Scribd
Upload
29 views1 page

PAGE-3 Ni 26 January

- The document provides updates on local news and events in and around Thingsulthliah village. - It summarizes discussions from a Zawlbuk Group conference regarding organizing their upcoming annual YMA conference. - It also reports on recent anti-tobacco awareness activities in Tlangnuam led by the Anti-Tobacco Control Society to educate students and the public. - Additionally, it shares condolences for a recent death and appeals for cooperation on traffic rules and community development issues.

Uploaded by

sawmaTluanga
Copyright
© Attribution Non-Commercial (BY-NC)
We take content rights seriously. If you suspect this is your content, claim it here.
Available Formats
Download as PDF, TXT or read online on Scribd
29 views1 page

PAGE-3 Ni 26 January

- The document provides updates on local news and events in and around Thingsulthliah village. - It summarizes discussions from a Zawlbuk Group conference regarding organizing their upcoming annual YMA conference. - It also reports on recent anti-tobacco awareness activities in Tlangnuam led by the Anti-Tobacco Control Society to educate students and the public. - Additionally, it shares condolences for a recent death and appeals for cooperation on traffic rules and community development issues.

Uploaded by

sawmaTluanga
Copyright
© Attribution Non-Commercial (BY-NC)
We take content rights seriously. If you suspect this is your content, claim it here.
Available Formats
Download as PDF, TXT or read online on Scribd
You are on page 1/ 1

SIMEIKHU KARTIN CHHUAK THINGSULTHLIAH

Dt. 26 January 2013 (INRINNI) PHEK- 3

ZAWLBUK GROUP CONFERENCE HUN Kar kalta Inrinni a Zawlbuk Group Committee, Phulmawi-a thukhawm chuan, Zawlbuk Group YMA Conference neih hun atan Ni 21 & 22 March 2013 an ruat. A hmun atan chuan nikum Gropup YMA Conference-in a lo pass tawh angin Thingsulthliah-ah a ni ang. Group YMA Conference hi Thingsulthliah Joint YMA-in a thleng dawn a. Organising Committee siamin, hma la tur Sub-Committee peng hrang hrang 8 an din bawk. Heng Sub-Committee hrang hrangte hian a tul angin hma an la nghal a, Ni 11.2.2013-ah hmalak dan te thlirin Organising Committee hi an thukhawm leh dawn a ni. ANTI TOBACCO January 2013 chhungin Tlangnuam khaw chhungah Vaihlo leh a kaihhnawih chhung tina ti zawng zawng te Survey neih tum a ni. Hemi hnuah khawtlang huapin Awareness neih an tum niin thu kan lo dawng. Tunkar Ni 23.1.2013 khan Pu VL Bela, Vice Chairman, AntiTobacco Control Society, Mizoram Chapter lokalin Tlangnuam H/S leh M/S naupangte ko khawmin Middle School-ah hun hman a ni. Ni 29.1.2013-ah Tlangnuam Anti Tobacco Committee member ten Tlangnuam khaw chhung Office leh School zawng zawng-ah Poster tar leh ngenna neih an tum bawk. He hunah hian Pu VL Bela pawh lo tel leh tura beisei a ni. TLANGNUAM BRANCH YMA NEWS 1.Tlangnuam Branch YMA kartin Chanchinbu, Zawlbuk chu tihkal leh a ni ang a, Editoaial Board hetiang hian siam thar a ni: Editor : C. Lalhriatkima Jt. Editor : Lalhmangaihzuala Sailo News Editors : H. Lalngaihawma, Rothuama, K. Lalmuansanga Cir. Manager : C. Lalawmpuia Zawlbuk Chanchinbu hi vawiin atangin tih chhuah tum a ni. 2. Ni 28.1.2013 atangin Library hawn tan a ni ang a, Librarian Nl MS Dawngkimi a ni ang. 3. Central YMA-in a buatsaih tur Half Marathon Race (Men & Women) a tel duh chuan Branch Secretary, K.Lalmuansanga hnenah inhriattir tur a ni. CHHIAT TAWH CHUNGA LAWMTHU SAWINA Kan fanu, Lalhlupuii W/o Vanlallawma(L) R.O. Forest, Dt 22.12.2012 zan dar 10:30 a boral, a tuk Dt. 23.12.2013-a Mission Veng thlanmuala vuiliam chungchangah Seling, Thingsulthliah leh Tlangnuam a chhungkhat laina leh thenrual thate kan chunga in thatna leh min hmangaihna kan hmuh leh hriatin kan lawm tak zet zet a. Mahni sum leh tha senga min vui liampuinaah te, kan fanu in lo hmangaih tak zet a ni tih kan hriatin thinlung takin he chanchinbu kaltlang hian lawmthu kan sawi a. Kan lawmthu sawina hi min lo pawmsak ngei turin kan ngen che u a ni. Sum leh pai leh in tha in senna hi Lalpan a let tam takin rul che u rawh se. - Sapbawihi leh a fate, Seling, Aizawl Road CHHIAT TAWH CHUNGA LAWMTHU SAWINA Ni 18.1.2013 zana kan nau Lalremsangi, Kum 1 leh thla 1 Vanduaithlak taka min boralsan chungchangah chhung leh khat mai bakah thenawm khawveng, V/C leh YMA min buaipuitute bakah phal taka Pu Lalthakima Khiangte, Tst D/A-in a bus min hmantir avang te in lawmthu kan sawi tak meuh a. Min khawngaihtu zawng zawngte hnenah he chanchinbu hmanga lawmthu kan sawina hi min lo pawmsak turin kan ngen a che u. Pathianin a let tam takin malsawm che u sela tih hi kan duhthusam a ni e. In khawngaihna dawngtu, - Zoramthanga leh a chhungte Thingsulthliah C/A

A LO NIH TAK CHU AN TI


- Seling Campsei bula Road Roller hi a ding rei tawh, lirthei kal vel tan a hnawksak an ti. - Chhaitni thatni a koh lohva thla latute hi an ngeiawm, mahni hmasial, mite tana phurrit siamtu an ni tih inhria se an ti. - Ram leh Hnam hmangaih inti, Politician te hian an pumpui an hmangaih hmasa zel an ti. - Inthlan kum hian Party Worker te hi an vir duh bik an ti. - In sa lai nisi tui trip lei ngai lote leh Tuipute hian a ruk tein inhriat thiamna an nei ang em an ti. - Zan mut reh hnua khawlaia tuipu chak tak taka kalte hian tui ru tur an veng nge tui an hralh ru an ti. - Two-Wheeler chak tak taka khalh zingah mahni ta ni lo khalh an tam zawk an ti. - Tst Diakkawn a zing dar 8:00 vela motor chhuak turte hian Tst H/S Road kawng tichep lo zawng hian motor dah se an ti. - Kawngsir a mi motor/lirthei dah khawih chhiat ching an awm an ti. - Zan reha kawngpuia motor/lirthei ami petrol ruk ching an awm, a then chu hmeichhia an ni an ti. - Ni khata dawt sawi hnem ber chu Dawrkai/Sumdawng te an ni ang an ti. - Driving Licence nei lova lirthei khalh te hi chetsual a hnai nge nge an ti. Chutih rualin buaipui an phurawm loh bik an ti. - Kawng lai taka eng hna pawh nise midangte hisap miah lova hnathawh chin hi a polite loh thlak khawp mai an ti. - Ui leh Zawhte, Zan rei a bawlhhlawhbawm hai ching leh ar khung lohte hi vuak thluk tawp an chakawm an ti. - Zan dar 10 emaw 11 hnu vela Current awm lo, a hnua a rawn awm lehin TV en tur awm ta thin lo hi a thinrim thlak an ti. - Sunday-a Vai hnathawk kan chhawr thin hi Kristian ramah chuan a mawi lo an ti. - Tleirawl Ruihtheih thil ti thin leh zan rei lama vak thin te hi tu fa nge ni ang an ti. - Tlai lama Sikul bang naupang te hi an inchhaih nasa thei mah mah an ti.

You might also like