ROHLU

JANUARY 2012

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

ROHLU

Kum 6-na

January

Editorial Board Editor Joint Editor News Editor Cir. Manager Members : Rev. Dr. Chalhnuna. : Lalringliana. : Lalthangzauva. Rev. E. Lalzarlawma : Lalromawia. : Rev. Lallawmthanga Rev. C. Zalianthanga Rochharliana.

1.A bul tan nan chhungkuaah - Rev. C. Zalianthanga 2.Ringtu nun hmasawnna rahbi - Maloma Thadou 3. Bial enkawl hna - Rev. Dr. Chalhnuna 4. Pathian Khawngaihna kan dawn Farkawn Local thar 5. Thuhriltute kaihhruai nan 6. Kristmas leh Kumthar Chibai bukna leh Report -DS 7. A thar hlir sawm - Upa Lalringliana 8. Conference Programmee

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

HRINGNUN THLIRNA # Hun a kal zel, in ti elo? A ni lo asin, hun chu a ding reng a, keimahni hi kan kal zawk a ni.
- Austin Dobson

# Hun nena kan kal rual zel loh hi chuan kawng kan bo tawh a ni. - Robindranath
Tagore

# Aw hun, chatuan khawvarna chu... Aw ka thlarau tahchuan khawiah nge i awm ang? - Rokunga # Khawvel nihphung hi chuan min bum ngai lova, keimahni leh keimahni kan inbum fo zawk \hin.
- Rous3

ROHLU

A hmasa berin Mizorama kan kohhran Local hrang hranga kan member zawng zawng, Krista tana kan thawhpuite hnenah District Head-quarter hmingin Kumthar Chibai kan hlan \heuh a che u. Kan beisei leh Pathian hnena kan ngen angin Kristmas leh Kumthar chu hlim tlang takin kan hmang zo leh ta a. Min tibuai thei thihna leh chhiatna rapthlak kan chunga thleng lo va, hlim taka min hruaitu kan Pathian hming chu fakin awm rawh se! Chu mai ni lovin Local tinte chuan kumin chhunga kan kohhran (Local) min hruaitu atan Upa te, Leader-te, Committee member tur te pawh kan inthlangin kan inruat zo fel leh ta bawk a. Mawhphurhna nei zawng zawng te hian Kohhrante hmanga Pathianin mawhphurhna, tihtur hahthlak tak kan chunga a nghahte hi lawm takin pawm \heuh ila. Pathianin min kohna a ni tih hriain \hahnemngai takin i thawk zel ang aw. Kan Pathian lehkhabu chuan Roreltuin taima takin rel rawh se a ti a. Kohhranpui bakah kohhrana Department hrang hrang: Kohhran hmeichhia te, Thalai pawl te, Naupang Sande sikul Committee te thlengin taima takin ro i rel \hin ang u. Tin, Thil petu chuan ui lovin pe rawh se tiin min fuih bawk a. Kumin (2011) chhungin thilpekah kan local zawng zawngin kan pe \ha hle mai a. Pathian malsawmna ropui tak kan dawng a ni. Pek tur min petu kan Pathian hming chu fakin awm leh rawh se! A tawp ber atan kan Bible-in min fuih angin Kan thlen chin a\ang hian hma i sawnzel ang u. Pathian rinchhan chungin, mahni inphatin, a kohna phua awm turin Pathian hnenah i inhlan thar zel ang u. Tirhkoh Paula pawhin Min tichaktu Lalpaah chuan engkim ka ti thei a tih hi kan tan pawh thil ni thei a ni a, kan tan pawh phal a ni a, kan awmdan tur tak a ni zawk bawk a ni tih i hre \heuh ang u. Kan rawngbawlna \ heuh Lalpan min hruai leh zel se la, mal min sawm zel rawh 4

Editorial :

A BUL

TAN

ROHLU NAN CHHUNGKUAAH By Rev. C. Zalianthanga

Kohhran leh khawtlang a lo thianghlima, nun khaw

nawmna leh ram leh hnamah remna leh muanna a awm theihnan chhungkuaah bul \an a ngai. Chhungkua hi kohhran anga kan sawi chuan Kohhran te ber a ni a, sawrkar anga kan sawi pawhin sawrkar te ber a ni. Chhungkaw tin te, kohhran nihna ze dik kenga, felfai taka in enkawl anih chuan kohhran bul \ha tak a in \an tihna a ni. Chutianga chhungkua hrang hrang a in finkhawm chuan kohhran \ ha leh thianghlim a lo ding chhuaka, khawtlang kohhran fel leh thianghlim chuan khawtlang a tithianghlimin a timuang \hin a ni. A nih leh chutiang khawpa thil pawimawh chu khawi a\angin nge a bul kan \an ang? Sir Winston Churchill-a chuan Chhungkua chu tlangvalin nula a hmangaihna a\ angin a in\an a ni a ti a. Tlangval hmangaihna thianghlima a hmangaihna a\anga chhungkua indin a pawimawh hle a ni. Mi tam takin nulat- tlangvalna reilote atana sual nawmna hlimpuinana tisa chakna tihpuitlinna atana lo in hmang thui lutuk, lak lawh avanga innei, hmangaihna dera inneihna hian chhungkuaah buaina a thlen fo \hin. Ring Larinen pawhin, In pian chhuahna chhungkua aiin i din tur chhungkua a pawimawh zawk a ti a. Kan pian chhuahna chu anihna angin kan hmang tawh a. A pawimawh zawk chu chhungkua kan din thar tur zawk hi a ni kan ngaihpawimawh tur chu. Chhungkua in dinnaah khawlo deuha kan kal mai mai chuan kohhran a nghawng a, khawtlangah harsatna a awm fo \hin a ni. 5 Tin, chhungkua hi vawn \hat theih a ni a, vawn\hat ngei tur a ni bawk a ni.

ROHLU John Mc Arthur-a chuan Chhungkua hi vawn \hat anih loh chuan pumpelh rual lohvin khawtlang thil zawng zawng a chim dawn a ni, a ti a. A ni ngei mai. Vawiin nia kan Zorama suahsualna tam tak pawh hi chhungkua invawng \halote avanga lo awm a ni tlang pui a. Kan Moral (Chhungril ngaihtuahna) chhe ta lutuk kan tih fo pawh hi a bul in\anna chu chhungkuaah a ni. Tuna kan ram curruption lo in\anna kan tih zawng zawng hi chhungkaw invawn thianghlim loh avanga lo chim ta a ni tih hi phat rual a ni lo vang. Tin, chhungkaw tinte lo in enkawl thianghlimna leh felna hian nakina kan khawvel hun awm dan tur thui tak a hril a ni. Prof. Gurner Arthur a chuan, Nakina khawvel awm dan tur thlirna \ha ber chu chhungkua hi a ni a ti a. Chhungkaw tih hian hun kal tawh tan hna kan thawk lova, hmalam thlira hnathawk \heuh kan ni.. Kan hnate inang lo mahse, kan tum chu hmalam tana hmasawnna leh \hanlenna a ni a. Chumi puitlinna bul chu chhungkuaah a ni. Chhungkua hmangaihnaa bul \ana, pheikhai rual taka hma an lak chuan an hmaa hlawhtlinna lo lang tur chu avaiin puitling lo mahse, a tam zawk chu a hlawhtling ngei ngei ang tih a thlir lawk theih a ni. Chhungkua indin fuh pawimawhna a tama kan sawivek seng lo vang. Chhungkua pakhat nun ringawt pawhin a \ha lam leh chhe lamah khawtlang leh kohhran a nghawng thei a. Chhungkaw sak fuhloh chu \hiat a har em em a. Gen. Douglas Mc Arthur-a pawhin, Chhungkaw din fuhlo tluka \hiat leh harsa a awm lo, a ti hial a. Chhungkua a din a fuh loh chuan tun mai ni lovin nakin a tu leh fa, \hangthar lo awm tur thlengin a nghawng theih avangin, hmangaihna a\anga bul \anin chhungkua la din lote pawhin a bul \an \hat a pawimawh hle a ni. Chhungkaw tinte inpawlkhawmin kohhran a ding a, khawtlang a lo ding a. Chhungkawtin a thianghlim chuan kohhran a thianghlim ang. Chutiang zelin kohhran a thianghlim
6

ROHLU

RINGTU NUN HMASAWNNA RAHBI

ROHLU

ROHLU

ROHLU

ROHLU

BIAL ENKAWL HNA By Rev. Dr. Chalhnuna

Pathian khawngaihna avangin kum 2011 chu tluang takin kan hmang zo ta a, tunah Pathian khawngaihna avang bawkin kum 2012 January thla chu kan hmang leh ta mek a. Kumin chhunga kan rawngbawlna tur leh mawhphurhna turte pawh kan inruatin kan inthlang fel leh ta bawk a. Kan tihtur hmabak chu kan tihtur hlen chhuah a ni ta. Kohhran kalphungah Bial \hen hrang hrang kan nei a. Mizoram chhunga kan kohhrante chu District pakhat hnuaiah vek kan awm a. District chu Circuit tiin \hen leh a ni a. Circuit hnuaiah chuan Local kohhrante kan la awm leh ta zel a. Local pakhat pawh chu Leader BIAL tiin kan \hen leh a. Hei hi kan kohhran inenkawlnaa kan Bial zim ber chu a ni. Tichuan, Bial hrang hrang enkawl turin hotute kan inruat \heuh va. Tunah chuan Leader leh a Bial enkawl dan chauh sawi ila. Bialtu Leader mawhphurhna hi a sangin a pawimawh em em a. Leader chu a bial chhunga member zawng zawngte thlarau lam leh an nitin khawsak dan hriatpuitu tur a ni a. A bial chhungah rawngbawlna, Pastor hna an thawk a ni. Dinhmun pawimawh takah an ding a ni. An tihtur tlangpui chu : 1. A bial chhunga member-te thlarau lam dinhmun hriatpui. 2. An harsatna chi hrang hrang hriatpui. 3. A bial chhunga member thar lut leh pem chhuak hriat 4. Bialtuin ama theihna bakah thlarau lam leh tisa
10

thila enkawl ngai an awm chuan Local Board lamah emaw hotute hnenah emaw hriattir. 5. Thawhlawm (thilpek) lama an dinhmun, an chak leh chak loh dan te hriatpui. ( An pek \hin dan i hriat chuan lawmthu sawi la, i hriat loh chuan an pek \hin zat zawt suh). Bial fan : A chunga tihtur tam tak ti turin Leader chuan a theih anga zingin a bial chhunga memberhote a fang \hin tur a ni a. Aizawl bikah chuan bial khat chhunga member awmna a darh em avangin bial fan zin a harsa a. Chuvangin a tlem berah thla thum chhungin vawihnih tal an fang chhuak ngei tur a ni, tiin Local Board chuan a rel a. Khaw teah leh bial fan remchannaah erawh chuan thla tin fan theih a \ha. Bial fan hun : Leader bial fan hun atan hun \ha ber hriat thiam a har a. Tuna kan tihdan tam berah chuan Pathianni zing a \ha ber a. Tin, in hnih/khat fan nan zan remchang pawh a \ha. Tin, mite kan lo changkang ta a, chhung tam takin Phone kan nei ta hlawm a, a theih chuan phone hmanga inhriattir lawk a \ha lehzual bawk. Hun hman dan : Leader bial fang te chuan In khatah hun hman rei a \ha lo va, hmanhmawh lutuk lova, fel taka hun hman a \ha a. An dam leh dam loh te zawh ni se. Ei zawnnaa an dinhmun te, zirna leh lawmna an neih te zawh hnuah Bible chang chhiara \awng\aisakna neih mai tur a ni. Tawngkam \hain sial a man Tih hi Rawngbawltu zawng zawngin kan hriat \heuh a ngai a. I bialte hnenah In vawk chu a va \ha ve emaw In thingrem... chu a va \hain a va nalh ve va tih hi mite lawmna siam kan lo ni e.
11

ROHLU

Chu chu kan rawngbawlna tur a ni. Fuihna thu : Tirhkoh Paulan a rawngbawlpui Timothea chu nasa takin a fuih \hin a. I naupanna tumahin ngainep suh se a ti a. Pathianin kohhrante hmanga tihtur an pek chu Thlahthlam lo turin a fuih a. Rawngbawl tura kohhranin an thlan leh an ruat Leader-te hi tuman kan ngainep tur a ni lo va, kan ngainep thei bawk hek lo. An bial chhung atan mi pawimawh ber Pastor hna chelhtute an ni si a. Amaherawhchu, mahni hi kan inngainep fo \ hin a. Insitna dik lo, setana thlemna kan dawng fo thei. Hei hi sual hnathawh a ni. Pathian leh a rawngbawl turin kohhranin min ruatna hi Pathian thiltih a ni zawk. Mahni insitna \ha lo hian min tibuai lul suh se. Pathian thilpeka i nihna i pawm chuan i thil tihah Pathianin a pui ang che. A tichak ang che. Huaisenna leh finna a pe ang che. Tin, Kum khat tan mai thlan kan ni tih hian i rilru leh rawngbawlna tibuai lul suh se. I inpekna ang zelin Pathianin i hun, i rawngbawl hun chu a tisei dawn a sin! Nghet takin, tihchet rual lohvin kan rawngbawl hna hi i chelh \heuh ang u. Pathian chuan keimahni hmangin hna a thawk zel dawn a ni.

ROHLU PATHIAN KHAWNGAIHNA KAN DAWN FARKAWN LOCAL THAR Kan beisei leh kan rin aia nasain Pathian hian kan thatna turin hna min thawhsak thin a, hma min laksak thin a. Rin loh takin, kan beisei phak hauh loh Farkawn khuaah Pathian Thutaka harhhote chuan Wesleyan Methodist kohhran chu min rawn zawm duh tlat mai a. Member duhawm tak tak 30 chuangin Wesleyan Methodist kohhran an rawn zawm ve ta. Champhai bial an nih angin Champhai bial chhunga kan Pastor pahnih leh Champhai Upahoten December ni 11 Pathianni khan hlim takin an lawm lut ta a. A va lawmawm tak em! Kan kohhran tan Farkawn Local thar hi Pathian min pek, a khawngaihna kan dawn malsawmna a va ni tehlul em! Pathian hming chu fakin awm rawh se!. Pathian remtihzawng a nih chuan he Local thar hi District hotute nen, Champhai Zaipawlte nen ni tam tawk kala lawmna ropui zawk neih leh zek kan tum a. Chu chu, a rem chuan February thla chhunga neih beisei a ni. Engpawh nise, kan duhnate hi Pathian hnenah thlen phawt ila, anin kan thatna turin engkimin min thawhsak zel dawn a ni. Tuna kan tihtur pawimawh ber pakhat chu he Local thara memberho tana tawngtaisak hi a ni a. Kohhran ding thar, mi tlem te, thenkhatin Zirtirna diklo pawmtu an tih, keinin Pathian thutak hmutute kan tihte tan hian i tawngtai thin ang u. Kohhran thenkhatin an duh loh leh an pawl atanga an hnawh chhuah, an hnawl, Pathian leh keini tana hlu tak an ni si a. Sawichhiatna leh thlemna chi hrang hrang an tawk mai thei a, chutiang harsatna laka him taka venhim an nih zel theih nan an tan i tawngtai theuh ang u. Anni nen hlim taka
13

12

ROHLU THUHRILTUTE KAIHHRUAI NAN ThuTHUTHU Wesleyan Methodist Kohhran hian Thuhril Rawngbawlna a hawng zau hle a. Pastor ni lote tan pawh Thuhril rawngbawlna neih theih a ni a. Amaherawhchu, Thuhriltu puitling tak tak ni tur chuan zirna (Preachers Course) zir zo (Passed) an ni tur a ni a. Tin, Preacher zir lote tan Tualchhung Thuhriltute an awm bawk a. Tualchhung Thuhriltu ni tur pawh an duhtui viau zel a. Mi \ha leh Pathian ngaihsak mi, mite pawhin an thu an ngaihthlak duh mite an ni \hin a. Kohhran local tinah Thuhriltu \ha tak tak kan nei mek hlawm a, a lawmawm hle mai. A bik takin tunah chuan Preacher-ho tan \hahnem han ngai ta ila. Preacher exam-na kan en chang hian eng Subjectah pawh an chhannain duhthu a sam thei lo fo mai. Kan zirlai kan hneh tawk lo va, tin, dik tak chuan kan lehkha thiamnain a daih lo va, kan kut ziak pawh chhiar hleih theih loh khawpin a buai a, rinhmanga kan chhunzawm mai mai pawh a awm fop \hin. Engpawh nise, kut ziak \hat leh \hat loh chu infuih vak hleih theih pawh a ni lo va, kut ziak chhe deuh pawhin a zirlai a hneh tawk chuan \ha takin a chhang thei \hin. Tin, Zirlai Bu kan nei a, chu chu zawhna siamna fung ber a ni a, a chhunga thu hmanga chhan tur a nih rualin lehkhabu dang a\ang te, Bible chhunga thu hmangtein a puih theih zel bawk a. Tichuan, Thuhril zir mi kan nih chuan, emaw, Thuhril mi kan nih chuan, Bible leh lehkhabu chi hrang hrang kan chhiar tur a ni. Tun hma kha chuan Kohhran Upate inah pawh Bible leh Hla Bu a awm chuan a tawk a ni thei e, mahse tunah chuan lehkhabu an ngah tawh khawp mai. Tun hmaa Pastor-te neih zat an nei tawk vek niin a lang. Mizo zinga mihlim leh Thlarau uar deuh chuan A tla chawp an ngaipawimawh \hin a. Mahse, Thlarau pawhin kan hriatna hmangin hna a thawk \hin a, Pathian pawhin a mi hman tur te
14

ROHLU Tirhkoh Paula te a\ang pawhin kan hre thei a ni. Kum tin deuh thaw Preacher exam zawhnaa kan tihchhuah pahnih chauh sawi ta ila. Heng hi Rawngbawltu zawng zawngin kan hriat a pawimawh a, Pathian thu thiamna hnuk pakhat pawh niin an lang. Zawhnate: 1. Judate leh an sakhua nasa taka tiduhdahtu Aniochus Epiphany-a chanchin i hriat te hansawi teh tih hi Bible Ram zirtu leh kohhran Chanchin zirtute tan siam a ni fo \hin a. Zirlai buah chipchiar tak chuan a lang lo nain kan telh fo \hin. Thuthlung Hlui leh Thuthlung Thar inkara Judaho leh an sakhua, an Temple tibawrhbangtu, Judate tana ran thianghlim lo (Vawk) hmanga inthawina hlantu, pathian anga insiam, hmun thianghlima ding kha a ni a. Hei vang hian Daniela te, Thupuan ziaktute pawhin, Lal Isua ngei pawhin thil lo thleng leh tur sawi nan an hmang fo \hin. Thuthlung Thar, Lal Isua hun pawh khan Heroda chhungkaw lalna a rit hle a, AD 70 velah phei chuan Niro-an Jerusalem leh Kristiante a tihduhdahna a nasa hle bawk a. Chutiang kan hriat chuan Bible thu harsa tam tak hi kan thlir thiam thei ang. 2. Tihthianghlimna hi eng hun a\angin nge ringtuten kan chan a, engtin nge a \han zel fiah tawkin han sawi teh tih a ni a. He zawhna hi preacher-te tan mai pawh ni lovin Probationer tan pawh kan hmang \hin a. He zawhna hi kohhran mite chuan kan hriat \heuh leh kan chhan thiam \ heuh a ngai khawp mai. Pathian thu hian bul \anna leh kal zel dan an nei \heuh a. He zawhna leh Chhandamna kan tih hi thu inang, kalhmang inang an ni a. Mahse, tunah Tihthianghlimna hmangin kan sawi bik dawn a ni. Ringtu hnena tihthianghlimna a thlenna hmasa ber chu a pianthar hun, Krista Isua rinna avanga chhandam, thiamchantir a nih a, a sualte ngaihdam a nih khan ringtu chu mi thar, pi15

ROHLU

ROHLU

Chu dinhmun danglamna chuan amaha sual langsar tam tak pawh a simtir nghal bawk a. Chu hun chu Tihthianghlim in\anna bul chu a ni. Amaherawhchu, kan ngaihtuahna sual te, kan taksaa tisa chakna te tihreh vek a ni si lo va, chutianga a\anga sual lak a\ang chuan tihthianghlim zel kan ngai a. Hei hi Pathian Thlarau leh keini (mihring) \awngkawpa tihpuitlin chi a ni ta. Kan Kohhran thurin zirtir dan chuan, vawikhatah miin vanneihthlak taka chang awm thei mahse, mi tam ber, rintu tam berte tan chuan zawi zawia thil lo thleng a ni a. Pathian ngaihsak, sakhaw mi, rinna kawnga mi chak tan chuan Tihthianghlim vekna (Entire -sanctification) an chang thei a ni. Hei hi kon kohhran Wesleyan Methodist Thurin sang ber pakhat a ni a. Kohhran dangte hian an chhui thleng lo fo. Bible ngeiin In rilru, in taksa, in thlarau a pumin, bawlhhlawh kai lo leh zur lovin awm turin min zirtir a ni. Mihring ngaih chuan thil har tak a ni a, mahse, Pathian min kohna, ringtute a\anga min beisei, kan \hanlenna ngei tur chu a ni. Kan inpekna ang zelin keimahniah Pathian Thlarau chuan keimahniah hna a thawlk \hin a. Kan rin leh kan beisei aia nasain a thawk \ hin. Pathian leh Tirhkoh Paula te chua Keimahnia Krista siampuitlina a awm hi min duhsak ber a ni.

16

KRISMAS LEH KUMTHAR CHIBAI BUKNA LEH REPORT D/S Krista leh a kohhran tana rawngbawlpui zawng zawngte, a rawng kan bawlsak \hin Lal Isua hmingin chibai kan han buk che u a ni. Kum 2011 chhung Lalpan tluang takin min kaihruaia, a karah eng emaw harsatna han tawh chang awm mahse, malsawmna tam tak nen Kumthar 2012 min hruai thleng leh ta a, Pathian hnenah lawmthu nasa takin i sawi ang u. Lalpan he Kumthar min pekah hian Ama kaihhruainain rawngbawlna rahbi thar kan rap leh ngei anga, mitinin kohhrana kan mawhphurhnate hre rengin hlen chhuah tum \heuh ta ila, chu chu Krista leh a kohhranho hmasawnna atan a pawimawh hle ang. Kohhran hian a tihtur leh a hnathawh pawimawh ber chu, chanchin \ha hrilte, Missionary tirhchhuahte, kohhran nghehna atan project hrang hrang siam te a \ula, chutiang rawngbawlna hrang tipuitling tur chuan Local tin ten pheikhai rual taka hma kan lak a ngai a ni. Kohhran chhungah hmasawn turin thawhho a ngaia, thawkho turin inpumkhat a ngai a ni. Kan inpumkhat loh chuan kan tum leh beiseinaah kan hlawhtling lo vang tih a hriatsa a ni.. Kum hluiah khan kohhran rorelna leh thiltihah ka ngaihdan leh duhdan angin a kal lo te pawh a ni mai thei e. Chung hnunglam thil awmte chu kalsanin hmalama kan intlansiakna tur lam chu thlir zawkin chhel takin i tlan zawk ang u. Chutianga kan intlansiakna leh hma kan lakzelna atan lungrual tak leh pheikhai rual taka kan kal a ngai ngei ang.
17

ROHLU

ROHLU

rualin, Local hrang hrang ten Kristmas leh Kumthar kan lawm dan tlangpui han thlir ila: Chanmari Local : Krismas leh Kumtharah Vawk pa thau lian tawk ve ve talh a ni a. Nipui ni tak chu chawlhni nen a inden avangin ruai theh lovin Arsa sawhchiar nen kan hmanga, ni hnih ve ve hmang in, ruai vawi khat ve ve kan theh a, lengkhawm zai a tuiin kan hlim hle a, kham lo takin kan tiak thei hram a ni. Edenthar Local : Edenthar pawh nipui niah Mizo chhang ruai an theh a, ni hnih niah ruai tak an theha hlim takin Pathian fakin an zaia, buai lovin hlim takin an lam dal dal a, Pi Mamawii meih pawhin zai leh lam a kham zo lo hle a ni. Kolasib : Kolasib pawh an hmang tha hle a, an zai tui hle. Cheng singkhat laiin mi inphalin an thawh a, mi dang lo thawh ve te nen ruai an nawn thei a, Krismas leh Kumthar an hlimtlang hle. Gosen : Gosen pawh an hlim hle a, Krismas leh Kumthar ruai an nawn thei ve ve a ni. Pathian faka zai an hlimin an tuitlang hle a, 8.1.2012 chawlhni zan thleng khan khan zantin an lengkham thei a ni. Lunglei leh Lawngtlai pawh ruaite an nawn thei niin kan hria a, an hlim tlang hle niin thu kan dawng a ni. Champhai Circuit Report fel tak kan la dawng lova, Local tinte an hlim tlang hle niin kan hriaa kan lawm hle a ni. Report lawmawm tak tak kan dawn avangin Pathian hnenah lawmthu awm rawh se.Chhiartu zawng zawngte kumthar chibai kan buk che u a ni.
18

A THAR HLIR SAWM Upa Lalringliana;

Hun leh kumte a lo inher zela Kristian tana kumtin kan tana chhandamtu lo piang kan lawm \hin hun lo thleng tur chu chak tak leh huphurh tak siin Pathianin min hruai thleng ta rawih a. Keini Local hian a kohhran angin kan hmang ve thei meuh a ngemaw chu tia kan lo suangtuah \ hin chu a takin kan han hmang ve ta a, mak takin Pathian Thlarau Thianghlim pawl hlimna kan changa thawhlawm leh inkhawm lengkhawm pawh kan rinaiin Pathian zarah kan tihlawhtling thei vea kan lawm tak meuh a ni. Keini tan chuan kan tih apiang a thar a ni zela, Edenthar, Local thar, Masthar, Kumthar, Member thar, khuangthar, Keyboard thar te nen Biak In tharah Chawkidar thar, hruaitu thar te nen Krismas leh kumthar kan han hmang zet chu Pathian zarah kan hlimtlang hle a. Vawk talh a ni a, Ar thawh an awm bawk a, kan Local chhungah kan duh tawk chiah vawk nei kan lo awm leh zela, Mass leh kumthara kan vawk talh chu a pahniha belhin 83 Inch. lai a ni a, kan tla tawk chiah zela kan hlim hle. Inkhawm kan \ha \hin hlea, kan Biak In thar khat tawk zel kan inkhawma lengkhawm kan zai tui hlea, kan vaiin kan lama chutih laiin nuho manganna tak leh buaithlak tihna deuh an nei a, lamtualah an lamkual mup mup \hina chuta buaithlak an tihna ber chu Upa Lalringliana lam thiam lo lutuk a kualve thiam lo va a lian ang reng sia, mipui lam kal kual vel a dang ping \hin a
19

ROHLU

chuvangin nu hovin nang chu a sirah lo lam mai rawh an tia a sirah ama thiam ang angin a lo lam ve ta lawih lawih a. Tichuan Krismas tiak dawn zan phei chu Upa ten kan chau lutuk ang tih hlauvin zan dar sawmah banna an siam a. E khai mipuiten an lo la kham ta aw zawng lo maia, Pu Khawtinkhuma inah an han chhunzawm leh a zan tawkfang thleng tichuan zaia lama Pathian fak chung zelin mahni in lamah an haw leh ta a. Tichuan Krismas leh Kumthar chhung hian thu hril ngai lo mitui tak takte thuhrilna pek an ni a. Thu an sawi nunga nun an tihlim hle. Tin, Krismas dawnah Upate kaihhruainain intinah \ awng\ai malsawmna semin zan thum Carol a ni a, mi kan kal \hahnem thei hle a, a hlawkthlakin zawng chhang awm tak a ni. Upa Liankapa hla phuah hla chang hnih hmangin hlasak \hin a ni a, kan hlim tlang hle. Tin, hmun hrang hranga kan kohhran te thawm hriat a nuam hle maia, Local tinte kan hlimtlang hlein kan hriaa a lawmawm hle mai. Tichuan kan Kohhran hi Lalpan kan \awng\aina a chhanga ramri min zauh zel a. Farkawn lamah Local thar a lo pianga vengtinah member thar Lalpan min pek belh zel bawka engpawh nise, min hruaitu kan kawng Krista a ni a, kan la kalsual lo ve. Chak tak leh huai takin Lalpa chauh enin i kal zel ang u. Tihnuam tak leh thuawih taka kan awm chuan kan rama thil\ha zawng zawng hi Lalpan min pe zel dawn a ni. Rawngbawltu leh Local tinte leh hruaitu zawng zawngte Kumthar vohbik chibai Edenthar Local hmingin kan buk 20 a che u.

2012 DISTRICT CONFERENCE PROGRAMME

Wesleyan Methodist Church of East India; Mizoram Distrcit.

ROHLU

COMMITTEE HUN TURTE 18.1.2012 19.1.2012 lism 20.1.2012 21.1.2012 Board. (7:00 AM - 4:00 PM) DWMYF (7:00AM - 4:00PM) DWMWA (7:00 AM - 4:00PM) Mission & Evange(7:00AM - 4:00PM) Sunday School & Literature Board. (7:00AM - 4:00PM) Finance & Property (7:00AM - 5:00 PM) District Admin. Conference Sunday Inkhawm Programme 21.1.2012 (6:00PM) Zan inkhawm Chairman : Upa Thanghmasaa (Chanmari) Thuhriltu : Upa Lalnunzama (Champhai) 22.1.2012 (10:00AM) Chawhma inkhawm Chairman : Rev. C. Zalianthanga DS Thuhriltu : Upa H. Vanlalvuana (Edenthar) (1:15 PM) Chawhnu Inkhawm Chairman : Upa Zoramchhana (Gosen) Thuhriltu : Upa Lalringliana (Edenthar) (6:00) Zan Inkhawm Chairman : 21 Upa Runrosiama (Chanmari)

ROHLU DISTRICT CONFERENCE ROREL PROGRAMME 23.1.2012 (7:30AM) Devotion Hruaitu gi 8:00- 10:00 AM 10:00 - 11:00 AM 11:00- 4:00 PM 24.1.2012 (7:30AM) Devotion Hruaitu 8:00- 10:00 AM 10:00 - 11:00 AM 11:00- 4:00 PM 25.1.2012 (7:30 AM) Devotion Hruaitu cuit 8:00- 10:00 AM Pastor Sapthan-

Rorel Tukthuan ei Rorel Aizawl Circuit Rorel Tukthuan ei Rorel Rorel Champhai Cir-

ROHLU 2. Mission & Evangelism Board Memberte: 1. Rev. C. Zalianthanga Chairman 2. Upa C. Rorelliana Secretary 3. Upa Thanghmasaa 4. Pastor Sapthangi 5. Upa C. Kaprothanga 6. Upa Vanlalruata 7. Rev. E. Lalzarlawma 3. Dist. Sande Sikul Union & Literature Board 1. Pastor Sapthangi Chairman 2. Upa Lalringliana Secretary 3. Pu Lalbiaksanga 4. Upa Moore Sapliana 5. Rev. Dr. Chalhnuna 6. Upa Rochharliana 7. Circuit Sunday Sikul Union Chairman leh Secretary 4. Finance & Property Committee memberte: 1. Rev. C. Zalianthanga Chairman 2. Upa Rochharliana Secretary 3. Upa H. Vanlalvuana 4. Pu Thangchhunga 5. Upa Vanlalruata 6. Upa Lalringliana 7. Upa C. Kaprothanga 5. Dan Commission memberte : 1. Upa H. Vanlalvuana Convenor 2. Rev. Dr. Chalhnuna 3. Upa Moore Sapliana District Conference palai kal dan tur hetiang hi a ni ang : Chanmari & Edenthar (Aizawl) -7, Zokhawthar - 2, Kolasib -2, Gosen lang-1
23

DISTRICT CONFERENCE MEMBER TURTE 1. Dist. Admin Board memberte : 1. Rev. C.Zalianthanga DS 2 Upa H. Vanlalvuana Asst. DS 3. Rev. Dr. Chalhnuna Fin. Secy4. Upa Vanlalruata Treasurer 5. Upa Lalringliana Journal Secy 6. Pu Thangchhunga Asst. secy 7. Pastor Sapthangi 8. Rev. E. Lalzarlawma 9. Upa Liankapa 10. Upa Thanghmasaa 11. Upa Runrosiama 12. Upa Rochharliana 13. Upa Moore Sapliana 14. Upa C. Kaprothanga 15. Upa Zoramchhana 16. Upa C. Zaliansanga
22

Champhai - 6 - 1, Bawkt-