K T P

I N L E N G
KTP Durtlang Branch
1955-2011
E- mai l : kt pi nl eng@gmai l . com VOL 24 ISSUE NO. 30
31st.July, 2011
KTP Thiltumte:
Isua Krista rinna leh Amah anna
kawnga thalaite hruai.
Kohhran kutke ni tura thalaite
buatsaih.
Kohhran hnathawh tihpuitlin.
Krista Chanchintha puandarh.
Kristian Thalai Pawl : Durtlang Branch
Ni 3-7, Aug 2011 chhunga Kohhran
inkhawm zai hruaitu turin heng mite
hi ruat an ni.
1) Dr. R.L Sanghluna (Khuang)
2) Pu Eddie Lalzidinga (Khuang)
3) Pu K.Lalbiakthanga (Khuang)
4) Pu Vanlalhriata(Keyboard
5) Tv Zairemmawia (Keyboard)
HLA HRUAITU RUATTE
BRANCH COMMITTEE HUN
August 2, 2011 (thawhleh) zan dar
7:00 hian Kohhran Committee Room-
ah KTP Durtlang Branch Committee
neih tur a ni leh dawn a. Thu thehluh
tur nei chuan hemi zana ngaihtuah
hman ngei turin hruaitute hnenah
thehluh theih reng a ni e.
NURSE ZIRZOTE THLAH TA
July nii 26. 2011 zan khan Presbyte-
rian Hospital Nursing School-a Nurse
zir zo (2007 batch) mi 31 zette chu
KTP Durtlang Branch chuan a thlah
liam ta. He hun hi Presbyterian Hos-
pital Auditorium-ah neih Tv C.
Zoremsanga, Branch Committee
memberin hneh takin a kaihruai a.
Items nei tura ruatten tha takin an
tihlawhtling thei vek a, hlim takin hun
hman ho a ni a. Kumdanga la tih
ngailoh Thingpui leh a hmeh tui tak
mai chu kan member Dr. Vanlalkiman
rawn tum nghe nghe a, a chungah KTP
te an lawm hle a ni.
Tin, Lit. & Drama Sub Com-
mittee Chairman Pu PLC Lallawm
kiman kan Covenant-te puala a hla
phuah A leng em mai tih chu amah
ngeiin a rawn chhiarchhuak a,
kalkhawmten an lawmin an hlimpui hle
a ni. Kan member Nurse zirzote
ngaihrui nan KTP Durtlang Branch
chuan an mahni pual liau liaua a siam
Bookmark mawi zet mai a pe vek a
ni.
Heng kan member Nurse
zirzote hian naktuk thawhtanni (1 Aug)
hian Durtlang an chhuahsan dawn ta
a ni. KTP Durtlang Branch chuan an
hma hun kalchho turah duhsakna sang
ber a hlan a ni.
Nangma thil ropuite an sawi
He hla ropui tak mai hi John Newtonan Sam 87:3 leh Isaia 33:20-21
tlawh chhana a siam a ni a, sak nuam tak tura phuaha siamchhuaktu hi
Franz Joseph Hayden a ni thung.
He hla phuahtu hi Austria mi a nih avangin a hla thluk pawh hi,
Austrian Hymn tih a ni nghe nghe. John Newton-a hi July 24, 1725 ah
London-ah a lo piang a, kum 7 mi lek a nih laiin a nu Pathian tih tak mi
chuan a boralsan hlauh mai a, a nu in a thihsan hnu atang hian a pa
hnung zuiin a pa lawngah kum 18 a nih thlengin hmun hrang hrangah a
zinkual ve thin a ni. He mi chhung hian thil tam tak a tawng a, a rilruah
beidawnna leh luhlulna a lian hle. Hetih hunlai hian mi rothap leh
pawisak nei lo tak dinhmunah a ding a ni. Kum 1748-ah kum 39 mi a nih
laiin rawngbawl tura sawmna a dawng nawlh mai a, Anglican kohhran
pakhat Olney, England ah pastor hna a thawk ta a, pastor hna a thawh
lai hian hla a phuah tan ta a, a hla phuah te hi a ma thil lo tawn tawh
hrang hrang behchhan an ni deuh zel a ni. A hla phuah te zinga lar tak
pakhat, Khawngaihna mak mawi leh duhawm tih hla phei hi chu
Newtona testimony puanchhuahna leh a hun kal tawh tarlanna a ni
nghe nghe.
Olney kohhran a enkawl lai hian hlaphuah thiam tak mai pakhat
William Cowper, a thenawm maia cheng leh a thian tha tak mai ni
bawk tan a inhmang nasa em em a. Willian Cowper-a hlaphuahnaah
pawh John Newton hian rilru leh tha tamtak a seng nghe nghe a ni. An
pahniha tangdun hian kum 1779 khan hlabu tha tak mai an siam chhuak
nghe nghe a. Pathian thuhrilh darhna kawngah pawh he hlabu hian
hmun hrang hrangah nasa takin hna a thawk a ni. He hlabu an siamah
hian hla 349 awmin chung zinga 67 chu Willian Cowper-a phuah a ni a,
a dang zawng chu John Wesley-a siam a ni thung. An hlabu siam hi
hlawm thumah an then a, hlawm khatna chu Sermon leh tawngtai
inkhawmna huna tangkai tur chi Bible thu behchhan an ni a, a hlawm
> > Kristian Thalai Pawl : Durtlang Branch
DDDDDDDDD DDDDD
KTP Inleng 2011 KTP INLENG KARTIN CHHUAK VOL 24 ISSUE NO 30
Editor in Chief
C.L.Biakhlua 9856878819
Editors
C. Zoremsanga 9612297009
Samuel Ramengmawia 9862378735
Joint Editors
C. Zarzoliana 9436197307
C.Lalthanzuala 9862363844
C.Lalfakzuala 9436365052
Vanlalpeka Kawlni 9862357170
Correspondent
C. Lalthanpari 9615492737
Vanlalchhuani 9862368776
H.Hmingthansangi 9856344441
Circulation Managers
Lalbiakmawia 9862340399
R.Lalengkima 9612862398
Benjamin Rosangzuala 9862494499
Lalremruata 9862614326
Joseph Vanlalremruata 9862360748
2
KTP INKHAWM INCHHIARNA
25/July/2011 (Mon)
Andria 27
Jakoba 32
Johana 25
Matthaia 23
Petera 26
Philipa 32
Midang
Total 165
PATHIANNI (31/Jul)
SS Tantu : Pi Thanchhungi B-1
Chawhnu : Pu V.Manliana
Zan : Rev C.Lalbiakhluna
MASHIHI SANGATI
PATHIANNI (31/Jul)
HRUAITU : Nl Thangzawni
TANTU : Pu Lalmanliana
THUCHAH : Evan Devi Lal
PATHIANNI TLAI (30/Jul)
KTP TAWNGTAI INKHAWM
A hmun : Centenary Hall
Hruaitu : Tv Lalmalsawma, Asst Secy Jak Gr
Tantu : Nl Laltlanzovi, Petera Gr
THAWHTANNI (1/Aug)
KTP INKHAWM
HRUAITU : Tv Lalbiakmawia
TANTU : Nl Zodinpuii
THUCHAH : Tv Lallawmkima, Br Commt
THAWHLAWM:
KHAWNTUTE
THAWHLEH ZAN (02/Aug)
KOHHRAN HMEICHHIA
Hruaitu :
Tantu :
Thuchah :
Special Item
NILAI ZAN (03/Aug)
Tantu : Nl Zodinpuii B-3
Thupui : Hun hnuhnung thu
chhinchhiahna leh Lal Isua sawi dan
Hawngtu : Pi Lalruatkimi
INRINNI ZAN (06/Aug)
Tantu : Nl Lal nuntluangi Ralte
Sermon : Pu R.Lalfakawma
hnihna chu hunbik a sak tur chi an ni thung a, a hlawm thumna chu
ringtu thlarau lam nun hmasawnna tarlanna lam a ni thung. An hlabu siam
hi kum 100 chhung teh meuh mai Anglican kohhrante chuan kohhran
hlabu atan an hmang a, England leh America ramahte an leklam hle.
Nangma thil ropuite an sawi tih hla hi an hlabu siam hlawm
khatna zinga mi a ni a, he hla hi Newton-a hla siamte zinga a tha ber
pawl ni a chhal a ni. Thenkhat phei chuan hlabu chhunga hlate zinga hla
hlimawm ber an ti hial a ni. He hla hian Pathian ina a thlante a enkawl
leh a humhim zia a tarlang chiang hle. A thu phelh tawh ngai lohva
khan, a siam che Ama chen nan tih thu te hian Newtonan Juda te
hnena Pathian thu tiam zahawm zia leh Kohhran ropuina leh a
rawngbawlna zahawm zia a tarlang chiang hle a ni. He hla hian chang
nga lai a nei a a tawp lam chang 1 hi lehlin tel a ni ta lo a ni.
Nalh taka sak theih tura he hla siamtu Franz Joseph Hayden hian
Austrian hnam hla buah a dah tel a, he hla an sakna hmasa ber chu
Emperor Franz II-na birthday lawmna February 12, 1797 khan a ni a,
Hayden-a hian he hla thuk hi rimawi tum pawl Emperor of Kaiser, Opus
76 innnghah nan a hmang nghe nghe a ni.
Franz Joseph Hayden hi kum zabi 18-na laia Austrian rimawi
tumthiam te zinga a bera chhal ngam a ni a, Catholic kohhran atanga
seilian ni mahse, Isua Krista ring tlattu a ni. Heti hian a sawi thin,
Pathian chhandamna ka ngaihtuah chang hi chuan, ka thinlung hi a
hlim em em a, vansang takah thlawk delh delh ang hialin ka in hre thin
a, ka thinlung hi lawmna in a khat a, rinawm taka a rawng ka bawl hian
min ngaidam zel dawn a ni tih ka hria tiin. Hayden-a hi Austria rama
Rohau khuaah May ni 31 1732 ah a lo piang a. Kum 1761 khan kum thum
chhung Hungarian chhungkua lartak mai Esterhazy tan Music Director
hna a thawk a. Hemi hun chhung hian hla 100 chuang phuah in lemchan
nena entir chi 22 zet a siam a ni. A kutchhuak hla zawng zawngte hi
hlim taka Pathian hnena thinlung hlanna a ni an ti thin.
(Source: 101 More Hymn Stories)
Rinawmna tih hian a huam zauin kawh
leh sawi tum pawh a ngah hle a. Bibleah
pawh vawi tamtak rinawmna pawimawh
zia leh Pathian pawhin a ngaihpawimawh
leh a lawm zawng a nih thu kan hmu a.
Rinawmna nunpuitute chu he khawvela
an damchhung la la pawhin Pathianin
nasa takin mal a sawmin a chawimawi
thin tih pawh kan hria a. Lal Isua zirtirna
ki pawi mawh ber pakhat chu rinawmna
hi a ni.
Chutihrual chuan rinawmna
nunpui loh avanga he lei damchhunga an
nih tur ang ni phalo leh taksa leh rilru
thlenga Pathian thungrulhna changta te
pawh engemaw zat kan hmuin, heng
achunga kan sawi tak chi hnih atang te
pawh hian zirtur kan ngah hle a ni.
1Korinth 4:1-2 kan en chuan
Krista rawngbawltu leh Pathian thuruk
enkawltu ni tur chuan mi rinawm nih a
ngaih thu kan hmu a. Chuvangin Rinawm
na hi Ringtu nun kaihruaitu leh vawngtu
pawimawh tak ani.
Vawiin a Kristian Thalai Pawl
tena kan rawngbawlnaah pawh hian
rinawmna a pawimawh em em a.Rinawm
lo taka rawngbawlna kan kal pui a nih
chuan nakinah kan pawl hian a la tuar
dawn a. A bikin rawngbawltute hi miten
kan nunah hian beiseina sang tak an nei
tih hriain kan nitin nunah te, kan
hnathawhna hmunah te leh sum leh pai
ah hian kan rinawm a pawimawh takzet
a ni.
KTP INLENG KARTIN CHHUAK VOL 24 ISSUE NO 30
TAWNGTAINA
&&& Vanramah hian inchhirna tur awm thei ta sela
chuan midangte tana tawngtai tam tawk loh vang a
ni deuh ber ang. - Raven Hill
&&& Khawvelah hian tawngtai mi hi an ropui ber a.
Thil mak deuh chu hre reng siin mihring hi a tawngtai
chuang lo. - Chadwick
&&& Thahnemngai taka tawngtaina chuan nghawng
a nei thin, tawngtaina chu Mei ang a ni si a.
- E.M.Bonds
&&& Rinna tawngtai thei tur chuan Pathian nen nitin
len dun thin a ngai a ni. - Charles Finney
&&& Pathian hian amaha kan innghah hi a duh em
avang hian kan tawngtainate chhang mai lovin, a
hnena nasa lehzual tawngtaina a dil turin min duh a
ni. - James I Pacter
&&& Tawngtai ngai lo Kristian chu thiltihtheihna neilo,
a hming maia Kristian a ni. - Billy Graham
&&& Pathian nena inpawl dawn hian tawngtai harsatna
leh rona a lo thleng hmasa chawk. Mahse thlarau
thianghlim kan nghah tlat chuan a lo thleng ngei thin.
- R.A.Torry
&&& Zanah thil pakhat chauh ti tura phut lo ni ta ila,
tawngtai mawlh hi ka thlang ang.Tawngtai peih lohna
sual chuan kan thlarau nunah thiltihtheihna
tlakchhamna a thlen fo thin a ni.
- Andrew Murray
&&& Tawngtaina tha ber berahte chuan thu aiin rilrua
rumna a nasa zawk thin. - John Bunyan
&&&Kan tawngtainate hi lawmthu sawina ni fo sela,
Pathianin kan thatna tur a hre zawk em em si a.
- Socrates
&&& I tawngtaiin nangmaha sual i tih bo loh chuan,
sualin i tawngtaina a tibo ang. Bible hian engtiklai
pawha thu hril turin min ti lo va, engtiklai pawha
tawngtai turin min ti a ni. - John R.Rice
CONFERECE-AH TEL
Kan member Nl R.Lalawmpuii d/o
R.Lalchhuanawma, Kawnveng chu ni
29-30,July 2011 chhunga International
Conference on Bio Technology in Food
& Pharma Industry, Vishakapatnam-a
neihah Poster Present turin a kal.
Ruahman anga a awm anih chuan
tunkar chhung hian a lo let leh hman
beisei a ni.
PHAIAH ZIR DAWN
Kan member Tv K.Zoremsiama s/o Upa
K. Sanghmingthanga Mualveng chu
Hindustan University, Chennai-ah Mas-
ter of Computer Application zir zawm
turin nimin inrinni (30.July) khan a liam
thla ta. Hlawhtling taka a rawn
zirchhuah ngei kan beisei a, duhsakna
kan hlan e.
MODERATOR DAMDAWIIN-AH
Mizoram Synod Moderator Rev
C.Lalsangliana leh a thiannu Pi
Lalhmangaihi-te chu kawthalo avangin
Presbyterian Hospital-ah admit an ni
a, he thu kan buatsaih lai hian NCB
Deluxe-ah awmin that lam an pan mek
niin thu dawn a ni. Kohhranhoten i
tawngtaipui zel ang u.
NAUPANG PUAL CAMP
Durtlang Kohhran hnuaia Kristian
Chhungkaw Committee bultumin
Durtlang huamchhunga naupangte
pualin ni 28.July atang khan lang Camp
buatsaih a ni a. He hun hi naupangten
an hlut hle a ni.
DURTLANG N-AH PASTOR
Durtlang Bialtu Pastor ZD Lalhma
chhuana chuan Inrinni zan atanga
vawiin Pathianni nileng leh zan hmang
hian Durtlang North Kohhranah Kristian
Chhungkaw Campaign programme a
hmang dawn a. Tin, July ni 4-6, 2011
chhung hian Durtlang North Sakrament
zirlaite Camping-ah Speaker a ni zui
nghal dawn a ni. Kohhranhoten i
tawngtaipui ang u.
VANTLANG HRISELNA ATAN
Mizoram Sawrkar hnuaia Health Depart-
ment leh Durtlang Kohhran Social Front
hmalakna-a vantlang hriselna atana
Thosilen chiah leh a mamawhte tana
awlsam zawka thisen lak hna thawk-a
Durtlang bial turin Pi Sangkhumi w/o
Lalbiakzuala Mualveng leh Tv
Zonunmawia s/o Edentharmawia
Kawnvengte chu Kohhran chuan a ruat
a. Anni hian a tul angin thosilen chiah
sem leh thisen lak an buaipui thin dawn
a ni. Hetianga vantlang hriselna tura
sawrkar leh kohhran thawhhona hi
mipuiten kan hlut a, kan ngaih
pawimawh chhoh zel a tul hle ani.
TAIWAN ZIN REPORT
I love Taiwan Programme hmanga zin
Synod Choir Conductor Pu K.Lalbiak
thanga chuan nizan inrinni zan
inkhawmah Durtlang Biakin-ah report a
pe a. Vawiin Pathianni chawhnu-a
Durtlang North-a Pastor Bial fan
programme-ah Report a pe leh anga, zan
inkhawmah hian Tuikual Kohhran-ah
report a pek chhunzawm dawn a, zan
lamah hian Synod zaipawlten an
tawiawm dawn a ni.
EVANGELICAL HUANG
Harsatna nei tan a hnuaia Phone number
tarlanah hian inthlahrung lovin zawhna
a zawh theih reng e.
9612862420, 9612144132
DURTLANG KAWNGPUIAH LEIMIN
(Kawngpui pawimawh nilengin
thenfai a ni lo!)
Ni 27.July, 2011 zing dar 8:00 pelh hnu khan Bawngkawn leh Durtlang
inkar, Hlaflong bulah kawngchhak atanga lung lian tla chuan Motor kal
theih lohin kawngpui a hnawh a. Zin veivakte leh khawchhung mipuiten
harsatna nasa tawkin, Selesih - Zuangtui Road -ah motor a hel a ni a.
Pisa kai tur leh zirlai hmanhmawh zualte phei chu kein an kal hlawm a
ni. Hetianga kawngpui pawimawh tak mai-a Motor eng chi mah a kal
theih loh lai hian thuneitu lamten a thenfai hna an thawh mai loh
avangin, Durtlang kawnga tlan thin Taxi khalhtute chu hnathawh kawr
nen chechhuakin, tlawmngaih chhuahin hnatlangin an theih ang angin an thian a. Tlai dar 4:00 vel-ah Motor te chi kal tlang theih tawk
tawkin an thian fai a ni.
Hetianga vengchhung mai nilo, damlo leh zin veivakten harsatna nasa tak kan tawh lai hian, nilengin thuneitu lamte atangin a
thenfai hna thawh ani lo leh kutthlak engmah a awm lo chu mi tam takin mak an ti hle a. Tunhnaia Aizawl veng thenkhata leiminna hmun
hrang hrangah hun reilote chhunga chak taka thenfai anih laia helai kawngpui pawimawh ngaihsak ani ve lo hi mi tam tak an lungawilo hle
a, veng inngaihpawimawh lohna leh inzahlohna hial-ah ngaite pawh an awm a ni.. He thu kan buatsaih lai thleng hian engvanga khawih
nghal lo nge ani tih leh engtik-ah nge hmalak anih dawn tih hriat a ni lo a ni.
> > Kristian Thalai Pawl : Durtlang Branch
3
9856878819 / 9862363844 / 9436197303 KTP INLENG KARTIN CHHUAK VOL 24 ISSUE NO 30
> > Kristian Thalai Pawl : Durtlang Branch
INLENG PIKSS
VANRAM I THLEN HUNA I
ZAWHNA DAWN TURTE
** PATHIAN chuan eng ang motor nge i khalh
thin tih a zawt lovang che a, mi engzat chiah
nge veivahna neilo i tanpui tawh tih a zawt
ang che.
** PATHIAN chuan i In chu engtiat chiaha lian
nge tih a zawt lovang che; mi engzatnge i inah
i lawiluh tir thin tih erawh a zawt ang che.
** PATHIAN chuan i bungraw bawmah
thuamhnaw engzata tam nge i neih tih a zawt
lovang che; mi engzat nge i silhfena i
tuamhlawm tawh tih erawh a zawt ang che.
** PATHIAN chuan engzata tam nge i
hnathawhnaah i hlawh a zawt lovang che;
Midang tanpuina i pe thin em tih erawh chu a
zawt ang che.
** PATHIAN chuan i hnathawh hming a zawt
lovang che; i hnathawh chu i theih tawk leh i
phak ang tawka thain i thawk em tih erawh a
zawt ang che.
** PATHIAN chuan thian engzat chiah nge i
neih a zawt lovang che; Mi engzat chiah nge
thian a ngai che tih a zawt ang che.
** PATHIAN chuan i thenawmah tute nge cheng
tih a zawt lovang che; Engtin nge i thenawmte
i dawnsawn tih erawh a zawt ang che.
** PATHIAN chuan i vun rawng engang nge
tiin a zawt lovang che; I nungchang engang
nge tih erawh a zawt ang che.
Time 11:40 pm
^
KOHHRANA MIZOTAWNG HMAN DAN DIK
He thupui hi KTP General Conference 2010, Mamita neih tuma Agenda Thu leh
hla, tawng hman dik kawnga hma kan sawn theih nan Branch tinte hlawkpui theih
turin CKTP-in hma la rawh se tih chu CKTP-in hmala-in Mizoram puma Branch tinte zir
turin Rev K.Lalpiangthara, CKTP Leader nimekin a buatsaih a ni a. Hun hmasa lamah
khan Chairman hriat atan tha te, Secretary leh tantu hriat atana thate kan tichhuak tawh
a. Tun tumah hian Bible chhiar dawna hriat turte, tawngtai dan dik leh Biak inah leh
hunserha khawlai tawng hman loh chungchang te kan tarlang thung dawn a ni.
1. BIBLE CHHIAR DAWNA KAN TAWNG HMAN
DANTE :
a) Kohhran Mipui hmaah Bible chhiar tura kan
dinchhuah hian Bible chang i lo chhiar ang u
tih mai a awl hle a. Pathian thu Thianghlim i
lo ngaithla ang u, tih emaw Pathian lehkhabu
Thianghlim i lo chhiar ang u tih hi midang tan
ngaihthlak a nuam zawkin a lang. Thu tih hi
ngaithla tihin a zawm hi a in hmeh a. Chutiang
bawkin lehkhabu tih chhiar in a zawm hi a
inhmeh bawk.
b) Bible bu mal hming kan sawi danah hian
fimkhur a ngai hle bawk. A bula a hming an
puttir hawrawppuia an ziak dan ang anga sawi
mai hi midang tan ngaihthlak a nuam ber fo.
Entir nan, Galatia mite hnena Tirhkoh Paula
lehkha thawn leh Hebraite hnena lehkhathawn
sawichhuah danah hian fimkhur a ngai zual a.
Galatia hi khua ni lovin ram hming a ni a,
Hebraite pawh hi khaw hming ni lovin Juda
Kristiante sawina a ni. Thawnkhat Timothea
tih ai chuan Timothea hnena Tirhkoh Paula
lehkhathawn pakhatna.. tih hi a mawi zawk.
Chutiang zelin a dangte pawh.
2. TAWNGTAI DAN THEOLOGY :
a) Tawngtai dawn a, Tlemin/tawitein kan
tawngtai ange tih kher hi a tul lo khawp mai.
I tawngtai ang u tih hi a tawk viau tho.
b) Chairmanin midang Pathian hnena thilpek/
thawhlawm hlan tura a sawmten thuhriltu tur
tana chham tel duah hi a tul lemin a lang lo.
Pathian hnena lawmthu sawi leh hlan mai kha a
tih tur niin a lang. Tin, a tawpa Lal Isua hmingin
kan dil a che tih aiin Lal Isua hmingin kan
hlan a che tih hi a inhmeh zakin a hriat. A
tawp a thlen hmaa a hlan a, thildanga dil leh
anih chuan.kan dil a che tih hi a inhmeh
tho.
c) Lalpa min hmangaih thintu, ti kan
awm fo. Pathian hmangaihna hi chu a reng
thil a ni a, thin hi chuan reng a kawk lova,
chuvangin, Lalpa min hmangaih tu, tih
mai hi a dik zawkin a lang.
d) Tunhnai deuh kum 2001 bawr vel atang
khan Kapa Thlarau Thianghlim tih hi mi
thenkhatin an tawngtainaah an hmang uar
hle bawk. Pa hi Pathian a ni a, Fapa pawh
Pathian a ni a. Thlarau Thianghlim hi Pa
anga sawi a ni ngai lo.
e) Hman deuh, kum 1984 vel atang khan
kan tawngtai hmawr bawknaah lawmthu
sawi chungin ka/kan dil a che tih kan ching
hle a. Tun thleng hian mi tam tak chuan kan
la hmang uar hlein a hriat. Kan tawngtai hian
a tir lamah Pathian hnenah lawmthu kan sawi
tlangpui a. A tawp lama lawmthu sawi
chungin han tih leh hi a chuangtlai deuh mai
mai chuan a lang. A then phei chuan inhlan
tawngtaina pawh ni si lovah lawmthu sawi
chungin kan rawn inhlan thar leh e an ti
daih a. Lal Isua hminga dilna lamin a hmawr
an bawk fuh lo deuh hlek thin.
f) Kan tawngtai hian a tawpah Isu i hmingin
ka dil a che tilovin, Lal Isua hmingin ka
dil a che kan ti tur a ni. Mi dang aiawha
tawngtai kan nih chuan ka tilovin kan tih
kan hmang tur a ni bawk. Pathian hneah Lal
Isua hmingin kan dil tur a ni.
BIBLE QUIZ
Tun tum Issue-ah hian Bible Quiz buatsaihtute
ah harsatna a awm avangin an buatsaih hman
ta lova, Issue leh atangin han chhunzawm theih
kan tum e.
Kar hmasa Quiz chhangtuten in chhang
dik vek mai. Chhang dikte atangin thumvawr
a ni a, lawmman dawngtu :
R.VANLALHLIMPUII
Durtlang Mel-5 ( Zionveng)
Lawmman hi Nl Maseni hnenah lam tur ani e.
Durtlang khua-ah ruihhlo a hluar!
Kristian khua atana din, tun hma atanga zu leh ruihhlo zuar awm ngailohna khua ti-
a sawi thin Durtlang khawthlengah tunlai hian zu leh ruihhlo a hluarin a zalen hle nia thudawn
a ni a.
Hetianga ram dan leh khawtlang
phalloh thil titute hi an huangtauin an ngampa
sawt hle nia sawi a ni a, tin, a khawtlang mipui
leh vengchhunga tlawmngai pawl hrang hrangte
pawh hemi kawngah hian hnawksak tihna alian
ta lo a, ngaimawh a hlawh lo tial tial niin sawi a
ni bawk.
Tunhnai-ah veng thenkhata khawtlang
nun siamtha pawlten report an dawn bawhzuiin
hetianga zu zawrh tur kawlte an man sak nual
niin hriat a ni a. Heti anih mek lai hian nitin
deuhthaw Durtlang khawthleng-ah ualau tak leh
zalen takin zu leh ruihtheihthil dang lakluh reng
a ni a. Tin, hemi kawnga inhnamhnawih thin
pawh an tamin inthlahrung lo tak leh midangte
hmaizahna nei lem lovin, khawlai dung-ah
inpechhawng leh hralh ta maite hmuh tur an
awm mek nia-a sawi a ni bawk a. Tin, zu mai
bakah ruihhlo dang, a bikin No 4 a hluar hle a,
Durtlang tleirawl/rawltharte zingah
inhnamhnawih thar pawh an pung chho mek a,
hmeichhie lamte pawh fihlim lo an tam tial tial
niin hemi kawnga rilru seng thinte chuan an
sawi a. Heng tleirawl zawk leh rawlthar
inhnamhnawihte hian khawtlang nu leh pate
leh aia upate zahna pawh an tlachham hle a,
khawtlang aiawha dutyte pawh zahpahna nei
lek lovin an lo hmachhawn ngam tawh niin
sawi ani.
Hetiang zela kan kal anih chuan tun
atanga reilote-ah kan khawtlang hi atawpin a
ralmuang lo tial tial dawn niin a lang a.
Khawtlang nu leh pate, khawtlanga tlawmngai
pawl hrang hrangte tanrual a, hmalak a hun
ta hle a ni. Tin, hetiang lama inhnamhnawih
thinte pawh , khawtlang dan leh dun zah tur
leh midangte tana hnawksak zawnga khawsa
lo tur zawnga awmdan kan thiam a tul hle a
ni. Chuti anih loh chuan nakin lawkah kan
chhuan Durtlang hi khawtlang hrehawm leh
thlakhlelh awm lohah kan siam mai dawn niin
a lang a, miten an fate thanlenna khua atana
an duh loh zingah a tel mai ang tih a hlauhawm
ta. Khawtlang mipuite tanrual a hun e.
Anni hi chu chei nasat poh leh an ang lo tulh
tulh mawle!