Editor: Joseph Lalremruata News Editors: T.

Laltanpuia Lallawmkimi
RAWNGBAWLTURACHHANDAM

Estd

1987

Joint Editor: Chawngthanpuia Circulation Managers : Lalremruata H. Zoremmawia Lalmalsawmi Vanlalropuii

KRISTIAN THALAI PAWL TUIKUAL SOUTH BRANCH CHANCHINBU KARTIN CHHUAK

HRILHTU (KARTIN CHHUAK) KUM 24-NA ISSUE NO. 36

NI 11.09.2011

PATHIANNI

TUALCHHUNG
Ni 05.09.11 (Thawh\anni) khan Upa F. Lalhmangaiha chu Presbyterian Hospital, Durtlang a\angin a lo chhuak a, a lo dam zel theih nan i \awng\ai pui zel ang u. Naktuk zan inkhawmah September thla Faith Promise hlan a ni dawn a, member ten kan intiamna ngaipawimawh ila, a khawntute pawhin \hahnemngai takin i khawn ang u. Ni 09.09.11 (Zirtawp) zan khan Kohhran Committee Room-ah Branch Committee neih a ni. Vawiin hi NPSS Inkhawmpui Ni a ni a, chawhma lamah Beginner leh Primary Department an inkhawmpui ang a, chawhnu lamah Junior leh Inter & Sacrament Depratment an inkhawmpui thung ang. Tunlai hian K|P ten Camping pual sumtuak nana lehkhabu leh sangha an zawrhna man an khawn mek a, \hahnemngaia lo pe zel turin kan inngen e. Vawiin tlaiah khawn chhunzawm tum a ni. Ni 06.09.11 (Thawhleh) zan khan Timothea Group te chu bungraw thiarin an hnatlang a, member thawkchhuak an \ha hle. Philemona Group-te pawhin Pickle leh Nimbu tui an zawrhna man an khawn mek bawk. ZAIPAWL HRIATTIRNA Kohhran Zaipawlte hun eng emaw chen hla zir kan chawlh vang vang hnuah hla zir a ngai leh \an dawn a, Conductor ten hla zir an koh huna hla zir mai thei turin zaipawl member-te i inbuatsaih ang u. Inneih hla zir te pawh a ngai chho \an dawn a, \hahnemngai taka hla zir turin kan inngen a ni.

Sermon:

TIAM CHIN LAM PANA TLAN - Rev. Vanlalzuata Krista Isuaa Pathian chung lam koh chhan lawmman hmu turin, tiam chin lam chu ka pan talh talh a ni (Phil. 3:14).

merica ram Nebraska biala Omah khuaah 1981 July thla khan mel 6 intlansiak a awm a. Val tha thlan khawmte chu tlan turin an intlar put mai a, chumite zingah chuan Bill Broadhurst-a a tel ve a. Tiam chin panin an tlan ta sung sung mai a, Bill-a chu zai pui tawk tawh a nih avangin a ke leh a khupte chu a na ta hle mai a, a hnuhnung berah a tlan a. A thlirtute chuan \ang rawh, \ang rawh tiin an lo au va, mi \henkhatte erawh chuan chawl rih mai turin an lo ti bawk a. Bill-a chu tiam chin lam panin a bai phei sauh sauh va, thlantui leh mittuiin a bual a. A tawp a tawpah chuan tiam chin chu a va thleng ve ta hlawl mai a. Lawmman an han sem a, Bill-a chuan lawmman chu a hmu lo chiang kher mai. Nimahsela a entu mipui zing atang chuan intlansiaknaa lawmman pakhatna lo dawng fo tawh \hin Rodgers-a chu a lo tlan chhuak a. Bill-a hnenah chuan, He tangkapui ropui tak hi kei aiin hmu tlak i ni e. Keiin he tangkapui hmu tura ka beih aia nasain nang chuan i bei a ni, tiin a tangkapui dawn tawh chu a hlan ta mai a. Kristiante hi eng lai pawha intlansiak kan ni a,kan pian hlim atanga kan thih thleng hi kan intlansiak hun chu a ni. Kan intlansiakna kawng chu khawvel atanga khawvel lo la awm tur thlengin a ni a, a hlat zwng chu dam chhung daih a ni. Lawmman hmu turte chu tute nge ni ang? A tlan hmasa apiangin emaw, a tlan chak apiangin emaw lawmman an hmu lo vang a, tiam chin thlenga tlan apiangten lawmman an hmu ang. Mi \henkhatte chu chak takin kan tlan phut a, kan chawl leh thut a. Kan tlan chak vang lai chuan mi dangte kan lehpel a, Kohhran hruaitute ngei pawh an tlan muang lutuka hriain kan sit a. Amaherawhchu kan din leh vek vek chuan chuti hlauh chu a ni leh si a. Chutichuan ding reng chung siin, hmana chak taka kan tlan ve lai hun kha chhuangin kan sawi tui hle a. Kan inkhawm tam tawhzia te, kan zin tamzia te, kan pek tam tawhzia te, kan thawh tam tawhziate hmangin kan inhung hnan a. Chutiang mite chu, A nih leh tunah eng nge i an le? tiin zawt ila, Tunah chuan ka ro der tawh, an ti tlat bawk si a. Kan ramah hian hmana \angkai, tuna ro der si kan tam hle mai. Hla phuahtu chuan, Hmanah aiin tunah ka hmangaih zawk che, tiin a phuah a. Kan rama Kristian \henkhatte chuan, Tunah aiin hmanah ka hmangaih zawk che, tih hi kan tuipui zawk si a. Hetah hian zawhna pawimawh tak a lo lang ta a, Lal Isuan hmana \angkai tuna ro site hi nge a duh, hmana engmah ni lo, tuna \angkaite hi? A chhanna chu tun zela \angkaite hi Lal Isuan a duhin a mamawh tih hi a ni ang. Chutichuan ram tiam lam pana kan intlansiaknaah hian A tlan hamsa ber em? tih emaw, A tlan chak em? tih emaw hi tehna pawimawh a ni lo va, Tiam chin thlengin a tlan em? tih hi tehna pawimawh ber chu a ni ang. He intihsiaknaah hian chak taka tlan, a tawp thleng leh si lote ai chuan zawi tea tlan pawh ni sela, miin a tawp a thlen phawt chuan lawmman a hmu dawn a ni. Chak taka tlante lawmman hi an sem dawn lo va, tlan hmasa ber lawmman pawh an sem dawn hek lo va, a tir atanga a tawp thlenga tlante lawmman chauh sem tur a ni ang. Thih thlengin rinawmin lo awm rawh, tichuan nunna lallukhum ka pe ang che, tih a ni si a (Thup. 2:10). A tawp thlenga tlan rau rauvah chuan tlan chak bawk site chu an hlu hlei hlei awm e; amaherawhchu a lutuka tlan chakte reng reng hian a tawp an thleng duh lo khawp mai.
(Phek linaah chhunzawm a ni)

Agents : H. Lalfakkima Lalnunmawia V.L. Ruatdika Ralte Lalbiakhlua Lalthanzauva

HRILHTU KUM 24-NA
K|P THILTUMTE :

Francis MS Dawngkima K. Lalrodawla

PHEK 2-NA

ISSUE NO. 36 Ni 11.09.2011 PATHIANNI

Isua Krista rinna leh amah anna kawnga \halaite hruai. Kohhran kutke ni tura \halaite buatsaih. Kohhran hnathawh tihpuitlin. Krista Chanchin \ha puan darh. September thla kan lo chuang kai ta a, Beihrual thla kan hmang chho der ta mai. Hun leh ni te hi kan hriat mang loh karah hian an lo liam zung zung a, kum tawp lam kan lo hnaih leh tawh hle mai. Kumin kum bul a\ang khan han chhut let ta ila, nitina kan nun dan leh eizawnna piah lamah kan rinna leh Pathian thu hriatna lam kawngah te hian hmasawnna engemaw tal kan nei em le? |henkhat te chuan hmasawnna sawi tur tam tak an neih laiin \henkhat te erawh chuan sawi tur fumfe kan nei lo ngei ang. Kohhran Inkhawm leh thilpekah pawh kum hmasa lam aia nasa zawka ti \hin te an awm inthlahdah leh ti \ha vak lo te pawh an awm ngei ang. Eng pawh chu ni ta se, kan tun hun zel hi a pawimawh em em a, chuvangin tunhma lamah kan lo ti \ha viau \hin a nih chuan chhunzawm zel ila, kan lo ti\ha vak ngai lo a nih chuan tun a\anga \an la thar lehin inkhawm leh rawngbawlna peng hrang hrangah te uar zawk a ti thei turin kan rilru te kan siamthar a pawimawh hle. Tun thla phei chu Beihrual thla a nih avangin zan tin inkhawm a awm a, hengah te hian chanvo pawimawh kan nei lem lo a nih pawhin \hahnemngai taka kan inkhawm \hin hi Kohhran mi ten kan tihmakmawh a ni. Thlarau lam Hnutetui.... 100 POINTS HMUH NAN Pa pakhat hi a thi a, a thlarau chu Vanram kawtchhuahah a kal ta a. Vanram kawngkhar vengtu chuan Vanram luh theihna tura thil tih \ulte a lo hrilhfiah a. Vanrama lut thei tur chuan point 100 hmuh a ngai a. I damlaia i thiltih \hat zawng zawng han sawi la, point ka lo pe zel ang che. Point 100 i hmuh tlin chuan Vanramah i lut thei ang, a ti a. Chu pa chuan, Aw le, kum 50 chhung ka nupui nen hian kan innei a, kan inneih chhung zawngin a lakah ka rinawm tlat a, ka rilru pawhin ka uire chhin ngai lo, tiin a thiltih \hat chu a sawi \an ta a. Kawngkhar vengtu chuan, |ha lutuk! Point 3 pekna tlak a ni, a ti a. Chu pa chuan a tlem a ti hle mai a. Kohhran rawngbawlnaah a kul a taiin ka thawk \hin a, sawma pakhat ka pe ziah bawk, a ti leh a. Kawngkhar vengtu chuan, I ti\ha hle mai, point 1 ka pe ang che, a ti leh a. Chu pa chuan point 1 chauh a pe chu mak a ti hle mai a. Kan khuaah chuan ei tur nei loten ei tur a thlawna an lamna tur hmun ka siam a. Tin, in leh lo nei lote dahkhawmnaah ka pui bawk \hin, a han ti leh a. Kawngkhar vengtu chuan, |ha lutuk! Point 2 i hmu thei ang, tiin point a pe leh ta a. Chu pa chuan a thiltih \hat a chhuan ve em em te a sawi a, point tlem te te chauh a hmu chu a mangang hle mai a. Point 2 chauh maw? Hetiang te chuan engtinnge Vanram ka luh theih ang? Pathian zahngaihna avang chauh lo chuan Vanrama luh a va har awm ve! a ti ta tlawk tlawk a. Chu veleh, kawngkhar vengtu chuan, I sawi dik chiah e, point 100 ka pe a che, i lut thei e, a ti ta a.

KOHHRAN INKHAWM PROG. (11.09.2011)

Chawhma |antu : Pi Chawngsailovi Chawhnu (BEIHRUAL PROGRAMME) |antu : Pi Lalhmingthangi Thupui sawitu : Pu K. Thanglura Thupui : Bible leh Thurin Zan (BEIHRUAL PROGRAMME) Thupui sawitu : T. Upa Lalramchullova Thupui : Thurin pawimawhnate NILAI ZAN (07.09.2011) BEIHRUAL PROGRAMME INRINNI ZAN (10.09.2011) BEIHRUAL PROGRAMME September thla Inkhawm Hruaitu Upa R. Sanghmingthanga September thla thilpek lakhawmtute Nl Rebecca Lalawmpuii Nl Z.D. Lalramthari Nl Lianhnuni Chhakchhuak Zai hruaitu turte (12-18 Sept., 2011) T. Upa Lalramchullova Pu F. Lalnghinglova Hla Hriltu (12-18 Sept., 2011) Pi P.C. Lalthanpari Light & Sound duty turte (1-15 Sept., 2011) Pu Zoliana Hauzel Tv T. Lal\anpuia SS Thilpek lakhawmtute Nl C. Zoramthari Nl Lalsangpuii Nl Lalhlimpuii

ZING |AWNG|AI INKHAWM HRUAITU TURTE

Thawh\anni Thawhlehni Nilaini Ningani Zirtawpni Inrinni Pathianni - Upa R. Sanghmingthanga - Pi Lianzauvi - Pu Lal\anpuia Hrahsel - Pu V. Zoramthara - Pu Laltuma - Pi F. Lalrintluangi - Pu H. Darrozama

Ni 12 - 18 Sept., 2011 chhunga pangpar tui leih tur leh Pathianni a pangpar khawi turte : Pi Thangrikhumi & Pi Lalnunnemi

HRILHTU KUM 24-NA

ISSUE NO. 36

Ni 11.09.2011

PATHIANNI

PHEK 3-NA

K|P INKHAWM PROGRAMME Ni 12.09.2011 (Thawh\an zan) Hruaitu : Nl R. Lalnunhlimi, CM |antu : Tv David Rualzakhuma Thilpek : Nl Rosy Lalpianfeli lakhawmtute Nl K. Lalduhawmi Beihrual thupui : Bible - Rinna leh thiltih tehna dik lo thei lo Sawi hawngtu: Tv Chawngthanpuia, Treasurer September thla Faith Promise hlan a ni ang. September thla chhunga Zai hruaitute : Pu David C. Lianzama & Tv Albert Lallawmsanga Musician : Tv Lalrinchhana Sound Duty : Pu H. Zoremmawia K|P |AWNG|AI INKHAWM PROGRAMME Ni 11.09.11 (Pathianni) chawhma dar 11:30 Hruaitu |antu Zai hruaitu : Tv Zahmingthanga, Asst. Secretary : Nl Lalhlimpuii : Pu C. Vanlalhruaia

BEIHRUAL PROGRAMME 12.09.2011 (Thawh\an) Dar 7:00pm K|P Pual 13.09.2011 (Thawhleh) Dar 7:00pm Chairman : T. Upa Lalramchullova Tantu : Pu Lalhlimpuia Thupui hawngtu : Pi Linda Lalrengpuii Thupui : Pathian pakhat chauh biak tur. 14.09.2011 (Nilai) Dar 7:00pm Chairman : Upa R.Sanghmingthanga (MC) Tantu : Nl P.C. Lalrinpuii Thupui hawngtu : Pi Rothangpuii Thupui : Pathian pakhata minung pathum 15.09.2011 (Ningani) Dar 7:00pm Chairman : Upa F. Lalhmangaiha Tantu : Pu Lalrinthanga Thupui hawngtu : Pi Zosangi Thupui : Mihring, Pathian anpuia siam 16.09.2011 (Zirtawpni) Dar 7:00pm Chairman : Upa H. Lalawia Tantu : Pi Rosiami Thupui hawngtu : Pu Lalhmingliana Sailo Thupui : Mihring suala tluk thu 17.09.2011 (Inrinni) Dar 7:00pm Chairman : Upa R. Sanghmingthanga (MC) Tantu : Nl.Z.D. Laltlanmawii Thusawitu : Pastor K. Lalpiangthara BRANCH COMMITTEE THUCHHUAK Ni 09.09.11 (Zirtawp) zan inkhawm ban khan Kohhran Committee Room-ah Branch Committee neih a ni a, thurel tlangpuite: 1. Sum dinhmun: Tuna kuta sum kawl mek chu Rs. 12924 a ni. 2. Joint Fellowship: Tuikual Veng Kohhran Joint Committee hmalaknaa ni 18.11.2011 (Zirtawp) zana Tuikual Kohhran Hall-a Tuikual Venga Kohhran hrang hrang \halaite Joint Fellowship neih tura kan Branch item atan Group Singing nise tih a ni a, Convener atan Tv Chawngthanpuia ruat a ni. 3. Committee Minute: Branch Committee Minute hi Committee Member-te sem thin nise tih a ni a, Bialtu Pastor leh Kohhran aiawha K|P Committee-a kalte pek tel \hin nise tih a ni. 4. Branch Sport: Sport Sub-Committee-in Branch Sport thawh hnihna kan neih tur atana ruahmanna an siam chu enho a ni a, siam\hat ngaite siam\haa pawm a ni. Branch Sport hi ni 3-10 October, 2011 chhunga neih nise tih a ni. Sport-ah hian Individual Item 8 leh Major Item 6 a awm ang. 5. Concert for Dimasa Mission: CK|P General Secretary, Upa Lalrinmuana hnen a\anga Concert for Dimasa Mission-a tel tur sawmna kan dawn angin member-te a tam thei ang ber tel nise tih a ni a. He concert hi ni 16.09.11 (Zirtawp) zan dar 7:00-ah Vanapa Hall-ah neih tur a ni. Mizoram chhunga zaithiam hrang hrangte leh State pawna zaithiam hrang hrangte an zai ang. 6. File vawn dan: CK|P-in File vawn dan thar a ruahman chu kan Branch pawhin hman ve nghal nise tih a ni.

TUIKUAL PASTOR BIAL MASIHI SANGATI INKHAWM PROGRAMME Ni 11.09.2011 (Pathianni) Chawhma Hruaitu : Evan P.C. Vanlalhruaia |antu : Pi Lungngaihdimi Zirtirtu : Pu T. Zoliana Naupang Zirtirtu: Pi Mary Lalnunmawii, Pi Lalbiakmawii Chhun Dar 1:00 Hruaitu : Pu R. Lalrinawma Tantu : Pi Menuka V.L. Tlani Thuhriltu : Pu H. Zahlira ZAN DAR 7:00 Hruaitu : Pu Dilip Rana |antu : Pi P.C. Lalhriatkimi Thuhriltu : Pu R. Lalrinawma Ni 15.09.2011 Zan Dar 7:00 Hruaitu : Pu C. Lalthangliana Thuhriltu : Evan P.C. V.L. Hruaia PAVALAI FELLOWSHIP PROGRAMME A hmun Hruaitu |antu Hun hman dan : Pu K. Denghmingthanga In : Pu K. Lalengmawia : Pu T.B.C. Lal\anpuia : |awng\ai rual leh Rilru sawi

Happy Birthday to... Pu Lalduhkima Nl C. Lalnunpuii

11th September 13th September

DIK LO TAKA MIPAT HMEICHHIATNA HMAN HI PATHIAN HUAT BER A NI A, NATNA HLAUHAWM AIDS VEINA AWLSAM BER A NI BAWK
- Social Front Committee Tuikual South Kohhran

HRILHTU

KUM 24-NA

ISSUE NO. 36

Ni 11.09.2011

PATHIANNI

PHEK 4-NA

Sermon chhunzawmna: Kan intlansiakna kawngah hian chak taka tlan pur pur hleih theih pawh a ni lo. Kan tlanna kawngah hian min tihnawk thei apui a tam em em a, hliam kan tuar a, kan petek dawrh dawrh a, kan chau va, \ahna ruam, tuihna awm lohna hmun kan thleng \hin a ni. Amaherawhchu Bill-a anga hliam tuar chung pawha beiseina nung neia hma lam pana tlan \alh \alh chu kan tih tur a ni si. A chang chuan rinhlelhna chhumten min khuh a, chumi hnuaiah chuan kan han \awng\ai a, a reh vung vung mai si a, Pathian pawh hian min kalsan ta emaw tih a awl a. A chang chuan fate sualna avangin kan kun tlawk tlawk a, Pathian thua hlimna leh phurna a chuai rawih rawih a, Engati bik nge? tiin kan rilruin r bo a zawng \hin a. Rit phur chung chuan tlan chak a har mai ni lovin a tlan theih loh va, chawlh mai kan chk rum rum \hin a ni. Helai ruama kan luh lai hian eng nge kan hriat tur le? Bill-a chu miten, |ang rawh \ang rawh, tiin an lo au tih kan sawi tawh kha. Chutiang bawkin keini pawhin autu kan nei ve a ni tih i hria ang u. Hebrai ziaktu chuan, Chutichuan chhumpui nasa tak ang thlirtuten min hual vel avang hian, min tihnawk apiang leh sual keimahnia bet tlat chu i dah ve ang u, tin, Isua, kan rinna siamtu leh tifamkimtu lam chu enin kan hmaa intlansiakna tur awmah hian chhel takin i tlan zel ang u, tiin a sawi a (Heb. 12:1). Kan hmaa mi huai kal tate khan chhumpui angin min hual vel a, |ang rawh, \ang rawh, tiin min au va, chu chu thlarau lam bengin kan hria a ni. Bill-a chu thlantui leh mittui nen a tlan zel ang khan keini pawh mittui nen kan tlan zel tur a ni ang. Nu pakhat chuan, Kan pa zuruiin min vua a, Biak Inah lm tawh lo turin min hrilh zui a. Amaherawhchu Setana hneh nan chk lo chung chungin ka lm lui a ni, a ti a. He nu lm dan (quality) hi a sang phian lawng maw? A tawp berah chuan hei hi chhinchhiah ila. Chak taka tlan, chawl leh tate hi harsatna tuar peih lo te an ni a; chak lo taka tlan, a tawp thlengte hi harsatna avanga chawl duh lo te an ni. Hremhmunah khian Lal Isua avanga harsatna su peih loten min nghak \huap mai a. Vanramah erawh chuan hrehawm tam tak tuar zova Pathian ram lutten min nghak thung a. I thih hunah khaw nge i kal dawn? Rin vangin kan hneh ang, chauh chang awm mah se, kan Chhandamtu chuan hneh turin min pui ang; Isua lam en fo la, a hruai zel fo vang che. NPSS INKHAWMPUI HRIATTIRNA Vawiin hi NPSS Inkhawmpui ni a ni a, Tuikual North Kohhran Biak In-ah khawmpui hi neih a ni ang. A hlat tham deuh avangin Bus hire a ni dawn a, chawhmaa inkhawmpui tur Beginner leh Primary Department-te zing dar 9:15-ah Sunday School Hall-ah kim vek tur a ni. Tin, chawhnu lama inkhawmpui tur Junior leh Inter & Sacrament Department-te dar 12:45-ah Sunday School Hall-ah kim vek tur a ni bawk.

LALPAAH CHUAN LAWM TLAT FO RAWH Hlawhtlinna hrang hrangin a kalsan che a, hlawhchhamna tinrengin a chenchilh tlat che a nih pawhin...Lalpaah chuan lawm tlat fo rawh. I hriselna a lo chhe tual tual a, i sum leh pai neihte a lo tlem telh telh a nih pawhin...Lalpaah chuan lawm tlat fo rawh. Nangmah duhsaktuten an theihnghilh zo ta che a, i hmelma ten an hre thung che a ni pawhin...Lalpaah chuan lawm tlat fo rawh. I enkawl seilen i tu leh fate i lakah an helin, i hun uaithla lamah an hransan che a nih pawhin...Lalpaah chuan lawm tlat fo rawh. Midang zawng zawngin fak an hlawh laia nangin sawichhiat chauh i hlawh a nih pawhin...Lalpaah chuan lawm tlat fo rawh. Mi\hate an tlukchhiat laia misualte an dingchang i hmu a ni pawhin...Lalpaah chuan lawm tlat fo rawh. Midang tana i inpek ve na te chu i vervekna-ah miin an ngai tlat che a nih pawhin...Lalpaah chuan lawm tlat fo rawh. Mihausate an hausak belh deuh deuh laia rethei zawkte an neihchhun pawh laksak an ni tih i hriat pawhin...Lalpaah chuan lawm tlat fo rawh. I \hianten mi lawm an hlawh em em laia, nang erawh miin an hnar \hin che a nih pawhin...Lalpaah chuan lawm tlat fo rawh. I thunun phak rual lohva, ngaihtuahna \ha lovin a zem tlat che a nih pawhin...Lalpaah chuan lawm tlat fo rawh. Thil \ha tih i duhte ti hlei thei lova i awm a nih pawhin...Lalpaah chuan lawm tlat fo rawh. I neih sum zawng zawng an chhuhsak vek che a, i dikna chanvote thlenga laksak i nih pawhin...Lalpaah chuan lawm tlat fo rawh. |anpuina leh thurawn \ha pe tura i ngen ten an ngaihsak duh reng reng lo che a nih pawhin...Lalpaah chuan lawm tlat fo rawh. |anpuina leh thurawn \ha pe tura i ngen ten an ngaihsak duh reng reng lo che a nih pawhin...Lalpaah chuan lawm tlat fo rawh. I nuna hlimna leh lungngaihna i lo tawn tawhte, hlawhtlinna leh hlawhchhamna i lo neih tawh zawng zawngte kha i duhthusam a nih loh pawhin...Lalpaah chuan lawm tlat fo rawh. I chunga thil thleng zawng zawng, mihring ngaiha \ha leh \ha lo te avang khan Pathian hnenah lawmthu sawi \hin rawh. |awng\aina dik chuan thil a dil ngai lova, lawmthu a sawi mai zawk \hin. Englai pawha Pathian hnena lawmthu i sawi hian, Lalpa, ka tana ro i rel dan hi ka pawm a, ka chunga thil thleng zawng zawng hi ka tana \ha tura i ruat a ni ang tih ka ring e, i tihna a ni. Chutianga i tih chuan englai pawha Pathian laka heltir tumtu che..Setana chu hnehin a awm reng dawn a ni.

PUBLISHED BY THE KRISTIAN THALAI PAWL, TUIKUAL SOUTH BRANCH, AIZAWL. COPY - 200 PRINTED AT RINAWMNA PRESS, TUIKUAL SOUTH, PHONE - (0389) 2318308