leh thil man to-na te hian min tizam suh se. Local tinah Krismas leh Kumthar Ruai chu i buatsaih \heuh ang u. Keini chhung chu kan telve dawn lo ti suh. Miten an mamawh che a sin! Kim takin, hlim takin, lungrual takin Krismas leh kumthar i hmang \heuh ang u. Amaherawhchu, hlimna kan zawn dan leh hlim kan tum danah fimkhur a ngai ve em em a. Zu leh ruih theih thil nena hlim kan tum chuan hlimna kan hmu lo ang a,
4

ROHLU

ROHLU

buaina leh lungngaihnain min tlakbuak zawk ang. Zu ka ruih chuan mite ka tibuai a, chhungte rilru a na a, kohhran tan pawh mualphona a ni \hin. Chuvangin Zu leh ruihhlo (Damdawi) tel lovin Krismas leh Kumthar (Kut) i hmang ang u. Kan neih ang tawkin nalh takin inchei \ heuh ila, hlim takin Krismas leh Kumthar Ruai i kilho \ heuh ang u. A pawimawh ber chu kan taksa leh kan thlarau hlimna bul, kan lawm chhan ber, Boralna rama leng tawh hnu, vankhua min chantir tura Lal lo piang ngei chu i fang ang u. I chawimawi ang u. Thinlung a lamah hawn ila, ro thil dang a ngai tawh lo! Kan zavaiin, nausen, naupang, pitar leh putar pawhin ang. Isu, vawiinah hian kan thinlung bawng inah, Lo piang thar leh la, Nang kan chatuan Lal turin; Kan kut riang hi i chun Mari kut chantir la, Chatuanin kan lawmin kan hlim kumkhua tawh

ROHLU

ROHLU

BERAMTE KALSAN

V. Chhingkhuma Tin heti hi a ni a, vantirhkohte chuan vana an kalsan veleh beram vengtute chuan, Tunah Bethlehem khua thlengin kal ila Lalpan thu min hrilh lo thleng chu i en ang u, an inti a. Tichuan an kal thuai thuai a, Mari nen, Josefa nen, ran chaw pekna thlenga nausen mu nen chuan an hmu a. Tin, an va hmuh chuan nausen chanchin thu vantirhkohvin a hrilh kha an sawi vela. Tin a hria apiang chuan beram vengtute thusawi chu mak an ti hle a. Luka 2:15-18. Pathian, hmasanga thlahtute hnena bung tam tak leh kawng tin renga zawlneitea thu lo sawi \hintu chuan nang leh keima sual thawina turin Pathian chu Mihringah a lo piang ta tih thu lo thleng hian beram vengtute tui taka an muhil lai chu a rawn \hawng harh ta hlawl mai a. Lalpa ropuinain an vel chu a rawn chhun eng a, beram vengtute chuan an hlau ta em em a. Nimahsela, vantirhkoh chuan an hnenah, Hlau suh u lang, ngai rawh u, mi tin ta tur chanchin \ha lawmawm em em ka rawn thlen che u a ni tiin Davida khua Bethlehemah kan sual thawina tur leh khawvel sual phurtu Chhandamtu Lal Krista lo pian thu hi a rawn hrilh ta a ni. Vantirhkohvin Beram vengtute hnena Chhandamtu pian thu a rawn hrilh hian awmzia a nei thukin a va ril em! Eden bawhchhiatna avanga Pathian ropuina chang zo tawh lo mihringte sual thawina atana an hman fo \hin chu beram hi a ni. Beram kum khata upa hmelhemna neilo thisen kengin puithiam chuan mite sualna chu a thawi \
6

thawina atana a\angkai em avangin Palestina ram dung leh

hmun thianghlimah a luhpui \hin. Hetianga mite sual

vangah beram an vulh uar hle a ni. Beramte chu ramsa ten an seh mai lohna turin vengtu rinawm leh \ha tak ruaiin an chhawr \hin. Chutichuan beram vengtute dinhmun chu mi tlawm leh mi thuhnuaia kun peih mi ni nih a ngai a He thu hi a duhawmin a va \ha em. Rilrua inngaitlawmte hnenah Lalpa chu a vantirhkohte hmangin a inhriattir \ hin. Lalpa chu fakin awm rawh se. Tunah Bethlehem khaw thlengin kal ila Lalpan thu min hrilh lo thleng chu i en ang u an ti a, an kal thuai thuai a. Heng thute hi a va mawi em! An beram ven a \ul tehlul nen, ram saten an seh mai ang tih pawh ngaihtuah lo leh hlau miah lovin an kalsan ta daih maia. Beram neitu pa anmahni ruaitu chuan beramte ngaihtuah lova hmun danga an kal ta daih chu rawn hmu ta thut se a ngaihdan a nih loh hmel i ti ve em? Kan ran vengtuten hetiang hian ti ta se kan lawm chiah chuan ka ring thei lo a ni. Mahse, khawngaihna engah beramte kalsana Lalpa vantirhkohvin an hnena a sawi ngei chu hmu tura ke pentir chu rinna thunung hi a lo ni reng mai. Beram vengtuten an beram vente an kalsan hian awmzia ril tak a nei a ni. Ran thisena in thawina a tawp dawn avangin nausen Isua zawk chu kan tan chanchin \ ha lawmawm a lo ni reng mai. Lalpa chu fakin awm rawh se. Beram vengtuten an va hmuh chuan Nausen chanchin thu vantirhkohvin a hrilh chu an sawi vela, a hria apiang chuan beram vengtute thusawi chu mak an ti hle a ni.
7

ROHLU

ROHLU

Lalpa Pathianin a hnawl tawh ran thisena inthawinate chu kalsanin kan sual thawina Krista Pathian beramno hmelhem lo chu rinnain thlir ila- Chanchin \ha lawmawm em em hi nang leh kei hian kan lo hlimpui ve tawh ngei ang. Beram vengtuten vantirhkoh thusawi an sawi chhawng angin, kan hnena Lalpa inpuanna Krista min hmangaihna thu hi a hria apiang ten mak an lo tive tawh dawn a ni. Zawlneitea thu lo sawitu khan heng ni tawp, ran thisena inthawinate leh dan zawm dik tuma \anlakna zawng zawng lakah hian a fapa Isua Kristaah kan hnenah thu a lo sawi ve ta a a hria apianten mak an ti \hin a ni. Vantihkoh thusawi ang ngeia engkim an hmuha an hriat avangin Pathian chawimawi leh fak chung zelin an kir leh ta a. He thu hi a va \ha dangdai tak em! Vantirhkoh hrilh ang ngeia Isuaah engkim an hmu angin keini pawhin Lalpa inpuanna leh hriattirna vanga kan beiseite awm ngeia hriatna neiin engkim kan hrefiah ve tawh dawn a lo ni reng mai. Krista thu hriatna chuan Pathian fakna leh chawimawina hmunah min hruai zel \hin a ni. Beram vengtuten an beram ven an kalsan ta ang bawkin keini pawhin kan tisa mize duhzawng kan felna leh sualnate kalsanin pianna thar Krista chibai buk turin rinnain ramte i la ve zawk ang u. Lalpan a thute chhiartu zawng zawngte hnenah a tharin malsawmsak \heuh rawh se, Amen.

KHAWIAH-NGE JUDATE LAL LO PIANG CHU? by Rev. Dr. Chalhnuna Chang thlan: Khawiah-nge Judate lal lo piang chu? Khawchhak lamah arsi kan hmu a, amah chibai buk turin kan lo kal a ni. (Mat. 2:2) Thuhmahruai : Kan thupui hi zawhna a ni a. Khawiah nge Judate Lal lo piang chu? tih hi zawhna pahnih a ni thei angin a chhanna pawh pahnih a ni thei bawk. Zawhna pakhat chuan Isua pianna hmun a zawt a, a pahnihna erawh chuan Lal Isua awmna a zawt a ni. 1. Khawiah-nge Judate Lal a pian? He mi chhanna hmasa ber chu Bethlehem Bawng Inah Lal Isua a piang a. Bawng Ina a pian leh Ran chaw pekna thlenga a mutna hian awmzia thui tak, awmze thuk tak a nei a. A awmze pakhatah chuan Bawng In tlawm takah Isua a lo piang hi kan hriat tlat a ngai a. Tun thleng pawhin rilru inngaitlawm, thuhnuairawlh thinlungah chuah lo chuan Isua chu Lal angin a piang thei ngai lo. Rilru chapo leh inngaihlute hnenah Isua a piang thei lo va, a tan hmun a awm thei lo. Chuvangin, lal Heroda inah leh mi ropuite inah piang lovin khaw mawl te Bethlehemah a lo piang a, Bethlehem khuaah pawh Bawng inah a lo piang zawk a. Mihring thinlungah Isua a piang dawn a nih chuan thinlung inngaitlawm, thuhnuairawlh thinlungah lo chuan a piang thei lo. Mi tupawhin mi sual a nihzia hriaa inngaithawl hnenah chauh lo chuan Isua a piang thei lo. Tunlaia kan inzirtirna tam takah mihring thinlung hi siam\hat theih rual loh niin kan zirtir niin a lang a. Kan
9

ROHLU

ROHLU

\hin a. Pathian hmangaihna leh khawngaihnaa chhandam kan nihzia tihlan nan te, a thlawna chhandam kan nihzia sawi nan te eng emaw chin sawi a ngai ve reng a. Mahse, Kristian nun, nun thianghlim, Pathian fate nun kan neih a ngai a. Chutiang ni tura chhandam kan ni a. Thlarau Thianghlim \anpuiin kan ngaihtuahna rilru leh kan thinlung ngei pawh hi tihthianghlim tel a nih loh chuan kan engte hi nge min tihthianghlim tak ang le? Kan thinlung dinhmun tak hi Pathian chuan a en fo si a. Lal Isua chu mi inngaitlawm, thuhnuairawlh thinlungah a piang fo \hin. Engvangin nge Beram vengtute hnenah Isua pian thu vantirhkohten an puan hmasak ber tih te, engvangin nge Bethlehem khaw mawl teah pawh Bawng (ran) inah nausen Isua a lo pian a, engvangin nge Ran chaw pekna thleng kher kher hi Isua nun bul \an nan Pathianin a hmantir tih hi ngaihtuah tham a va ni tehlul em! Lal Isua chu mihringte sual tlan tura puithiam lalber ni tura ruat a ni a. Levia chi puithiamte leh an inthawina ran zawng zawng tibang tura lo kal, lo piang a nih vangin Bawng Inah, ran chaw pekna tleng ngeiah a luhchilh ta a ni. Ani chu kan tan Pathian Beram No a ni a, kan tan chatuan puithiam a lo ni ta. Vantirhkoh chuan Josefa hnenah A hmingah ISUA i sa ang, ani chuan a mite an thil tihsual lakah a chhandam dawn si a tiin a hrilh a. Keini pawhin tunah vantirhkoh hming sak chhan ang ngeiin kan thil tihsual lakah te min chhandam ta a nih hi! Pathian hming chu fakin awm rawh se. Lal Isua hming i pu ang u, Lungngai, riangvai fate u;
10

Khawiah pawh pu ang che u. Hming mawi ber, hlu tak chu, Mi beisei leh van lawmna.

II. Khawiah-nge Judate Lal lo piang chu? He mi chhanna atan chuan ringtute nun leh awmdan lamah hmuh i lo tum teh ang. Tirhkoh Paula chuan Krista chu keimahah a nung zawk a ni a ti a (Gal. 2:20). Amah bawk chuan Mi zirtute ni rawh u, kei pawh Krista zirtu ka ni ang bawkin a ti zel a. Chu mai ni lovin Entawn tur keini min nei a tingam a ni. Tirhkohhovin nasa taka rawng an bawl laia miten an fakna ropui ber pakhat chu Isua hnenah an awm tawh tih an hria hi a ni. Keimahni nunah te, kan hnathawhah te, kan thusawiah te, kan \ awngkamah te Isua tan chhinchhiahna arsi kan nei ve em le? Kan nundanah Lal Isua mizia a lang ve em aw! Mari hnenah Chibai voh bik! Lalpa i hnenah a awm tiin vantirhkoh chuan chibai a buk a. Keini Isua Krista changtu, neitu, Thlarau Thianghlim neitute hian eng ang nun nge kan neih a, eng ang mizia te nge kan la neih i ngaihtuah ang u. Israel pathian mite hnenah in hnenah Pathian a awm a, in hnenah kan lo kalve ang e an ti a. Hetiang \awngkam hi kan hnenah miten sawi ve thei se a va ropui dawn em! Tichuan, Amah chibai buk turin kan lo kal a ni an ti ang a. Tichuan, kan thil tih\hat te an hmu ang a, Pathian an chawimawi thei dawn a ni. Kan nun hian Krista hmel puang chhuak hram rawh se.
11

ROHLU

A LO HERCHHUAK LEH TA
Upa Lalringliana

Hun leh nite a lo her zel a, kan hlimni leh lungngaih nite, manganna leh hrehawmna te a herliam zel a, amaherawhchu a lo thleng tawh dawn lo tihna erawh a ni lo. Chutiang bawkin Ringtuten kan K<t ni ropui neihchhun Krismas ni leh thla pawh a lo her chhuak leh ta a, heng hun kan thleng leh thei hi kan \hat, kan fel, kan rin vang ni lovin, khawngaihna avanga heng hun hi thleng thei chauh kan ni. Thilsiam tinrengte pawhin thianghlim tak leh nghakhlel takin an lo hmuak a, Tlangsamte leh Tlaizawngten an parmawina leh an rimtuinatein Lal piang chibai buk turin an lo inbuatsaih a, sirva tinrengten zai lo sain fakna hlamawi tinreng nen hlim takin chibai b<k turin an lo inring reng bawk a, fak tlak, lawm tlak a nih an hai lo. Thilsiam tinrengten Pawl b<k lem leh naupiang rilru thianghlim taka Lal lem te thla lo lakpui lawp lo piang an lo hmuah mek lawp lah bo lo, a \henten laiin keini lam i han inen teh silhfen leh eitur tuihnai ang. Hun kal liam tawh han chi hrang hrang nena lo thlirkir ila, ringtu intiten inbuatsaihte, zu leh sa leh kan tana Lal lo piang kan tisa nawmchenna chi hrang hmuah \hin dan te han ngai- hrang nena lo hmuak tawk htuah chang hian rilru a na lah bo lo, ngun taka han \hin. Mahnia pianna tak ngaihtuah chuan a lung chang si lova, a thawnthu chhiatthlak tak meuh a ni. Mi hausate chuan an leh a hlimthla maia inawih lunglen tum te, tin khawi neih pholanna remchangah maw lai hmun remchang hmangin nuama an rin ang12

apiang leh mawia an rin apiangte hmang leh inbel a, eia in-in nuam tawl nan an hmang a, Lal Isua theihnghilhin anmahni an insawngbawl a. Chutihlaiin miretheite tan rualawhna leh lungngaihna hial a thlen a, mi silh leh fen ang feng a lei ve thei lo leh fate duhzawng lei theihloh avanga \henrual kara chhuak ngam lo mi tam tak an awm bawk a, hengte pawh hian Isua theihnghilhin an harsat rualawhnain a eiral a, engtihna mah an ni chuang lo. A chhan chu mi neinungte leh mi retheite pawhin Krista aiin mahni kan inngai pawimawh \heuhva kan fuh lo ve ve a ni. Krismas tak hmang tute erawh chuan ei leh in, silhfen leh tisa lam lungkhamna nei lovin an tana Lal lo piang chu fak leh chawimawi lo thei lo an nih avangin, mahni indah\hain Lalpa ropuina chauh ngaihtuahin, an chhungrila thlarauva Lal lo piang chu an fak a, an chawimawi a, an hlimpui a, an thlamuanpui a, lawmthu an sawi mawlh
13

ROHLU tawh lo te mi rawn tinung thar leh a, sawisel bo, Ama nun thianghlim min neihtir tura lo kal anih zia an hriatin hlu an ti a, phuloh hmangaihna an chan chu thlarauva lawmthu sawi duhtawk lovin taksa leh Amah vanga a neih thilte nen ngei an chawimawi \hin. An chhungril lawmna chuan an taksa, an rilru ngei a chetchhuahtir \hin. An silh leh fen hlui, tisa thinlung puan hlipthlain, an nun thar Krista silhfenin an inthuam a, Krista chawimawiin an awm a, amah pawh chawimawi leh ngainatawm takin amahah Isua mawina a lo langchhuak \hin. Chu chu Krismas tak hmangtute awmdan chu a ni. Chutiang tak chu i

lo nih a, nangmahah Lal lo pianga chu chawimawia a awm theih nan Lal Isua hmingin Krismas chibai vo-

ROHLU

ROHLU Lawma hlim zai lo thei ka ni lo, tia hlim taka fak hla nen kan hmang ngei ngei tur a ni. Tunhma chuan (Kan naupan lai chuan) kan nu leh pate, kan pipu te leh kohhran hruaitute chuan he hun hi an uar thei em em mai a, zan thum lite an zai tlaivar changte pawh ka hre \hin a ni. Krismas/ Kumthar han \iak tur hi an ui thei em em a, tiak dawn zanah te hian a zawm leh dan turte pawh an ngaihtuah fo \hin. Vawikhat chu kum sawm vel emaw ka nih laiin Krismas leh kumthar kan hlim em em mai a. Zan thum lai tlaivar a ni tawh a. Tiak zan a lo nia, zan lai dar 12:00 thleng an zai a, zai a la kal \ha em em mai a, ban phal mai mai chi a la ni lo. Chutah kohhran hruaitu pakhat a lo ding chhuak a, heti ema kan khawtlangin Lalpa fak kan la kham lo hi a ropui em a, naktuk chhunzawm leh nan ka vawk pa sum nga vel hi ka thawh e, a rawn ti a. Mipui lawmin a \hen a Haleluiah \ hawt \hawt a, a \hen kut an benga. A tuk pawh hlim takin an hmang leh ta a ni. Pu Liankapan Kristmas tak tak ka tih chu a tih \hin hi hetiang hi a ni ngei ang. Kan hlim leh lawmna tur chu a ni ngei mai le. Awle, hetianga hun hlimawm taka hman tur a nih laiin kan thupui zawhna pahnihnah khian bih chian deuh ngai a awm ve tlat mai. Khawvel hun a lo inher zel a, finna leh thiamna a sanga, hmasawnna rahbi thar a lo inher chhuaka. Hmasawnna a chak ang zelin duh dan leh thiltih dante a lo inher danglam zela. Khawvel hmasawnnain rah \ha tak tak a chhuah rualin nghawng \ha lo tak tak pawh a thlen ve fo ta mai a ni. Hetak hi vawiin niah keini \hangthar kohhrante pawhin kan chhiatpui tur leh \
15

LAWMNA TUR NGE LUNGNGAIHNA TUR? Rev. C. Zalianthanga Pathian kaihhruaina hnuaiah kan rawngbawlna peng hrang hrangah malsawmna dawngin hun a lo vei leh ta der mai. Office lam hnathawkte leh sumdawngte, lirtheia eizawngte leh thildang dang ti \hin te tan pawh fur pika kan thiltihte hma kan hlena, hun hlimawmin min hmuak mek a ni. Chumi rualin thingtlang lo nei mi leh leilet neite, thlai chi hrang hrang chinga fur ruahtui tlak chhung zawng kawla ni chhuak chhiara ram \uan \hinte pawh an thawhrimna rah sengin khaw\hal boruak thiang nuam tak an han hip \an ta a. Mitinten an kut hnathawh rim rahte an seng a, hlim takin an buh phalte nen an hawng hlawm a ni. Chutichuan, favang ni eng mawiin khawvel a rawn en a, a \hente tana lungtileng em em turin hun a rawn inher chhuak ta a ni. Chutiangin, boruak thianghlim, ni eng mawi leh incheinan khawvawt nuam tak mai kan chan rualin ringtu zawng zawngtena kan ngaihhlut leh nghahfak kan K<t pawimawh ber Krismas leh Kumthar kan lo thleng leh ta reng mai a ni. Hei hi ringtu zawng zawngte tan kan hun pawimawh tak a ni a, kan hlim leh lawmna tur ni chu a ni chiang hle mai. Lei leh van inmihran tawh hnu, bawhchhiatna avanga Lalpa laka chatuan nun changzo tawh lote, Lal Isuan a bul min rawn \ansakna a ni. Kan bawhchhiatna leh sualnate avanga thi tawh hnu nun thar kan neihna turin Lal Isua, Pathian famkim ngei chu hringmiah lo changin Bethlehem a\anga in\ana lei nun hun hman dang zawng zawng han thlir chuan misualte tana a rawnin hlan leh sual
14

ROHLU

ROHLU

Vawiin nia mi tam takte lungngaih rukna ber chu, Kristmas leh Kumtharah hian kan fate engtin tak awm ang maw? tih hi a ni. Kristmas leh Kumthar hun a lo thlenga, he hun hi duh tawka zalennana hman tur emaw tiin khawvel sual nawm chennan hman tumin an lo hman hlel ve \hin a ni. Hei tak hi intih changkanna \ha lo, nunkawng \ha loa inhruai khawlohna a ni. A bik takin Thalaiten he hun kan hman \hat leh \hat loh hi kan dam chhung atan pan dam thei lo a ruka min siamtu a ni tih hriat hram hram a \ha a ni. Kan Training laiin kan zirtirtu pakhat chuan Family plan chungchang a sawinaah- Nupa inkara harsatna nei fo \hinte hi, an nulat tlangval laia lo inhmang zalen hote hi an ni \hin a ni, a ti a. Hun rei lote sual nawmna hlimpui hian dam chhung atan pan ser reh thei lo a siam a ni tih hriain, he ringtuten kan hun hman hi uluk taka hman i tum ang u. Khawilaiah emaw zu leh sate nen thil dang dang tia lo intihhran vel hi ringtute nun ti daltu leh intihchangkanna \ha lo ber, nu leh pa, kohhran hruaitute tilungngai ber \hintu a tling a ni. Tin, Mizo zingah Krismas hun a lo thlenga silhfen thar neih kher tur emaw kan ti \hin hi ngaihtuah chian a \ ha. Neinung ten heng hun lawmawmah thuamhnaw thar tu leh fate tan an tih sak hi tu sawisel chi mah a ni lovang a. Amaherawhchu chhungkaw harsa ve tak takten mi duh ang an duh ve a, an tan phurrit lutuk a ni \hin erawh hi chu ngaihtuah chian deuh a \ha khawp ang. Hnamdang, ka hmuh phak ve chinah chuan Krismas leh kumthar ni khuaah thuamhnaw thar lam an buaipui vak vak ka hre ngai lo. A huna Pathian fak leh chawimawi anih dan tur angin hun an hmang mai \hin a ni. Thu leh hlain fakna 16 hlam hlamchhiaha, thuamhnaw leh langthei thil ho mai

nih chuan Krismas ze dik kan la thleng lo a ni mai ang. Tin, thil ho tak anga lang, kan bansan atan ka duh em em chu- Dawnthleng dawh hi a ni. Mi tam takin an tu leh fate- thleng an dawhtira, Krismas zanah Krismas putarin induhzawng a lo dah ang an ti a, an dawhtir \hin. Hei hi, mi hmuhdan leh ngaihdan ka hre lo, kei erawh chuan tu leh fate dawt hmanga inbumnaah ka ngai a ni. Vanlam miin an dahsak lova, anmahni tho thovin an dahsak a ni a. Hei hi dawta tu leh fate tihlawmna a ni. Chuai chuan an mamawh leh an duh zawng chu dik tak leh tlang takin dawt tel lovin tihsak mai ila- Pathian thu nen a inmil zawk daih ang. Aw le, Ringtu zawng zawng tena kan hun ropui neih a ni a. Milem sakhaw be hote pawhin a theih tawpa ropuiin an hmang \hin a ni a, keini Pathian nung betute phei chuan ropui leh zuala hmang tur kan ni. Amaherawhchu, nula leh tlangval \haliten a intihranga hlimhlawp nana hmang lovin, nu leh pate leh kohhran hote nen thianghlim takin hmangho ila, lungngaihna lam min thlen theitu chu kalsanin he hun lawmawm tak mai hi lawmin- Hlimna ni ropui chu a eng tiin hlim taka zai vawrin hlim taka

17

ROHLU

ROHLU

BIAK IN KANG

Dt. 28.11.2011 ni khan Pune-ah Mizote leh North East zirlaite, sawrkar hnathawkte leh thil zira kal tena inkhawm nan an hman \hin St. Andrews Covenant Church chu a kanga, A kandan hriat chian a ni lo. Zing dar 7:00 hmain Chawkidarin a phiata, a chhuahsan hnuah dar 7:00 velah a lo kang chhuak ta mai a ni. 8:10 AM ah Fire Dept. an thlenga, an \helh nghal char char a, dar 10:00 thleng an \helha, an \helh mit thei hram a, hmun dang kang kai lovin an \helh thei a ni awm e. He Biak in hi kum 150- vela upa a ni a, Nun hovin an lo sak a ni a. Lung leh leirawhchana sak a ni a, darkar khat chhungin a chhung bungrua te nen a kang fai vek thei a. A kan danah Electric kalsual a ni ang em? tih hi ngaihdan lang thei maiah chuan a ni a. Amaherawhchu, darkar khat chhung leka a kan ral dan ngaihtuahin current kal suala kang mai a ni lo deuh awm mang e tia rinhlehna a awm a, Foreinsic lam ten an chhui mek a ni. He Biak In hi Pune-a Mizo zirlaite leh hnawthawka awmte, North East a\anga kal hotena inkhawm nan an hman ber a ni a, chawlhniah dar 2:00 atanga dar 3:00 PM inkar velah an inkhawm \hin a. He biak in kangah hian Rs. 150000/- (Nuaikhat singnga) man hu an hmanrua a kangral a ni. Tunah hian inkhawmna tur an ngaihtuah mek a, i \awng\aipui ang u.

KRISTMAS PA (Santa - Claus) Thuhmahruai :

Jonah Pa.

Krismas dawna thilpek inpek \ hin chhan naupangten an hriata, Miretheite \anpui duhna an lo neih theih nan leh Thalai leh Naupangten hnamdang Flim-ah te kan hmuh \hin Santa -Claus a lo chhuahna an hriat theih nan. Hmanlaiin Mura khua an tihah hian Bishop hausa

deuh mai pakhat hi a awm a, a hming chu Nikola a ni. Mura khua chu tuipui zau an tih Mediterranean tuipui kama awm a ni a, khawmawi leh nuam tak a ni. Tunlai chuan Turkey ram awp chhungah a awm a. Bishop Nikola chu mi hausa tak chhungkua a\anga lo piang a, lo seilian a ni a. A pian kum tak chu hriat chian a ni tawh lo va, AD 300 leh 400 inkar vel kha a ni awm e. A pian ni erawh chu chiang taka hriat a ni a, December ni 6 a piang a ni. Nikola chu Bishop a lo nih chuan amah chauhva a hausakna chen mai chu \hain a hre lo va. Mi rethei leh chanhai zawkte hnenah a neih sum leh pai leh thawmhnawte chu phal takin a sem chhuak \hin a. A hmel landan chu mi hlim thei tak, biak nuam em em hi a ni a, khabe hmul var sei tak hi a nei bawk a, kawrfual sen lian tak hi a ha reng \hin a. Khawlaia a kalte hian a kawrfual ipte-ah chuan chithlum mum hi a ak \euh a, naupang a hmuh apiangte chu a sem zel \hin a. Chuvangin naupangte chuan an ngainain an lawm thei hle \hin a ni. Bishop Nikola chuan mi mangang leh \anpui ngaite a ruktea \anpui hi a ching bawk a. Khaw chhungah hian
19

18

mangang leh \anpui ngaite awm leh awm loh lo bengvar a, \anpui ngai an awm chuan a hnena a ruktea rawn hrilh turin a \hian\ha zual bikte chu a chah a. A chah ang ngei chuan a \hian\hate chuan \anpui ngaite hming leh an awmna in te chu an rawn hrilh ru \hin a. Tichuan, Bishop Nikola chuan zanah a ruktein a va \anpui \hin a ni. Vawikhat chu Bishop Nikola hnenah chuan \anpui ngai em em chhungkaw khat chanchin hi an rawn hrilh ta a. An khuaah chuan pa rethei tak mai pakhat hi a awm a, fanu nula pathum hi a nei a, nu an nei tawh lo va. A fanute chu pasal neih hun \hiau an ni tawh a, mahse chung hun lai chuan hmeichhiain pasal an neih dawn reng rengin an pasal tura ten an ngen zah zah man leh mual chu hmeichhe lam chhungten an pe \hin a. Tunlai Indai rama Hindu sakhua zuitute inneihna ang hi a ni ang chu. Chutiang chuan pasal an nei \hin a ni. Tunlaia keini hnam inneih dan nen chuan a in ang lo hle awm e. Chuvangin, chung kan sawi tak nula pathumte chuan pasal man tur an neih theih loh avangin pasal nei lovin an awm ta reng mai a. An \hianten pasal an han neih changte hian zak tak leh lungchhe takin an lo awm ve tlawk tlawk mai \ hin a ni. Chu an chanchin chu Bishop Nikola chuan a lo hriat chuan a khawngaih ta em em mawi a, a ruktea \ anpui a tum ta a. Zankhat chu a kawrfual sen lianpui chu a ha a, rangkachak mum khat a ak a, pa rethei tak in lam chu a pan ta a. Pa rethei takte in chu a tein a chhe hle mai a, tukverh kawngkate hi a lo inhawng a. Chuta \ang chuan a rangkachak mum ken chu a ruk tein inchhung lamah chuan a va dah lut ta a ni. A tuk khua a lo var a,
20

ROHLU

ROHLU

pa ber zing tho chuan rangkachak mum a han hmuhin a phu zawk a, a lawm ta em em a, Tunah chuan ka fanu upa
berin pasal a nei thei ve dawn ta a nih hi tiin a au chhuak ta hial mai a. Rangkachak mum chu tu rawn dah nge tih hriat chhuah tumin a \henawm khawvengte a han zawt vel a, mahse tuman an hre si lo. Rangkachak mum chu a zuar a, a fanu upa ber chuan pasal chu a han nei ta phawt a. An chhungkua an hlim an lawm hle mai. A nau nula pahnihte tan pasal man an la mamawh tlat si a. Pasal man an neih theih si loh chuan an leng tar mai dawn a ni. Zan khat chu khua a thim hle mai a. A tih dan pangngai angin tukverh inhawng a\ang chuan rangkachak mum a ken chu inchhung lamah a va dah lut leh ta a. Chu velah in neitu pa chuan meichher chhiin kawngka pui chu a rawn hawng phut a, Bishop Nikola chu a hmu a, a hnen lamah chuan a lo kal ta a. Bishop ke bulah chuan a \hing\hi a, chibai a buk a, an chhungkaw chunga thil ropui tak a tihsak avang chuan lawmthu a sawi mawlh mawlh mai a. Hun engngemaw tih a\ang khan Holland mipuite chuan Bishop Nikola chu Santa Claus-a (Santa Ka-lau-a) tiin an ko ta a, a awmzia chu Kristmas pa tihna a ni. Keiniin Kristmas putar kan lo tih tak hi a ni. Bishop Nikola pian cham thlen dawn zan (December ni 5 zan) apiangin Holland leh Belgium rama naupangte chuan Kristmas-pan a ruktea thilpekte a rawn dah nan tiin in pawnah an mawzate an lo khai \hin a. An hmuhhilh hlanin an nu leh pate chuan an fate duh zawng chu an lo thlak a, naupang zing lo tho chuan thilpek lo tla chu an hmuhin an hlim thei hle \hin a ni. Tunah chuan chutianga thil chin \hin

21

ROHLU LOCAL REPORT

1 December. 2011, (Thurday) Sweet December khan Champhai Local Ramthar Sub. Committee hmalaknain \awng\ ai Camping Hmunhmel\ha Gilgal \awngtai tlangah neih a ni. Zing dar 7:00 ah Motor pali in an kal a. Kohhrana motor nei ten an thawh bawk a ni. Mi 43 an kal a, tlai dar 4:30 ah an tiak a ni. He hunah hian Champhai Upa pali leh Pro. Pastor pahnih bakah Evan. Pi Vanin ten an telpui bawk. Tawng\ai ho mai bakah Pathian thu sawi leh kohhranin Pathian thua intuaitharna kan mamawh zia share-na neih a ni. Hemi huna kalten hlawk thlak an tihzia uar takin an sawi a, a hlim tlang hle. Champhai Local Kohhran Hmeichhiate chuan Champhai District Jail-ah te, TNT Home leh Jenesareth Home -ah te Ni 27. Nov. 2011 Sunday chawhnu khan \anpuina tangka fai leh thawmhnaw te an pe. Champhai Local hian Krismas leh Kumthar ropui tak leh hlim taka kohhran hoten lawm an tum a, A nipui ni ve veah Thingpui leh Mizo chhang ruai buatsaih an tuma, a tukah vawk talhin ruai ropui taka \heh a ni ang. Ruai buatsaih nan hian kohhran chhungkaw tin ten mahni theihtawk maibakah mi harsa zawkte thawhkep \heuh nise an ti a. Chhungkaw harsa leh kum lama Upa kum 70 chin chunglam x-mas present pek an tum bawk. An Circuit chhunga Local dang ten engtiang chiahin nge X-mas Programme an siam kan hre lo va, engpawhnise, ruai nen hlim taka kohhran hoten he hun hlimawm tak lo thleng
22

ROHLU Aizawl Chanmari Local-in November ni 30 (Nilai) zan atanga December ni 4 zan thleng khan Evan. C. Para ruaiin Crusade an nei a, crusade chhimtu an tam lamah duhthusam chiah lo mahse biak in mawi tawk zantin inkhawm an awm deuh ziah a, ngaithlatuten hlawk thlak an ti hle. Chanmari Local-ah hian December ni 11 ah Kum 2012 Upa thlanna neih a ni dawn a, an Local chhungah hian Upa Paruk an awm ang. Tin, hemi ni vek hian Chanmari Local chhunga Department dang Thalai leh Kohhran Hmeichhiate pawhin Kum 2012 chhunga an hruaitu thar tur thlanna an nei bawk. Chanmari Local hian X-Mas leh Kumthar lo thleng tur hi ropui tak leh a hlim thei ang berin Kohhran hoten hman an tum a. A nipui ni December 25 ah leh January ni 1 ah Ar sawhchiar an siam ang a, a tukah Vawk talhin ruai ropui taka \heh tum a ni bawk. Hei bakah hian an Local chhunga kum 70 chuang te hnenah Present \ha tawk tak hlan an tum bawk a ni. Edenthar Local pawhin X-mas leh Kumthar lawm nan hian a nipui niah Thingpui leh Mizo chhang rual an \heh phawt anga, a tukah kohhran hoten ranpui talhin ruai ropui taka \heh an tum bawk a ni. Lunglei leh Lawngtlai Local pawhin Krismas leh Kumthar hun lawmawm tak lo thleng tur hi Ruai nen ropui taka kohhranhoten a hlim thlei ang bera lawmna programme siam an tum a ni. Chutiangbawkin, Kolasib Circuit lam pawhin he hun hi

23