Kum 23 Issue No.18 Missionary Tlngau June 2011 Editor Asst. Editor Cir.Manager Member : HS.

Lalhmingthanga
2342250 (O) 9615344234(M) : H.Zadingliana 2342294 (R) 9436157190(M) : K.Lalremsanga 9436370298(M) : Rev.Dr.K.Lalrinthanga 9436158852 (M) : L.H.Liandinga 2342667 (O)

Email Address : [email protected] Address Baptist Church of Mizoram Office Serkawn, P.O. Zotlang - 796691 Lunglei, Mizoram Ph.Off - 2342250 A man kum khatah - Rs 40

Thuchhuah rng rng hi a ziaktu mawhphurhna a ni a, Editor leh BCM ngaihdn a ni vek kher lo.

A CHHUNGA THU AWM TE

Sl.No 1. 2. 3. 4. 5. 6. 7. 8. Editorial Dulukma Tripura Field ah Work-Camp in Report from Damparengpui Home Mission Field Marpara S tlawh .. Ka ziak ve thei ta Thanzama-sora khuaa thihna thleng.. Home Mission Field (Nghalimlui) tlawh.. Missionary Support petute leh an pek dan

Phk 1 2

Editorial Editorial THEIPUI RAH THEI LO Pathian thu (Luka 13:6-9) chuan Theipui rah thei lo tehkhin thu min hrilh a. Grep huan neitu pakhatin a huanah theipui kung a phun a; ni khat chu theipui kungah chuan a rah a rawn zawng a, pakhat mah a hmu lo va. Huan neitupa chu a lungni lo hle a. Huan enkawltu hnenah chu theipui kung chu kit turin a ti a. Huan enkawltu chuan a vela laih a, leitha vur rih a dil a. Chumi hnu pawha a la rah loh cheu chuan kih tawh mai tur a ni ang. Lal Isuan amah ringtute chu rah turin a ruat a (Johana 15:2,5,8,16). Hei hi Pathian thupek a ni. Theipui kung rah lo chunga huan neitupa a lungni lo ang hian, Isua chu ringtu rah thei lote chungah a lawm lo a ni. A ram zau nana hna thawk a, rah tam tak chhuah tura a beisei laia, kum engemawzat hnu pawha rah thei lo Pastor, Missionary, Evangelist leh ringtu piangthar te chu hmun awh ve ting si, tangkai lo tak, lakkhawmpuitu tling lote an ni a, theipui kung rah lo anga kih mai tlak an ni! Sikul naupangte an zirtirtuten an test thin ang hian, ringtute hi Lal Isuan min endik fo thin a ni. Amah tilawmtu a ram atana hlawk taka rah chhuah thin kan ni nge, rah thei lo ringtu amah ti thinurtu? Lal Isua kohna kan chhannaah hian chak lovin thawh hlawk lo hle mah ila, Pathian chuan a khawngaihnain dawh thei takin min dawmin min la hruai zel a. Chuvangin min kotu Lal Isua tana nunga hna thawka hlawk taka rah chhuah turin, ni tin Kraws hnuaiah awmhmun rem ila; Olive a sawrna hmuna an thuai sawm a, an sawngbawl a, Olive Hriak hlu tak a lo chhuak angin, kan damna Krawsah kan mihring hlui mahni hmasial em em, Thlarau Thianghlim hnathawh dal tlat thin hi chinrala a awm theih nan i 2

inpe thar ang u. Tichuan Pathian thu sawi angin Tui Nung luite kan pum atang hian a lo chik chhuak ang a (Johana 7:38), chu tui in apiang chuan taksa damna, thinlung thlamuanna leh thlarau nunna changin kan rawngbawlnain rah tam tak a chhuah thei dawn a ni. Hemi tihlawhtling thei tur hian zing thawh hlim atanga zan mut thleng hian a thua Amah pawl a, a hnena tawngtaia a lam kan hawi hun min lo ngaichang reng thin a ni. Amaha awm a, kan thinlunga a Thu chamtir turin inpe ila; Thlarau Thianghlim aw ngaichanga awihin Thlarau rah (Galatia 5:22-23) duhawm tak chu kan nitin nunah hian a lo lan theih nan kan rilru leh taksa hi tithianghlim ila, min hmangaiha min thlahlel ngawih ngawihtu kan Lalpa hi i pawl fo ang u. (Johana 15:16 Nangnin mi thlang lo, keiman ka thlang zawk che u a, va rah tur leh in rah awm reng turin ka ruat bawk a che u; ka hminga Pa hnena in dil apiang a pekna tur che u in).

*****************

DULUKMA, TRIPURA FIELD-AH WORK CAMP IN Upa H.Lalrinawma BCM Model, Hnahthial Pathian ram dina a awm zelna turin BCM chuan kawng hrang hrangin Chanchin Tha kan hril a, hmun hrang hrangah Missionary-te tirin Zirna, Music, Puanthui leh thil dang dang te hmanruaah kan hmang a, heng atang hian mi tam tak in Lal Isua hmangaihna hriain, Chanchin Tha an ring a, Hremhmun atangin Vanramah an lut mek a ni. Hei hi Lalpan BCM hmanga a tih a ni a, Lalpa chu fakin awm rawh se! Chung kan rawngbawlna zinga hmun pakhat Tripura Field-a Dulukma-ah Elem English School hian Tripura Sorkar atanga Recognition a hmuh theih nan Kohhrante vawi tam tak kan 3

tawngtai a. December 2010-ah khan Lalpan kan dilna te a chhang a, Recognition fel tak an hmu ta a. Hetianga Recognition an han hmuh takah chuan School tan te, BCM leh kan thawhna hnam tana thil pawimawh leh tha tak tur (Hostel naupangte tana Tribal Scholarship kan hmuh theih nan) leh tul tel em em Hostel Recognition neih thuai theih dan tur a thawktuten dapin Sorkarah dilna an siam nghal bawk a. Hostel Recognition nei thei tura Sorkarin a phut tihlawhtling turin Hostel Building sak belh ngei a tul a. BCM-in Elem English School tana Planning leh Budget 2010-2011-ah tel lo mahsela, kan rawngbawl zelna atana thil tul a nihzia hriain hmanraw leina tur sumte Headquarters lamah dil a ni a, kan hotute pawhin a tulna leh pawimawhzia hriain hma an lakpui nghal a. Sum a tam loh avangin Work Camp-a sa tur dap a ni a. Tichuan Elem School Headmaster Pu C.Lalremsanga (Pu Buangtea) leh he hmuna thawktu kan kohhran atanga kal Nl. Lalduhawmi Sailo te hnen atangin Work Camp tura sawmna Telephone-in kan dawng nawlh mai a. Kohhran Committee-in ngaihtuahin Lalpan min kohnaah kan pawm a. Sum neihsa kan nei miah lova, Tualchhung kohhrana Department leh FOD te an theih ang ang thawhkhawm turin kan ngen rawih mai a, hei bakah hian kohhran mipui te an phal ang ang vawm khawm turin kan ngen bawk a. He ngenna hi January thlatirah siam a ni a, Field lam an hmanhmawh si avangin a kal hun atan Dt.4th -12th February, 2011 ruat nghal a ni a, Budget atan Rs 40,000.00 siam a ni. Mistiri 6 leh anmahni puitu tur 4 kal se tiin a kal turte pawh thlan fel nghal a ni. Pathian hian a ram tana thawhna tur mamawh hi a lo nei chiang hle mai. Budget atan Rs 40,000.00 kan ruahman laiin Rs 54,550.00 lai a mite hmangin Lalpan min pe a ni, Lalpa chu fakin awm rawh se! FIELD LAM PANIN : Dt.4th February, 2011 Zirtawp zing dar 6:10 ah Work Camp a kal tur mi 10 te chu Upa K.Vanlalliana, Kohhran Chairman Elect-in min tawngtaisak hnuin 4

kan Biak In kawt atangin kan tlan chhuak ta a, Keitumah Tukthuan eiin Aizawlah kan mamawh turte lamin kan chawl lawk a, tichuan tlai dar 6:15 ah Mamit BCM Pastor Quarters-ah Rev.V.Laltlanzuala te chhungkuain hlim takin min lo dawngsawng a, anni chhungkua hi kan kohhran atanga kal chhuak an ni bawk a, min lo ngaiin min lo duat hle a, a thiannu Pi Zualbawihi te nufa za in Sa leh Buhchangrumin puar takin min lo hrai a, kan thla a muang siai siai hle mai. Tichuan hun engemaw chen kan titi a, Hall nuam takah kan muho ta a ni. Mamit a kan riak hi Lalpa remruat a ni ngei ang, mi tam takin Zawlnuam emaw, Kawrthah emaw ban a riak turin thu min rawn a. Amaherawhchu, kan veng pa Pastor Tlantea te awmnaa riah hi tul leh tha kan ti tlat mai a. Zan dar 10.00 velah kan riahna Hall hnuai miin dawr atana an luah atangin meikhu a lo chhuakin, kan zinga mi then khatin thil kang rim an hria a, kan thova kan zuk en chuan chhun lama Current awm loh avanga an thil chhuan an lo off loh avangin Current a awm hnuah thuk bula thil inkhai (dawr thil thenkhat) atangin kangmei alo chhuak tan mek a lo ni a, alo alh eng fu tawh a, tichuan kawngka te hawngin kan thelh mit thei ta a ni. Hetiang hi ni lo se chuan kangmei nasa tak chhuakin kan BCM Hall chu meivapa chang mai thei dinhmun hlauhawm takah a lo awm a, keiniho kan lo riak hlauh kha Lalpa remruat a ni ngei mai. Tichuan atuk zing dar 6:00 velah Mamit Bialtu Pastor Rev.V.Laltlanzualan Tawngtainaa min thlah hnuah tluang takin kan tlan a, Damchera ah Tukthuan eiin tlai dar 6:15 ah kan Work Camp-na hmun tur Dulukma, South Tripura kan thleng a, Missionary leh Hostel naupangten min lo hmuak a, chibai te inbukin Introduction te kan neih hnuah Headmaster Pu Buangtea a tawngtai a, Missionary te chawhlui siam chu kan kilho ta a ni. A tuk hi Pathianni a ni a, chawhma Inkhawmah Dulukma Baptist Church-ah mi panga kan inkhawm a, Rbt.P.Tlanthangan Thuchah a sawi a, Hostel naupang leh Missionary-te inkhawmna School-ah Upa H.Lalrinawman Thuchah sawiin hlim takin hun kan hmang a ni. 5

Date 7th 10th February, 2011 chawhma chhung zawng nitinin khawvartirh atangin tlai lam hnathawh theih hun chhung chu kan theih tawpin hna kan thawk a. Kan Hostel sak hi a dung feet 60, avang feet 18 a ni a. Warden room tur feet 12x10 nampuk a ni a, Verandah feet 6x60 a awm bawk a ni. Thingzai awmsaa thawh theih ang ang thawkin a chung chih theih leh a bang pin theihin kan peih a, Thingzaiin a daih tak loh avangin a Verandah ban leh a chunglam chu kan khawih hman ta lo a ni. He hna kan thawh chhung hian Mizoram chhung leh pawna kohhran tam takin min lo tawngtaipui thin tih kan hria a, inpumkhat leh lungrual takin kan thawkho a, tawngtaina azarah Lalpa min hruaina nasa tak kan dawng a, kan lawm em em a ni. Tichuan Dt.10th February, 2011 Tukthuan eikhamah chuan kan Field Headquarters Agartala lam panin kan chhuak ta a, Amarpur Bazar-ah kawng kan bo ta tlat mai a, mahse he hmunah hian Pu Lalhmuaka hla, Khawpui lian kawtthler bo hlauhawm karah khawvel puma thuneitu Lal Isua, ka Thian rinawm leh min hruaitu a ni tih hla a takin kan dawng tlat mai. Bo lo ila kan hmuh hauh loh tur Pu B.Jonathana kan Missionary, Hnahthial pa ngei mai nen kan intawng tlat mai, Lalpa min hruaina hi a va mak em! Vai Truck kawng kan zawh laiin Duhlian Tawng thlapin, Enga ti nge, engtin nge in awm? min han ti chiah mai chu a va han lawmawm dangdai tak em! Tichuan kan kal tumna leh kan bo ni a kan hriat thu te kan hrilh a, min hruai ta a, a bo theih tawh lohna hmun tur thlengin min thlah a, hlim taka chibai inbukin kan inthen ta a ni. HAW KAWNG : Agartala kan thlen hian Field Director, Rev. L.Vanlalsanga te nupain hlim takin min lo hmuak a, anni hi Thingsai Bialtu an nih laiin ABC khatah kan lo awmho tawh a, kan nelin kan ngampa hle a ni. An nupain kan bazar te min hruai a, a tuk zing 11.2.2011 ah pawh Agartala khawpui chhunga kan kal thiam mai dawn loh avangin a him chin thlengin min thlah leh a, a thlamuan thlak hle mai. Tluang takin Mizoram lam panin kan rawn tlan zel a, chawhnu dar 2:00 ah Zawlnuam ah Tukthuan kan ei a, Lengpui a riak tur kan nih avangin kan kal zel 6

a, Dapchhuah chhakah kan motor Wheel Bearing a keh a, kan han thlak a, tichuan tluang taka kal zelin zan dar 10:30 ah kan veng pa, Lengpui Bialtu Pastor Rev. V.Lalzarliana te Quarters-ah kan lut ta a ni. A nupui Mami nen hlim taka min lo dawngsawngin chaw leh chawhmeh tuihnai tak mai min buatsaihsak chu hlim taka kilin BCM Lengpui kohhran Hall nuam takah tui takin kan mu ta a ni. Dt.12.2.2011 zing takah kan tho va, Pi Mamin Thingpui leh a hmeh tui tak min siamsak kan ei in hnuah Aizawl a tukthuan ei turin kan tlan leh ta a. Hlim takin Aizawl kan thleng a, kan kohhran Chairman Upa Lalzidinga fate, Nl.Lalnunmawii Sailo leh Tv.Saidinga ten Chanmari venga an inluahah Tukthuan min lo buatsaihsak a, Bazar-ah te thil tul kan lamho hnuah hlim takin Tukthuan kan ei a, Hnahthial lam pana tluang taka tlan zelin tlai dar 4:00 ah kan kohhran Biak In kawt, kan Chairman Inah kan Upa leh Rawngbawltu leh Kohhranho ten min lo hmuak a, Upa R.Lalchhandama lawmthu sawia a Tawngtai hnuah Thingpui kan in hova, mahni in lam kan pan ta a ni. Pathianin min hruaina kawng, a Kut hnu tam tak kan hmu a, kohhranten kan vaia kan thawhhona a ni tih an hre chiang a, kan thang chhung zawngin thahnemngai takin min lo tawngtaipui a. He Work Camp hian Mission rilru thuk zawk min puttir a, kan hmuh leh hriat te kha rilruah a cham zui vang vang mai. Tin, a hmun ngeiah kan Missionary-te hnathawh dan leh an hmalakna te, an harsatna te hmu ve thei leh Mission Field-a kohhran te hmel hmu thei tura min hruaitu Pathian hnenah lawmthu awm sela, kohhran te hian Pathian ram zauna tur mawlh hi i lungkham ber fo ang u.

******************* REPORT FROM DAMPARENGPUI Upa Laldika Zadeng, Headmaster BCM, Comp. High School 7

Damparengpui-a BCM rawngbawlna hi Pathian hruainain tluang takin a kal zel a. Tawngtaisaktu leh tlawhtu kan nei zel te hi a lawmawm kan ti hle a ni. Min rawn tlawhtute leh kan thil tawn then khat kohhranhoten kan hriat tlan atan ka han report leh ang e. Chipchiar deuh hleka thailan a chakawm thin hle nain, hmun a awh tam loh nan tawi te te-in kan tarlang leh diat diat mai dawn a ni. 1. October 17, 2010 Pathianni hmangin BCM Shalom Mission Vengthlang Unit BKHP ten min rawn tlawh a. An Sr.Adviser Upa K.Sangzawna hovin member 17 BCM Bus in an lo kal a. Inrinni zan, Pathianni zing leh Pathianni zan inkhawm chu Damparengpui khaw chhunga Biak In hrang hrangah hun hman a ni a. Inrinni zanah Shalom kohhranah Pi Lalthanzamin hun a chang a. Pathianni zingah Upa K.Sangzawnan hun a chang a. Pathianni zanah Pi Liannguri (BKHP President) in hun a chang a. An hnen atangin Pathian thuchah tha tak tak kan ngaithla a. Pathianni chawhnu fellowship chu Pi Saisangpuiin thiam takin a hruai a. Tin, an Unit Secretary Pi Lalroparin Biak In hrang hrangah report thiam takin a pe thin a, hlim tak leh hlawk takin hun kan hmang a. Thawhtan tukah Aizawl panin min hawchhohsan leh ta a ni. Mission Vengthlang BKHP te hian kohhran pathum te hi Rs 2,500/- theuh min pe a. Pu Lalhmingthanga Colney-in Krismas kan hmanna atan Rs 2,000/- theuh min pe a, a nupui Pi Liannguri a rawn kentir a. Pi Laldinpuiin a lo kal ve thei lo nain Silpouline pahnih (2) a rawn kentir bawk a. Pi Biakkungin Rs1,500/- a rawn kentir bawk a. Tin, thawmhnaw hlui thehkhawm bag engemawzat an rawn keng bawk a. Thil min petute zawng zawng chungah kan lawm hle a ni. Lalpan a let tam takin mal a sawm ang tih kan beisei. 2. October 20 November 3, 2010 chhung khan AICS-a 1st yr B.D zirlai mi 5 te Practical Ministry tiin Damparengpui-ah an lo kal a. State dang atanga lo kal, Mizo Tawng thiam lo 2 an tel. 8

Sikul-ah zirtirna hnaah min puih bakah Biak In lamah thusawina hun te kan siamsak a. Tangkai takin an hun an rawn hmang a, kan hlawkpui hle a ni. An zirnaah an hlawhtlin chhoh zel kan duhsak theuh ve. 3. November 3, 2010 khan BBC (Bru Baptist Church) Headquarters Office Building lungphum a ni a. Lungphum phum tur hian Rev.F.Sangvela (E.S.,Aizawl) te nupa zan khat riakin an lo kal ve a. Rev.Lalzuitluanga (BBC, E.S.,) in a rawn tawiawm bawk a. An rawn thlen zan hian inkawmhona neih a ni a. Lungphum phumna hun chu a tuk zing dar 7-ah neih a ni. Hotu lianten hetianga hun pawimawh tak min rawn hmanpui thei hi kan lawm hle a ni. 4. November 26, 2010 khan Pu Lalchungnunga Sailo (Pu Valtea) Director, All India Radio, Aizawl chu Sorkar hna thilah Damparengpui-ah a lo kal a. Helaia thawktute nen inkawmhona tha tak kan nei a. Tawngtainate a hmang a, fuihna thu tha tak a sawi bawk a, a chungah kan lawm hle a ni. Pu Valtea hi BCM Shalom, Mission Vengthlanga lawi Rawngbawltu a ni. 5. February 3-6, 2010 chhung khan Damparengpui-ah BBC Assembly neih a ni a. BCM Comprehensive High School tual zawl ah Pandal lian tawk tak, mawi tak sak a ni. Mikhual zathum vel an lo kal. He khawmpui thupui hi Kohhran tih a ni. BCM atanga mi pawimawh lo kal te chu Rev.C.Rothuama (President BCM) te, Rev.F.Sangvela (E.S, Aizawl) te nupa te, Rev.R.Lalrintluanga (Director, RCM) te Rev.B.Thangchina te an ni. Tin, Pu R.Tlangtimawia (H/M, Theiriat M/S) a lo kal bawk. Pu R.Tlangtimawia lo kal ve chhan ber chu Marpara-a BCM Mission inbenbelna hmunhma zawng zawng khu a Pa Upa R.Taia (L) ram a ni a. BCM tan pek (donate) an duh a, chumi enfel tur leh a ramri te enfel turin a ni. Inrinni-ah RCM Director nen Marpara panin an chhuak. Upa R.Taia (of Laisawral) faten an ram 9

zau tak BCM an pe hi thil lawmawm tak a ni, Lalpan taksa lam leh thlarau lamah malsawmna vur se tih hi kan duhsakna a ni. He Assembly-ah hian BCM hruaitu pawimawh te hian Pathian Thuchah an puang chhuak theuh a. An sawi tha hlawm hle a. BBC tan chuan hlawkpui tham a ni a, a lawmawm tak zet a ni. He Assembly-ah hian thil tam tak rel a ni a, Budget atan Rs220,000/- (Nuai Sawmhnih Pahnih) chuang zet passed a ni. He kan Assembly hi LPS local channel-ah live chiah lovin inkhawm ban veleh en theih in a awm zel a, a lawmawm hle. BBC hi BCM in khawvel hnam hrang hrang zinga rawng kan bawlnaah tute emaw lo tih tawh sa kan chhunzawm tih loh, keimahni ngeiin bul kan tan hnam zingah chuan khawvel pumpuiah mahni kea ding thei hmasa ber an ni. Hetianga mahnia inenkawl thei fa (kohhran) BCM in kan lo nei ta hi a lawmawm hle a ni. Tawngtaipui erawh an la ngai zel ang. Lalpa hnen kan thlen hunah Lalpan, BCM-hote u, tute nge enkawl puitlin in neih han kawk teh u, a tih hlauh chuan BBC hi kan kawk ngei ang. Awle, BCM mi zawng zawngte u, Mission rawngbawlna hi ngaipawimawh chhunzawm zel ila. Department hrang hranga thawktute pawh kan hna theuh hi Lalpan a ram zauna tura thawh tur min pek a ni tih hriain thahnemngai takin i thawk zel ang u. Thawk tha peih si lo, bang duh bawk si lo te kan awm chuan a buai thlak viau ang. Thawk tha peih lo chu bantir mai tur tih hi ka thurolum a ni mai kei chu, kan hmun luah turin thawk tha peih an lo lut nghal vat mai dawn si a. (Hlawh lah a tha viau tawh leh nghal. Missionary tur lah lak sen loh an in tlar put zel tawh si). BCM Comp. High School pawh tluang takin a kal ve zel e. Kuminah hian naupang 250 kan nei a, kan leng tawk chiah a, lo kal duh zawng zawng kan admit vek thei lo a ni. (i) Sikul naupangte Krista hnen kan hruai thlen vek theih nan te, (ii) Kohhran hi thangduang tak ni thei tura kan enkawl thiam zel theih nan te tawngtainain min lo chelh tlat zel teh u.

*** --- *** 10

HOME MISSION FIELD MARPARA SOUTH TLAWH REPORTS By Upa L.H.Rosanga, Secretary, BCM Electric Veng, Aizawl. Kum 2010 kumtirah khan BCM Electric Veng, Aizawl Kohhran Committee chuan Mission rawngbawlnaa Kohhranhoten rilru thar leh thahnemngaihna thar kan neih theih beiseiin kum 2010 Annual Plan kan neih zingah BCM Home Mission Field tlawh tih dah a ni a. Tawngtainaa vawi tam tak Pathian kan dil hnuin Marpara S a Missionary-te leh Kohhran hruaitute nen inbiain Marpara S Field tlawh turin remchang min siamsak a, an chungah leh Pathian chungah kan lawm hle a ni. Tichuan December 4, 2010 Inrinni zingah Marpara S a kal turte thlah turin Biak In bulah Kohhran hruaitute leh kohhran member engemaw zat an lo kal khawm a. Kal turte Pathian hnenah kawltirin Upa C.Thanmawia Bus chhungah a tawngtai a, Aizawl chu zing dar 6:45 ah kan chhuahsan a. Kal te hi kohhran Upa 3, Rawngbawltu 2, TKP Member 10 leh Motor neitu Pu Rintea leh Driver Pu Biaka te kan ni. Rawpuichhipah Tukthuan kan ei a, Phuldungsei Bialtu Pastor P.C.Lalsanglura Quarter-ah BKHP ten chhun thingpui leh a hmeh tui tak anmahni sum sengin min lo buatsaihsak a, kan tlaiin a hahdam thlak hle mai. Kohhran nih hi a nuamin a va hlimawm em! an chungah kan lawm takzet zet a ni. Tichuan kawng tha vak lo mahse Pathian hruaina changin kan tum hmun Marpara S Home Mission Field chu tlai dar 4:45 velah kan thleng ta a. Marpara S a Missionary lo awm ang ang te leh kohhran hruaituten Marpara Circle i/c Pu Ngurthankhuma Sailo Quarter-ah thingpui leh a hmeh nen min lo hmuak a, min hruaitu Pathian hnenah lawmthu sawiin Pu Ngurthankhuma Sailo a tawngtai a, atuk Pathiannia kan hun hman dan turte kan sawiho hnuah, thlen In tur min ruatsakah kan insem darh a. Kan thlen zanah hian dar 6:30-ah kan inkhawm a, Rbt.C.Lalramchangan 11

Pathian Thuchah Puitlin lam I pan ang u tih thupui a hmangin a sawi a. Kohhranhote tawngtaina leh an in buatsaihna Pathianin mal a sawm a, a lawmawm em em a ni. Inkhawmnaah hian Mizo hla sak anih loh avangin hla thlan chu hla hruaitute kutah kan dah a. Anmahni tawngin Hlabu an nei a, chuta mi chu sak a ni a, kan sathiam ve lo nain kut bengin kan lo zawm ve mai a ni. Marpara S kohhran hian kum 2008 Krismas atangin Thlarau Thianghlim Harhna an chang a, vawiin ni thleng hian lam hlimna a chawl lova, hlasak apiangin nu leh pa 15 rual vel hi an lam reng thin a, naupangte pawh an lam bawk. Zan inkhawm banah Pu Ngurthankhuma Sailo Quarter-ah kohhran hruaitute nen kan inhmukhawm a, Pathianni programme kan duansa te kan thlirho a ni. Thalai mipa zawng zawng Missionary Quarter sak tharah an riak khawm a, Nula te Pi Saizami Sailo Quarter-ah, midang zawng chu kan thlen inah theuh kan riak a ni. Pathianni zing karah Missionary te leh kohhran hruaitutte kaihhruaiin Group 5 ah inthenin Chakma Kristian chhungkua te an inah tlawhin chibai kan bukin kan tawngtaipui zel a, kan hun neih a tawi avangin kan tlawh chhuak hman ta lo a ni. Pathianni zing inkhawm hi an kohhran Chairman Pu Loki Kumaran min kaihruai a. Marpara S KNP leh BCM Electric veng atanga kalten hlaa rawngbawlna kan nei a. Tv.Lalhmunmawian (Tea) Pathian fakna hla sain rawngbawlna a nei bawk. Kohhranin thilpek kan ken Ceiling Fan2 leh Thawmhnaw bag-4 te chu BCM Electric veng kohhran Chairman Upa F.Remchhungan an kohhran Chairman hnenah a hlan a. Marpara S Field a thawktu Station a lo awm te Pulpit hmaah ko chhuakin an tana tawngtaisakna leh an rawngbawlna avanga Pathian hnena lawmthu sawi tawngtaina Upa L.H.Rosangan a nei a, BCM Electric Veng, Aizawl reports a pe nghal bawk. Upa F.Remchhinga hnen atangin Pathian Thuchah tha tak kan ngaithla a, zing dar 11:30 velah inkhawm kan bang. Chawhnu dar 2:00 ah Pu Ngurthankhuma Sailo Quarter-ah inpawlhona kan nei a, Pu H.Lalhuliana, Headmaster comprehensive Middle School in a kai hruai. Zan dar 6:00 ah Pathian Biak inkhawmna neih a ni leh a, BCM Electricx Veng 12

atanga kalten hlaa rawngbawlna kan nei a, Upa R.Hrangkima hnen atangin Chanchin Tha hi hril rawh u tih thupuia hmangin Pathian thu ngaih thlak a ni. Thusawi a tha thei hle a, kohhranhote tawngtaina leh thusawitute inbuatsaihna Pathianin mal a sawm nasa hle a ni. Pathian thu sawi hi Evan.Jomadonan Chakma tawngin a let zel thin a ni. Zan Inkhawm banah mi engemawzat te chu Pu Ngurthankhuma Sailo Quarter-ah kan inkawm khawm leh a, kham lo takin zan dar 9:30 ah kan in mangtha ta a ni. Thawhtanni zingah kohhran hruaitute leh member tam tak mikhual haw tur thlahin an lo kal khawm a. Marpara S kohhran hruaitu Pu Sindiaraman Bus chhungah mittui tla zawi zawiha tawngtaiin kal turte Pathian hnenah min kawltir a, rilru a khawih hle mai. Zing dar 6:00 ah Aizawl panin Marpara S chu kan chhuahsan ta a ni. Phuldungseia kan kohhranten sum tuak nan Pastor Quarter-ah Tukthuan min lo bautsaihsak a, tlai leh puar takin kan ei a ni. West Phaileng ah Bialtu Pastor K.Lalmuanpuia Quarter-ah thingpui kan in chho leh a. Aizawl chu dam takin tlai dar 5:30 ah kan thleng ta a ni. Pathian hruaina chana dam taka Aizawl kan thlen leh theih avanga lawmthu sawiin Upa R.Hrangkima Bus chhungah a tawngtai a, mahni in lam panin kan in mangtha ta a ni. Marpara S reports tlangpui leh an hmasawn dan kan chhinchhiah atan : 1. School reports Pu H.Lalhuliana, Headmaster hnen atangin ngaihthlak a ni a. Kum 1988-ah BCM Laisawralin Primary School hawngin bul an tan a, kum 1989 atangin BCM Headquarter-in a la a. Kum 1990 ah Middle School hawn belha tihlen a ni. Tunah hian thawktu Evangelist Teacher 9 leh Peon 1 (a rammi) an awm a. Zirlai 154 an nei a, kum 2011 atangin Class VIII hawn tum a ni. School naupangte lehkha an zirlai chuan Kristian an ni a, mahse an nu leh pate Kristian an nih loh avangin school an chhuahsan rual rualin harsatna an tawk leh thin. He School-a zir tawhte hian ziak leh chhiar an thiam avangin khawtlang hruaitu mi tangkai tak takah an tang zui thin a ni. 13

School Programme-ah hian lehkha zirtir bakah Salvation Camping buatsaih, Home visit leh khawdang a rawngbawlna neih thin a tel a. Tunah erawh chuan Evangelistic Team neih anih tak avangin an ni kutah hian dah a ni ta deuh ber. Marpara Home Mission Field-ah hian rawngbawlna thuang thum kalpui a ni a, chungte chu :- 1) Kohhran enkawl 2) School enkawl 3) Mibo zawnte a ni. 2. Kohhran Reports : Evangelist teacher L.H.Ngurchhawna hnen atangin ngaih thlak a ni. Marpara South Kohhran hi kum 1988 a din a ni a, tunah hian member 300 vel an awm a. Kohhran Treasurer tih loh chu Chakma vek an ni. Upa 1 leh Rawngbawltu 8 an awm a, Rawngbawltu term chu kum 2 a ni a, a zat tur chu kohhran rorelnain a ngaihtuah thin. TKP, BKHP & KNP din vek a ni a. Zaipawl pawh sawm chawpin neih a ni bawk. Evangelistic Team din a ni a. Team memberte hi kohhran hruaitute an ni deuh vek a, an ni hian Home visit leh Salvation Camping te an buatsaih thin a, hmundangah pawh rawngbawla sawm an hlawh viau bawk. Baptisma chang thar zingah an chhungte Kristian an nih loh chuan an sakhaw hlui Buddhist-ah an let leh mai thin. Chakma zingah Thlarau Thianghlim Harhna a thlen theih nan kum 10 chhung Nilai zanah tawngtaina an nei thin a, kum 2088 Krismas vuakvet lai atangin alo thleng ta ani. Harhna lo thlen dan tlangpui heti hian Pu L.H.Ngurchhawnan a sawi, Upa Saingenga, BCM Chanmari Aizawl leh a thiante kum 2008 Krismas dawnah thilpek Buhfai leh tel (edible oil) kengin Salmur khuaah an kal a, chu chu Marpara S a thawktu engemaw zatin tawiawmin an zui a. Pathian tana an inpekna chuan thawktute a cho nasa hle (challenge) mai a, hei hian Chakma zinga kan rawngbawlnaah thahnemngaihna nasa tak min pe thar a. Tin Marpara S tlangval Suresha (Valtea) chuan BCM, Rahsiveng Lunglei atangin Harhna changin kohhran a rawn vei a, kawtlaiah Pathian thu sawiin a tawngtai a, mi tam tak chuan mi a ah an ngai hial a, hei pawh hi a bul tanna a ni thei bawk ang. Tin, Chakma zingah Harhna a thlen theih nan kum 10 chhung Nilai zanah tawngtaina neih thin a ni. 14

Kum 2008 kum hlui thlah zanah Midnight Service Biak Inah neih a ni a, hemi atang hian zai hlimna a lo thleng a, zai kan kham lo va, sa sawhchiar te siamin tlaivar a ni a, heta tang hian a kai ta zel a ni. Hlim lam Harhnaah hian kohhran hruaitute leh memberte kan intawiawm hram hram thin a, lam tuala pakhat a chhuah tawh chuan midangin kan zui vat zel a, hei hi tun thlenga hlim lam Harhna an chan theihna pawh niin kan hria, tiin. 3. Circlre Reports : Pu Ngurthankhuma Sailo, Marpara Circle i/c hnen atangin ngaih thlak a ni. 1) Circle din tan - May 29, 2006 atangin Marpara Circle hi tan a ni. 2) Thawktu - Missionary 13, Native Worker 7 (Hqrs) Local Church sponsor Missionary 2 leh Native workar 2 leh Marpara Circle sponsor 1 (Native worker Terabonia khuaah) an awm mek a ni. 3) Tualchhung kohhran Kohhran 6 a awm a, chhungkua 160 leh member 800 chuang an awm a. Kohhran Upa 1 leh Rawngbawltu 55 an awm. Kohhran la din lohna khua 6 a awm a, Ramchhung Mission Policy-ah kum 7 chhungin khawtinah Chanchin Tha hrilh kim vek tur a ni a, hei hi Evangelistic Team kutah dah a ni. 4) Evangelistic Team July 1, 2010-ah din a ni a, member 12 an ni. 5) Harhna thlen hun Marpara S ah kum 2008, Mauzamah kum 2009, Old Sachanah kum 2010. 6) Ringthar Kum 2010 chhungin ringthar 99 leh Baptisma chang thar 81 an awm. 7) Circles Convention Kum 2 danah neih thin a ni a, kum 2011 chu Marpara S ah nghah a ni. 8) Assembly Target Kum 2010-2011 Assembly Target `. 204000.00 an nei a, tlin theih an beisei.

15

4. Marpara S a Harhna thleng: Marpara S a Harhna thlengin a rah chhuah kan chhinchhiah leh kan zir atana tha te : (1) Pathian ram tan thilpek nachang an hria a, Kohhranin Envelope a buatsaih a, thlatin khawn a ni. (2) Tawngtai an peih a, Biak Inah zing tawngtaia kal an pung. Tunhma chuan Missionary-ten damlo an tawngtai thin a, tunah chuan Chakma Kristian ten Missionary damlo an awmin an inah an va kal a, an tawngtaisak thin. (3) Hlim lamna a thleng a, vawiin thlengin Biak Inah an lam nasa hle. Chakma hnam danah chuan hmeichhia an lam ngai lova, hmeichhe lam chu mi lepchiah a ngaih an ni. Mahse Pathian fakin nasa takin hmeichhia an lam mup mup mai, khawvel ngaih dan chu Krista rinna chuan a va thiat nasa em! (4) Kohhranhote an inhmangaih a, an in ngaina a, rawngbawlnaah an phur hle. (5) Missionary-te tan an tawngtai nasa. (6) Anamhni hnam an in vei a, Evangelistic Team hial a lo ding ta. (7) Pathian hnenah hla phuah thiam an dil thin a, a pe a, an mahni phuah Chakma Kristian hlate chu an hlimpui berte an ni. (8) In tha an ngaihtuah ngai loh kha tunah chuan in tha din nachang an hre tan ta. (9) Marpara S kohhrana Harhna changte hi Chakma Mission Circle dangah pawh BCM rawih leh Volunteer Evangelist anga rawngbawlin an feh chhuak ta nual mai, a lawmawm hle mai (Tirhkohte 2:17).

*************

KA ZIAK VE THEI TA M.Hmingthanzauva, 16

Evangelist, Parva I, Longpuighat Circle.

Lal Isuan kal a, Chanchin Tha hril a, Pa leh Fapa leh Thlarau Thianghlim hminga Baptist turin thu min pe a, heti hian ka rilru ka siam a, Ka post Parva-I ah hian ka awm atangin Baptisma chang an awm hma loh chuan chanchinbuah reng reng thu ka ziak lo vang, tiin. Thu ziah hi chu ka chak ve em em thin a, mahse thutiam ka nei ve tlat a ni. Tunah chuan Pathianin a khawngaihna avangin a thiltih mak tak tak min hmuhtirin thu ka ziak ve thei ta. Parva khua hi mi tam tak chuan a hming chu kan hre fur awm e. MNF ho lo chhuahna hmun pawimawh tak kha a ni a, he khua hi Chakma Autonomous District Council hnuaiah a awm a, Parva khua hi Parva-I, II & III tiin an in then a, tunah chuan ka awmna bik Chakma veng lam kan thlur bing deuh dawn a, Parva-I hi in 335 awmna khua a ni a, population pawh 2100 vel zet tunah hian kan awm a ni. He khuaah hian rawngbawlna hi an dodal bur lova, mahse rin aiin a sawt mawh hle. Engkim mai hi District Council lam hian an rawn thunun vek emaw ni tih tur a ni. Matthaia bung 28:19 ah kan hmu a, hnam tina mi zirtirah te siam a, Pa leh Fapa leh Thlarau Thinghlim hminga Baptist turin Lapan a thisen meuh a seng a, a tlan tawh tena tlanna thu la hre lova an lo la awm hi rilru a khawih duh hle. Parva-I ah hian ka luh tirh khan Baptisma chang mi 66 an lo awm tawh a, mahse, kan ti teh ang, Kristiana an lo luh hi duhthu a sam lo hlein ka hria, a chhan chu School duh vangte, Tanpuina duh vangtea lo lut an ni deuh ber a, an mahni pualin inkhawmna an lo la nei ngai lo va, hla an thiam lo va, tawngtai dan lah an thiam hek lo, a rilru nat thlak tak zet a ni. Parva-I ah hian han inbun nghal mai turin quarter kan nei lo va, quarter hmun tur lah chu min pe phal bawk si lo. VC te leh thuneitu dangten kan ram neih theihna 17

tur hun eng emaw chen min dal hnuah Pathianin a thiltihtheihna rawn lantirin tunah chuan ram kan nei ve ta, Lalpa chu fakin awm rawh se! Hun rei tak ram nei thei lova kan awm kha mi pakhat Dono Kumaran min khawngaih em em a, a ram min hawhtir a, hetia a ram min hawhtir pawh hi sawi buai a tam hle. VC te, CS te leh ARO te dodalna karah quarter chu kan han sa ve a, maurap in, a nuam ve khawp mai. Kum 2010 Krismas pawh hlim takin kan hmang ve a, kan Kristiante an phur em em mai a, Krismas niah ruai theh lovin thingpui nen Nau Piang chibai kan buk ve, quarter a leng lo khawp kal khawmin kan inkhawm ve a, a nuamin a hlimawm khawp mai. Tun kum Krismasah hian hmun danga la thleng ngai miah lo leh ka la tawn miah loh a lo thleng ta tlat maidt.26.12.2010 zana kan han inkhawm chu kan tam bawk a ni ang, a theih ang angin kan han in beng a, kan inkhawm laklawh lai chuan thil ri rawp mai a lo awm a, inkhawmho chu an han te thawt mai a, ka quarter kalkhang pakhat chu a lo tliak niin, kan chhuat awmna a hniam ta kher mai, kan chhuak vek a, a zan a zanin a theih ang angin kan han do tha a, amaherawh chu mi tam tak han awmna chi a ni ta lo. A then chuan pawnah meite chhemin meilum an ai a, thingpui kan inho nghal a, ka rilruin, Lalpa, a van lawmawm em, quarter chhe khawpin inkhawm tur i rawn hruai a, lawmthu ka hrilh a che, ka ti a, Lalpa avanga kan chan hi a ropui thin a ni. Lalpa chu fakin awm rawh se! Ka quarter a chhiat avangin dt.27.12.2010-ah khan Parva luikamah inkhawmnate neiin, Krismas chawhlui chu kan han kil ve a, Chhangruaiin ti mai ang u, ka han ti chu an phur em em mai a, chhang an rawn thawh khawm a, 10kg lai a tling khawm a, a then dt.13.12.2010-ah kan kang a, a then kan chhum bawk a, hlimawm tak a ni. He khua a ka awm chhan Lal Isua hnena hruai turin ka chhia leh tha hriatna zawng zawng leh tawngtaina nen ka phak ang tawkin tan ka la ve a, kum khat aia rei ka awm tawh hnuah pawh Baptisma chang tur ka la hmu lo, dik tak chuan kum khat aia rei awm tawha Baptisma chang tur la neih loh chu mihring tak chuan ka zak ve em em a ni. Mahse, kan ti teh ang, Kristiana 18

awm tur hian sawm ka duh lo va, an mahni rawn inpekna chiah hi ka duh a, chuvang pawh chu a ni mahna. Ka quarter awmna a fal si a, thla tam tak chhung khan thenawm ka nei lo va, khua a har duh khawp mai, ka len chhuah loh chuan ka tawngchhuak khat khawp mai bawk. Tunah erawh chuan Lalpan inleng a mawi tawk hi chu min pe reng tawh a, Lalpa chu fakin awm rawh se! Chanchinbua thu ziak ve tawh turin Lalpan ka intiamna chu min tih chahsak ta a- dt.28.11.2010-ah khan Lalpan a thiltihtheihna min hmuhtir a, kan unau mi pariat (8) te chuan damchhunga Lal Isua zui ve tawh turin Baptisma an chang a, chu mai ni lovin dt.2.1.2011 ah khan kan unau mi pariat (8) bawkin Baptisma changin dam chhunga Lal Isua zui an tumna an puang chhuak a ni. Lalpan thil ropui tak min tihsak avangin Lalpa chu fakin awm rawh se! Tunah hian Baptisma chang tur kan la nei zel a, kohhran leh mimalte pawhin theih tawp chhuaha min lo tawngtaipui zel turin ka sawm che u a ni. Tar lan loh theih loh lawmthu sawina tur ka nei : Pu J.Rohlupuia te nupa, Lawngtlai Bazar veng kohhran ten Guiter tha tak mai rawngbawlna atan min pe a, kan lawm hle. Tin, Lawngtlai Vengpui Unit TKP ten kan mamawha hman atan Typewriter leh Cyclostyle min pe bawk a, kan lawm hle a ni. Hei bakah hian M.Kawnpui Chakma Munduli-in kan mamawh em em Khuangpui leh Khuangte min pe bawk a, kan lawm hle bawk. A tawp berah Lungsen Venglai Kohhran leh Unit tin te bakah mimal then khatten kan Krismas hmanna tur tangka fai leh kan Kristiante tan thuamhnaw te min pe bawk a, kan lawm hle bawk a ni. Keini chuan tihsak theih che u engmah kan nei lova, ti theitu Lalpan malsawmna tam tak a vur let kan duhsak che u a, hei hi keini Parva-I Kristiante tawngtaina a ni e. Lalpan malsawm che u rawh se. (Reports ngaihnawm tak rawn ziaktu Tv.Hmingtea hi Lungsen Venglai kohhran ami a ni a, JB College, Lungleia B.A zir lai, Pathian ram vei vanga Mizoram chhim tawp Parva I- Chakma khuaa Evangelist hna (BCM rawih) 19

thawka awm a ni a, 2009 khan Missionary hna hi a thawk tan. Editor)

*******************

THANZAMA-SORA KHUAA THIHNA THLENG LEH KRISTIANTE R.Vanlalhluna, Evangelist, Ngiautlang, Chawngte Circle. Chawngte Circle, Thanzama-sora a thihna thleng leh harsatna tawh te chiang zawk a kan hriat theih nan ka han report ve ang e. Circle aiawh turin Pu CK.Thanga Udakthana-sora nen ni 23rd March, 2011 Nilaini khan he khua hi kan thleng thla ve a ni. An sawi dan, A bul atangin : Thanzama-lui a tlangval pakhat in Andarmanik khua ami nupui a neih a tum a, man leh mual pawh tihfel vek a ni a, Inneihni ruat nghakhlel tak a an awm laiin, he Andarmanik nula hian Tlabung Zodin tlangval (Chakma) alo inruk tir ta tlat mai, a pasal tur thinrim chuan Lungsen Police Station ah FIR a thehlut nghal a, tichuan Police te hian an pathum (3) a rutu leh monu tur te chu an ko nghal a, hmeichhia chu duh zawk thlang turin an ti a. Mahse ka duh lo ve ve a ti leh lawi a, Police te chuan dan angin tun atanga thlaruk (6) chhung pasal nei thei lo turin an ti a, hetia tumah pasal nei thei lo tura an tih vang hian Thanzama-sora ami zawk chu a thlang ta a, tichuan Dt.16th February, 2011 Nilainiah an innei ta a ni. An inneih fel hnu ni 4th March, 2011 khan tlangval pakhat mohruainaa kal ngei chu a boral ta a, nat lawk pawh awm em em lovin tlaia a khawsik seng seng kha zinglam dar 2:00 velah a boral ta mai a, an thih hnu hian an vun ah hian a dum chhuak thluah thluah zel a, a khat tawkin an thi ta zel a, an natna a in ang hlawm viau vek a ni. Hetia thihna a thlen vawithumna velah hian 20

an ngaih tha lo in Bawlpu (Puithiam) Chawngte atangin an ruai ta a, Bawlpu hian, Dawi (Salandi) a ni, a ti a, Tlabung Zodin Bawlpu-2 leh Ukdusuri Bawlpu-1 ten Ramhuai (Debeda) thiltih theihna atanga an hman thin a ni awm e. Tlabung Zodin a monu rutupa thiltihah (dawiah) an ngai ta hmiah mai a, a thi te ho hi mo hruainaa kal te vek an nih hlawm vang a ni. A thi te hi Kristiante an ni hlawm a, Buddhist pakhat a awm ve bawk. Salandi-hi an hlau em em a, khuaa awm pawh ngam lovin, hla tak takah an tlan darh hlawm a, chhungkaw 65 velah 20 vel chiah kan zu thlen hian hmuh tur an awm a ni. An hlauh em avang hian ramchhuak tumah an awm lova, Tui chawi tur pawhin a huho zelin an kal a, Zan lamah phei chuan khawthim atangin tumah pawnchhuak ngam an awm lo a ni. In khatah chhungkaw 4 te an riak khawm a, mahni in rauhsana thiat te pawh an awm bawk. Ramhuai (Debeda) hlauhna an nei lian hlawm hle a ni. An hmel leh nunphung pawh a danglam fai vek a, an khawngaihthlak tak zet a ni. Kohhran pawh a kal dan tur angin a kal thei tawh lo bawk a, inkhawm tur an in hmu zo lo va, Setana a Champion a ni ringawt tawh mai. Mahse Pathianin a hmangaihna lantir a duhna hmanrua tha tak a ni dawn tlat si a. Kan va thlen hma ni khan a enkawltu kohhran BCM-Lungrang Upa te an lo thleng a, an rawn beidawng haw em em mai si a, Pathian thu an bengah a lut lo reng reng a, an ti a, huphurh tak chung chuan khawlaiah tawngtaiin tual kan fang a, hmun hrang hrangah tawngtaina kan nei ve ta ringawt mai a ni. Mahse kohhranhote tawngtai nasatzia kan hria a, beiseina sang tak nen Pathian ram lo thleng tur chu kan nghak rilru ve reng a, a tuk zing Home visit kan neih lai chuan min lo ko va, kan thiandun kan zu kal chu, Bawlpu-in Dawi an phum a tih kha a chhuak tawh, an lo ti a, chutiang thil te chu a tak tak anih pawh kan ring lo viau na a, kan zu en ve ta a. Tuichawng lui chhung, a kam hnaih lam tui chim chinah chuan tiau vung thar lam tak hi a lo awm a, kan va dai chhin a, thil ni thei te pawh anih dawn hi kan ti rilru ve ringawt a, kan chhohsan ta a. 21

Anmahni chuan tawngtaina vanga thil thlengah an ngai ve tlat a, a va mak ve maw le kan ti ta ringawt a, mahse Lalpan hmanrua tha tak atan min pe tih kan hre ta, Lal IsuanSual leh Ramhuai te a hneh vek tawh a, Pathian hming lamna hmunah Sual a awm ngam lo alawm, tiin kan hrilh a, dik an ti ve em em a, zana tawngtainaah chuan ka kal ve tawh ang an ti ve ta sap sap hlawm a, hemi zan hian tawngtaina neih tur kan ti a, mi-13 patling thiau an lo kal khawm a, Biak inah kan kal khawm a. Hnehna puandan te inzirtirin kan hun hman dan turte kan hrilh a, thu an awih em em mai a, tichuan Sual leh Ramhuai te hnehna Isua Krista hmingin kan puang ta a, khua kan fang chhuak vek a, Vawi-7 zet tawngtai rualna kan neihpui ve a, Buddhist Pa pawhin HALLELUIAH AMEN ring takin a ti ve ta thuai thuai mai, a duhthawh leh au ring ringah an tang nia maw le! A va ropui tehlul em, Pathian chu chawimawiin awm rawh se! Buddhist hi 4 (pali) an tel a, Baptisma la chang lo 4 (pali) an ni bawk a, kohhran hote in tawngtaina hlawhtlinna avang hian lawm avangin biangah Hnehna Mittui a surtir lo thei lo a ni. A va lawmawm tehlul em! Kristianah ka inpe tawh dawn, tih tawngkam chuan kan beng hi a khat mup mup mai- Lalpan ropuina zawng zawng chang rawh se! Tichuan Dt.30th March, 2011 Nilaini atanga Camping nei tura he Thanzamasora kohhran enkawltu BCM Lungrang ten hun rei tak atanga an lo ruat lawk chu hetianga an pem darh nuaih vang hian thulh hrih mai nise an ti a. Mahse, kan Mission Co-ordinator thar Rev.R.Lalrintluanga thahnemngaihna in min ngen angin Chawngte Circle Gospel Team ten Crusade kan neih chhunzawm a, kan Circle incharge Pu N.Buatsaiha hovin kan ni a, Pathianni khan Buddhist 3 (pathum) ten duh takin Baptisma an chang ve leh ta, Pathian chawimawiin awm leh rawh se! Heng thil thleng avang hian Bawlpu kohna leh an khua tlawhtute ei siam nan hian cheng tam tak an seng a, a vaia belhkhawm in Rs 85,000.00 a ni. Hei hi NREGS an thawh hunah chhungtin ten an thawh khawm dawn a ni. 22

Kristian ni lo Buddhist hi a tam zawk an ni a, in 65-ah Kristian in chu 11 chiah an ni a. Tin, Thanzamasora khaw ep chiah hi Ukdusuri a ni a, Buddhist hlang awmna khua a ni. Kan va leng a, Kristiana awm chu kan duhna a rei tawh alawm. Mahse, Pathian thu kan hriat loh te chuan engtinnge Kristianah kan awm theih ang? an ti. Kan hmabak hi a phur awm hle mai, tunge kal ang? Heti tak hian Pathian ram a la tul si a, nang leh kei hian kan vei loh chuan tunge vei chuang ang le? Kan Unau chakma te hian Thlarau Thianghlim an la hmel hriat lomahni nun atan Lal Isua beiseina chang an la hre si lo, kan pen chhuak vek thei lo anih pawhin, an tan hian i tawngtai zel ang u aw! (He reports ziaktu hi Tv.Mahluna, Pangzawl khua, BCM Evangelist Chawngte bul lawk Ngiautlanga thawk mek a ni. Hun engemawchen Gospel for All Team-ah tela rawng a bawl hnuah ramthim liluhin Chakma hnam zingah Chanchin Tha a hril ta a ni. Thanzamasora khuaa natna mak tak avanga mi 5 lai an thih hlim, doctor thiamten a natna hming an finfiah hma, hemi khuaa Chakmate an thlabar em em laia Lal Isua hminga Hnehna an puan dan a rawn sawi a ni. Chakmate hi an vai deuh thawin Buddhist an ni a, puithuna atthlakin a bawih a, hnam mawl tih takah ramhuai an la hlau hle bawk. Heng mite chhanchhuah hna hi BCM hian a thawk mek a, 2010 July atanga 2011 April inkarah hian 600 (zaruk) chuang daihin Lal Isua an rinna Baptisma changin an puang chhuak tawh a ni. Lalpa chu fakin awm rawh se! Editor)

*************************

HOME MISSION FIELD (Nghalimlui) TLAWH REPORT By K.Ngursangkhumi (Te-i) Secretary 23

BKHP, Chandmary Unit, Lawngtlai Chandmary Unit BKHP ten 2011 Project atan Home Mission tlawh tura a rel, NGHALIMLUI panin Pathian hruainain Dt.13th March, 2011 Zirtawpni khan Sr.Adviser Upa J.Rochunga leh Bialtu Pastor Rev.James Chuaukailiana te hovin mi 19 zet kan thawk chhuak a. Kan Field tlawh-ah hian Thupui kan nei a, I puanin hmun chu zauh rawh (Isaia 54:2) tih a ni. Speaker hi Bialtu Pastor a ni. BCM Bus (Lawngtlai) in zing dar 7:00 ah kan chhuak a, kohhran Chairman Upa PV.Thannghingan tawngtainain min thlah liam a. Tluang takin Diltlang dar 10:00 ah kan thleng a. Diltlangah hian chaw kan ei a. Tluang takin kan kal zel a tlai lam dar 2:00 ah Nghalimlui chu kan thleng hlawl mai a. Kan beisei phak bakin Nghalimlui Bazar kawnah a pui a nawiin, thingpui leh a hmeh tui tak nen min lo hmuak a. Kan Mission School pawhin Chawhnu class khar meuhin min lo hmuak a. thawktute an fakawm hle a ni. Nghalimluiah hian kohhran 3 BBC (Bru Baptist Church), IBBC (Immanuel Bru Baptist Church) leh BCM Chakma kohhran te an awm a. BBC Kohhran hi Iptepui ban nan kan hmang a. Heng kohhran 3-te bakah hian BCM Vaseikai leh Bethbunia (Longpuighat) ah te hun hmang tel turin programme duh thawh takin kan siam bawk. Kan thlen zan (Zirtawp) hian BBC-ah kan inkhawm a, inkhawmbana inpawlhona neih tur kan tih chu, an thiltih zen zen loh anih avangin an rawn kalkhawm har hle mai a, kan beidawng hman thelh a. Tawngtaia tin mai kan rawt hman hial hnuin, kan beisei phak baka tam an lo kal a, Pathian hnathawh a ni tih kan hriatin kan lawm hle a ni. BBC Nghalimlui ah hian member 278 an awm a. Upa 6 leh Rawngbawltu 12 in an enkawl mek a, Kristian Bruidawl (BKHP) member 56 an awm bawk a ni. A tuk Dt.19.03.11 (Inrinni) hi an Bazar ni a ni a. Chawhma lam programme siam a ni lo va. Keiniho pawh 24

Longpuighat Bazar lamah kan liam ta diak a ni. Chawhnu lamah erawh Bethbunia (Longpuighat)-a kan School-ah programme kan hmang a. He School hi kumin 2011 a din chauh a ni a. Thawktu 7 awmin KG atanga class IV thleng a awm a, naupang hi 192 an enkawl a ni. Bethbunia-ah hian Kristian an la awm miah lo va, an School hmun khu Ramhuai awmna hmun a ni e an ti a, an School inbul hnai ber a inneitu pawh khuan a luah ngam lo va, a rauhsan hial a ni. Bethbunia-ah hian Thlarau Thianghlim programme kan hmang kan ti lo thei lo. Tum lawk pawh awm lovin hlate kan rem a, Chanchin Tha Meichher tih hla kan han rem chu kan mittui a sur nasa hlawm hle. Hetah hian thawhlawm te kan inkhawn a `. 2250.00 lai kan inkhawn chhuakin (engmah tham nilo mahse) kan hlan nghal a. Pastor Docksona chuan Bethbunia rawn tlawhtu hmasa ber in ni a, kan History-ah Lawngtlai Chandmari BKHP-te in chuang reng tawh dawn a. He in sum min hlan hmang hian Bethbunia-ah hian Kristian la awm lo mahse, engtik niah emaw chuan Biak In a la ding ngei ang, a ti a ni. Lalpa chu fakin awm rawh se! Heng bakah hian mi thahnemngai te thawmhnaw thehkhawm leh Lilypari Secondhand bail hawn thar thahnem tak mai kan hlan tel bawk. An School hmun leh a chhehvelte Ramhuai awmna ni a an ngaih leh an hlauh em em chu Tawngtairualin Pathian hnenah kan hlan thar leh a. Bethbunia-ah khuan Chakma tan lo chuan ram te khu a lei theih mai mai lova, a bulhnai ram te khu Mission Compound a nih ngei theih nan Lalpa hnenah i dilpui ang u. Zanah Nghalimlui Chakma kohhranah kan inkhawm a, Biak In thar la hman miah loh, bang awm, a tukverh frame la awm lo, a chhuat pawh la zut loh chu thianfai chawpin kan inkhawm a. He Biak Ina inkhawm hmasa ber kan ni leh ta! Inkhawm boruak a dangdai hle a, Tanna hla, Ka Lal duhawm ka zahpui lawng tih kan han sa chu! An niin an tawngin keini in Mizovin a va han nuam danglam tak em! Speaker lah chuan thu a sawi tha em em mai a. Tawng lettu lah chu Speaker ai mahin a tui 25

emaw tih tur khawpin a let thiam a ni. Kan Secretary pawhin mal zaiin, Ka tling si lo Lalpa tih hla a sa chu Lalpa amah leh amah a in chawimawi a, a ropui hle. Tin, a lawmawm lehzualna Chakma hoten he hla copy hi min dil a, Kan nauten chakma tawngin let ula kan zir ve ang an ti a, in lo kalleh hun chuan Chakma Tawngin kan rem thei tawh ang, an ti a, a va ropui em! Lalpa chu fakin awm rawh se! Inkhawm banah inpawlhona kan nei leh a, KNP lam pawh an bang chuang lova, an zai ring em em mai a, thu an awihin an fel si. Kan hla hriltu pawh Jakoba kum 10 mi a ni a. Hla hril a thiam em em mai leh nghal! BCM Nghalimlui Chakma kohhranah hian member 84, chhungkua 20 an awm a, Rawngbawltu 8 an nei a, Upa an la nei lo. TKP member 15 an awm a, BKHP an la ding lo. Sunday Sikul hi group 2 ah an inthen a thawktu 2 leh native worker 2 in an thut chilh mek a ni. Longpuighat Cirlce (Chakma) ah hian 1.49% vel chauh Kristian an la awm a, mahse rawngbawla chhuak mi 11 an awm a nih chu. Dt.20.03.11 Chawlhni zingah hian BBC ah kan inkawm leh a. IBBC lamin Biakin kharin min tawiawm a, Inkhawm kan thahnem hle. Speaker in thuchah tha tak mai a sawi a. Kristian Bruidawl (BKHP) ten hla mawi tak mai, a part kim in, a track nen ngat an rem anih chu!! Kristian Juandawl (TKP) te pawhin hla an rem a, an thiam hle mai. Sunday School-te kan kai hnuin BCM Vaseikaiah Programme kan hmang leh a. Hetah hian Upa J.Rochungan thuchah tawi a sawi ve thung a. Vaseikai hi chi tin hnam tin awm khawmna a ni a, ni 27th February, 2007 khan din a ni a. Tun dinhmunah member 98 an awm a, chhungkaw - 27 Upa 1 leh Rawngbawltu 11 BKHP member 19 an awm a, an kohhran Secretary pawh hmeichhia a ni. Kan han inkhawm a patling Mizo hlasa thiam lo leh khuang rema kut pawh beng thiamlo te phur tak mai a kut an han bengte, thiam leh thiam lova phur em em si a hla an han sate kha ava ropui em! Tlailamah Nghalimlui-ah let lehin zanah IBBC ah kan inkhawm a. Biak In mumal an la neih loh avangin an khaw Primary School ah kan inkhawm a. BBC ten Biakin khar meuhin 26

min tawiawm ve leh thung a. IBBC BKHP Joint Zaipawl an han zai leh mai chuh! an thiam si a, a ropui ngei mai. Engtin nge hla in zir? ti a, Missionary Rengpuii ka han zawh chuan Hla kan zir hian nau nen an lo kal a, an fate an mut a chhuah pawh in nau awi pahin kan zir zel mai, a ti anih chu. Keini BKHP te hian nau awi chunga hlazir thin awm tak ang maw? Home Mission Nghalimlui-a kan kohhran tlawh te hi Dekchi khap 7 bengnei leh thawmhnaw bag khat theuh kan hlan thei a ni. Tin, record kan siam nual bawk. Kohhranho mumal taka (Work Camp lova) tlawh hmasa bertu lehpProgramme tha taka hmanpuitu kan ni thei hi ropui kan ti a kan lawm hle a ni. Dt.21th February, 2011 a lo her chhuak chu zing dar 7-ah chuan Lal Isua a lo kal lo anih chuan kan inhmu leh ngei ang tih beisei chungin kan inthlah liam ta a. He khawvelah hian rawngbawl tur leh, Chanchin Tha meichher chhi eng ve tura kohna aw mawi chuan kei misual ber min thlang ve maw? tih hla Bus chhunga kan han sa chu, mittui nen kan zai a, hnukulh vangin kan zai hlei thei lo a ni! A va ropui em. Kan hawn lamah hian M.Kawnpui BKHP ten kan beisei phak loh thingpui leh a hmeh, Zochhang kan thar tak mai min chhawp a kan va lawm tak em!! Kan President Pi Lalsawithangi motor rui pawh a ruih theihnghilh thak khawpin a ei a, a eiman kha chawi dawn se a va tam awm em! Maichama mei chu a mit tur a ni lo, tih ang deuh khan kawng tluanin kan zai a. Bethbunia-a kan Missionary Pu H.Hmangaihsanga leh an nu Lalchhanhimi te, dam lohna avanga Serkawn Christian Hospitala in enkawl tur kan zinga awm ve te pawh kan hre chang mang lo a ni. Lalpan min awmpui a, hlim tak leh tluang takin chawhnu lam dar 2:00-ah chuan Lawngtlai kan thleng leh ta a ni. Kan Mission Field tlawhah hian Pathian hruaina leh pawlna nasa tak kan chang a, a hnenah lawmthu kan sawi mawlh mawlh a ni. A hmuna kohhrante leh thawktute tan pawh eng nge maw ti tala malsawmna kan nih ve ngei kan beisei bawk. Tap chungin buh chi feh chhuahpui mah sela, 27

A buh phalte kengin hlim takin a lo haw leh ang. (Ramchhung Mission- a bik takin Bru Baptist Church (BBC) te hi kohhranhoten i veiin i tlawh chhunzawm zel ang u. Thlarau lama kan fate an ni a; enkawl, kaihhruai leh fuih chak an la mamawh hle a ni. Editor)

************************

Work Camp -BCM Chakma Nghalimlui (24th. 28th.March.2011) J.H.Lalduhawma Fin.Secy, M&E BCM Lunglei Venghlun Pathian awmpuina leh hruaina azarah BCM Venghlun M & E leh Unit BMP ten an lo ruahman lawk angin Dt 24th.March.2011 chawhma lam dar 9:00 ah BCM Nghalimluia Work Camp turin mi 8 Driver tiamin Pu J.H.Lalduhawma te inah kan kalkhawm a, chungte chu :1. Pu P.C.Biakkhuma. 2. Pu C.Vanlalrema. 3. Pu P.L.Lalfakzuala. 4. Pu Biakhmingthanga. 5. Tv.James Lalchamliana. 6. Pu Liana Driver 7. Tv.Lalduhawma Pachuau. 8. Pu J.H.Lalduhawma te an ni. Upa R.Lalthuamin Pathian hnena inkawltirna tawngtaia hun a hman zawhin Pu Biakliana Motor hmangin kan chhuak a, kan hmanraw mamawh tur te kan in lam khawm hnu zing dar 10:30 ah Lunglei kan chhuahsan a, 3 Gate-ah BCM Venghlun M&E Chairman Upa Ch.Lawmthangan min lo nghak a,Thingpui inna turin Rs 500.00 min pai bawk a, kan lawm hle. 28

Tluang taka kal zelin Lawngtlaiah kan mamawh tur angte kan inlam khawm hnu-in kan kal zel a, Bungtlang South-ah Pu K.Lalramthanga JE, P.W.D inah kan chawl a(A ni hi kan Kohhran member tangkai tak, a hna avanga Bungtlang Sah hian awm a ni). Thingpui tui tak min lo lum sak a, kan lawm hle a ni.Thingpuite kan in zawh hnuah kan kal zel a, Nghalimlui chu zan lam dar 7:05 ah kan thleng a, Nl.Lalengmawii leh a thawhpuite, BCM Chakma Nghalimlui Kohhran hruaitute leh nunauin min lo hmuak a, chibaite kan han inbuk nak nak a, Nl.Lalengmawii Quarter-ah chuan kan lut a, tawngtaia min hlanna hun a hman hnuah inhmelhriat tawnna hun kan hmang a, thingpui te kan in zawhin kan thlenna tura an lo ruat lawk, an kohhran Chairman Pu Lalbawiha te inah kan thleng phei a, kan tana chaw ei tur min lo buatsaih sak chu kan kil hova, hlim takin kan inkawmho nghal a. Khua a lum hle mai. Dt.25th.March.2011 Zirtawpni zing takah kan thova, thingpuite kan in hnuin BCM Nghalimlui Chakma Biak In ventilation, kawngkapui pahnih,Biak In hmalam bang hawn theih siam hna kan tan nghal a,chawhma lam dar 10:30-ah BKHP ten min siamsak Tukthuan chu hlim tak leh tlaipuar takin kan kil a, chaw te kan ei kham chuan hna chu kan tan leh nghal a.Ventilation Frame 12 kan vuah a,Biak In kawngka pui pahnih kan siam a,Biak In bang hmalam,a tul huna hawn mai theih turin kan ping bawk a ni.Nilengin hlim takin kan thawk a, thim hnu-ah kan bang a, tui a van avangin motorin inbualna hmun lamah kan kal nghal a. Zanriah eikhamah Pu Biakkhuman tawngtainate hmangin, chunglam vansanga zanreh pawh sawi lo va thlawhnaa zin mekte thawm hre reng chungin kan mu ta a. Dt.26th.March.2011 Inrinniah chuan kan chau deuh nge hna a tam tawh lo va, kan hriat vangin kan hmanhmawh teh chiam lo va.Tukthuan ei kham atangin kan thawk leh char char a, tui inchawi chawpin Cement works lam kan thawk a, Pulpit hunna tur dawhsan 18 X 12 a zau kan chhung a, nilengin phur tak leh hlim takin kan thawk leh a ni. 29

Zanlamah inkhawmna hun tha tak mai kan nei thei a,Pu PL Lalfakzualan Pathian thuchah Rom 13:1-2 Mi tin an chunga roreltute thu thuin awm rawh se. Pathian thu lovin tumah roreltu an awm si lo; roreltua awmte hi Pathian ruat an ni.Chuvangin tupawh roreltu hnial chu Pathian ruat dodal an ni a; a dodaltute chuan anmahni chungah rorelna an hmu ang, tih hmangin a sawi a, Pathian awmpuina kan chang a, a thusawi a tha hle a ni.An Kohhran hruaitute hi an naupang hlawm hle mai, an Chairman hi kum 25 a ni a, midang ho pawh kum 25 30 inkar vel an nih mai ka ring. Dt.27th.March.2011 Pathian ni zingah an Kohhran hruaitute leh Missionary thawktute tlawhin an inah kan leng kual a, a nuam hle mai. Tichuan zing inkhawm hun min pe leh a, Pu J.H.Lalduhawman Pathian thuchah Kristaa Inpumkhatna thu a sawi a, a boruak a nuam hle mai. Sunday School pawh kan kal nghal a, Dept. 2 Senior leh Junior-ah an inthen a, zirlaite p[awh an kai tha viau mai. An Kohhran hi member 94 vel an ni a,S/S ah hian hming ziak 92 an awm a, a percent chuan 97.87% an ni a, hemi ni a S/S kai zat chu 82 niin 87.23% an kai a ni. Tin, inkhawmah hian naupang hovin khuang an chang thin a, zai a nuam hle a ni. Chawhnuah chuan kan titi hlawm a,hun hlimawm leh nuam tak kan hmang a,Zan lamah Inkhawmna hun tha tak mai kan nei leh a, Pu P.C.Biakkhuman Pathian Thuchah Thupuan Bung 22:12 15 Ngai teh, ka lo kal thuai dawn e; mi tin an thiltih ang zela pek turin ka lawmman ka hnenah a awm a. Kei Alpha leh Omega, a Hmasaber leh a Hnuhnungber, a Bul leh a Tawp ka ni. Nunna Thing chungah chuan thu an neih theihna tur leh, kawngkaah chuan khuaa an luh theihna tura insu faite chu an eng a thawl e. Pawnah chuan ui te, dawithiam te, inngaih ching te, tualthat te, milem bia te, dawt ngaina leh dawt hmang apiangte chu an awm a, tih hmangin Lal Isua Lokal Lehna thu a sawi a, Pathian hnathawh a langa a sawi tha hle mai. Inkhawm banah Nl.Lalengmawii Quarter-ah kan chawl lut a, hetah hian Tv. Lalduhawma Pachuauin BCM Nghalimlui Chakma Kohhran ten 30

an Biak In an sakna tur atan hian Rs 2,000.00 a hlan a, a ropuiin an lawm hle a ni. Pathianni zan Inkhawm banah hian Pu C.Vanlalreman chhung inkhawm kaihruaiin tawngtaina hun kan hmang leh a ni. Dt.28th.March.2011 Thawhtan zing dar 6:30 AM ah Nl.Lalengmawii Quarter-ah thingpuite kan in a, chumi zawhah a tawngtai a, inthlahna chibaite kan inbuk hnuah, inngai tak chungin kan rawn haw san ta ni. Tluang takin kan rawn kal zel a, Diltlang-ah Kohhranten TKP Inkhawmpui Lawngtlaia kal te leh Work Campa kalte an lo hmuak a, min han hmuh chuan tui in tur lama kan chhuk chu Thingpui in turin min lo chiau au a, kan han inchibai nak nak hnu chuan thingpuite kan in a, min lo ngaihven hle mai, hengte han hmuh hian Lalpan min hruaiin min awmpui zel a ni tih kan hriat belh zel a, vannei leh chang ropui kan inti hle. Tluang taka lo kal zelin tlai lam dar 5:05 velah kan lo thleng a,Upa C.Lalbiaktluangan min lo hmuak a, Upa Ch.Lawmthanga te, Upa K.Lianhmingthanga kan Kohhran Secy leh Rbt.R.Lalthanmawia ten kan zin dan chanchinte hriat chakin min rawn ngaihven a, a lawmawm hle mai. Work Camp-na atan hian BMP atangin Rs10,000.00 leh M & E lam atangin Rs 20,000.00 a vaiin Rs 30,000.00 kan dawng a, hmanrua Ventilation, Frame 12, kawngkapui, tukverh kawpza, etc. leh ei leh in, tui in tur lei nan tea kan hman ral chu Rs.14,316.00 a ni a, motor hian min hruaiin min awmchilh a, a hmunah tuichawi nan kan hmang bawk a, a hman man hi Rs 14,500.00 a ni. Tichuan kan hmanral zawng zawng hi Rs.28,816.00 a ni, a la bang Rs 1,184.00 a ni. Keini a kal chhuakte hi kawng hrang hrangin kan vannei em em a,Kohhran ten a thlawnin min kaltir a, min tawngtaipui bawk a, kan Kohhran atanga Missionary-a kal Nl.Lalengmawii awmna hmuna Work Camp kan nei thei hi Pathian awmpuina leh BCM Venghlun te hnathawh vang liau liau a ni a, hetiang chang leh hmu theia kan awm hi Pathian leh BCM Venghlun chungah kan lawm em em a, Pathian hmingin lawmthu 31

kan sawi a ni. In thawhrimna chu Lalpaah chuan a thlawn ngai lo vang. Lalpan ropuina chang rawh se! Work Camp-a kal hi a lo hlawk hle mai! Lalpa ram zau nan i kal zel hlawm teh ang u.

*********************

Missionary Support petute leh an pek zat

( April, 2010 March, 2011 )

BCM Lawngtlai Area (Issue lehah BCM Aizawl Area rawn tarlan tum a ni).
S/No 1. 2. 3. 4. 5. 6. 7. 8. 9. 10 . 11 . 12 . 13 . 14 . 15 . 16 . Bial hming Bungtlang (S) Bungtlang (S) Bungtlang (S) Bungtlang (S) Bungtlang (S) Bungtlang (S) Bungtlang (S) Diltlang Diltlang Diltlang Diltlang Diltlang Lawngtlai East Lawngtlai East Lawngtlai East Lawngtlai East Kohhran/Mimal BCM-Bungtlang (S) Bial BKHP-Bungtlang (S) bial M & E - M.Kawnpui M & E-Bungtlang(S) Bial S.Zoliana TKP-Bungtlang(S) Bial TKP-M.Kawnpui BKHP-Gelead K.Lalchamliani BCM-Diltlang BCM-Gelead M & E-Diltlang BCM-Bazar BCM-Nazareth BCM-Imanuel BKHP-Bazar Amount 6,440.00 6,000.00 2,000.00 12,700.00 7,200.00 2,500.00 1,000.00 1,000.00 5,000.00 19,320.00 11,000.00 4,000.00 63,000.00 19,500.00 18,000.00 5,400.00

32

17 . 18 . 19 . 20 . 21 . 22 . 23 . 24 . 25 . 26 . 27 . 28 . 29 . 30 . 31 . 32 . 33 . 34 . 35 . 36 . 37 . 38 . 39 . 40 . 41 . 42 . 43 . 44 . 45 . 46 . 47 . 48 . 49 .

Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai East Lawngtlai North Lawngtlai North Lawngtlai North Lawngtlai North Lawngtlai North Lawngtlai North Lawngtlai North Lawngtlai North Lawngtlai North Lawngtlai South Lawngtlai South Lawngtlai South Lawngtlai South Lawngtlai South Lawngtlai South Lawngtlai South Lawngtlai South Lawngtlai South Lawngtlai South Lawngtlai South

BKHP-Imanuel BKHP-Lawngtlai East BKHP-Nazareth M & E Lawngtlai vengpui M & E-Lawngtlai East Rev.C.Lalbiaksanga TKP-Bazar TKP-Imanuel TKP-Lawngtlai (E) Bial TKP-Nazareth TKP-Vengpui Upa V.L.Dawma BMP - Immanuel BCM-Salem BCM-Thingkah BKHP-Lawngtlai North BKHP-Salem KNP-Kanaan M & E-Electric M &E-Kanaan TKP-Kanaan TKP-Salem BCM-Bethani BCM-Bethel BCM-Chandmary BCM-Chawnhu BCM-College veng BCM-Mampui BKHP-Bethani BKHP-Bethel BKHP-Chandmary BKHP-Chawnhu BKHP-College veng

4,000.00 18,000.00 1,500.00 6,000.00 24,000.00 3,400.00 11,400.00 4,800.00 7,000.00 1,200.00 7,500.00 9,000.00 3,600.00 88,000.00 16,500.00 12,000.00 5,000.00 2,000.00 72,000.00 25,200.00 3,000.00 5,000.00 42,000.00 4,000.00 78,000.00 20,400.00 9,700.00 25,500.00 12,500.00 4,200.00 13,500.00 2,400.00 3,000.00

33

50 . 51 . 52 . 53 . 54 . 55 . 56 . 57 . 58 . 59 . 60 . 61 . 62 . 63 . 64 . 65 . 66 . 67 . 68 . 69 . 70 . 71 . 72 . 73 . 74 . 75 . 76 . 77 . 78 . 79 . 80 . 81 . 82 .

Lawngtlai South Lawngtlai South Paithar Paithar Paithar Paithar Paithar Phawngpui North Phawngpui North Phawngpui North Phawngpui North Phawngpui North Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Phawngpui South Saiha Saiha Thingfal Thingfal Thingfal Thingfal Thingfal Thingfal

BKHP-Mampui M & E-Lawngtlai (E) BCM-Kawlchaw (E) BKHP-Paithar Bial M & E-Kawlchaw (W) M & E-Paithar Bial TKP-Paithar bial BCM - Cheural BKHP-Phawngpui (N) bial M & E - Sangau TKP-Cheural TKP-Sangau BCM-Bualpui (Ng) BCM-Cheural BCM-Phawngpui (S) BKHP-Phawngpui (S) Dr B.Lalramhluna Dr Benjamin H.Tialpeni J.Muankima M & E-Phawngpui (S) bial TKP-Bualpui (Ng) TKP-Lungpher (S) TKP-Phawgpui (S) V.Lallianchunga M & E-Saiha Bial BCM-New.Saiha BCM-Thingfal BCM-Thingfal Bial TKP-Thingfal Bial TKP-Zion-Thingfal Upa Jony Biaksangpuia Z.D.Lalnihera

6,000.00 24,000.00 12,000.00 15,000.00 6,500.00 12,000.00 8,000.00 6,000.00 9,000.00 18,000.00 1,000.00 1,500.00 12,000.00 1,500.00 5,000.00 8,500.00 3,600.00 1,000.00 10,000.00 1,800.00 2,500.00 1,000.00 435.00 5,000.00 1,200.00 11,000.00 64,000.00 24,000.00 5,000.00 2,500.00 1,000.00 1,000.00 5,000.00

34

83 . Vathuampui

M & E-Vathuampui Bial 500.00 GRAND TOTAL = Rs 1,015,895.00

35