Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 39 Dawrpui News Kartin Chhuak Pathianni Sept 25, 2011

TUALCHHUNG
D AMLO : Pi Rozingi w/o Pu V.Lalliana New Market phai lama damlohna avanga awm chu in lama in enkawl turin a rawn haw Pi Roziki m/o Pu Vanlalsiama Bara Bazar chu damlohna avangin Civil Hospital ah enkawl mek a ni. Kan News Editor Pu Ziakkima Pachuau pawh damlohna avangin tunkar hian Silchar lamah in check up turin an kal dawn. LAWMTHU : Winter Sports L neihna tur atan Sports bungrua engemaw zat leh Sports & Games Dictionary phek 614 a chhah Sports dan leh hrai ziahna chu, Engvari Dawrpui South a cheng Superintendant, Sports & Youth Services Dept a thawk chuan YMA min pe a, a chungah kan lawm hle. Pu Buta Dawrpui South chuan YMA flag man lovin min ziah saka kan lawm hle. LEI MIN : Tun kar ruahsur L nasa tak ah khan Dawrpui W pawh medical Quarter atanga lei minin kawng a hnawh a, tunah chuan then fai a ni tawh. RUAITHEH DAWN : October R 6, 2011 (Ningani) hian nilengin Rising day lawmna atan Dawrpui Sikul ah vengchhung huapin ruai nen ropui taka lawm tum a ni a, veng mipui ten ha lo tat hriam lawk ila, hemini hian intihhlimna hrang hrang sikul ah neih tum a ni a,ruai leh function neihna tura mawhphurhna changtu hrang hrangte karleh issue ah rawn tarlan tum ani e. C R U S A D E : Dawrpui Presbyterian Kohhran chuan tunkar lo awm tur chhung hian Kristian Chhungkaw Campaign an nei dawn a. Speaker Rev. Vanlalbela a ni ang. INKHAWMPUI ZO : Salvation I Army chuan tunkar khan Rust Memorial Hall, Jail veng-ah Officers Meeting an nei a, chhun leh zan programme hlimawm tak an hmang.

LAMMUAL AH SPORTS ANG AW

Dawrpui YMA Sports Sub Committee buatsaihin October 1, 2011 (Inrinni) hian Rising day denchhen in Winter Sports thawh khatna chu L:ammual ah neih a ni dawn a, he Sports neihna turah hian naupang atanga nu leh pa thalai atam thei ang ber kal vek i tum ang u, he infiamna buatsaih tumah hian inelna ngawr ngawr ai chuan vengchhung mi inhmelhriat tawnna leh inunau na leh inpumkhatna tha leh zual alo awm theihna atana he hun hi buatsaih a ni a, ka hmanlo ka buai em mai ti ngawt lova, he infiamna kutpui lo thleng tur hi tlanchhiatsan lova kan tu leh fate leh keimahni nu leh pa ngei pawh kal tum vek ila, hetiang hun hi buatsaih a hautakin neih zen zen a harsa a, chuvangin vengchhung mi tupawh he hunah kan leng vek a ni tih hria a kal i tum theuh ang u, hetiang hian hemi ni zing leh chhun hun hman dan tur chu a ni. MARATHON RACE: October 1,2011 (Inrinni) zing dar 6 atangin Dawrpui Sikul atanga tlan tan tur a ni a, he marathon race ah hian naupang, thalai, nu leh pa a duh apiang tlan theih a ni a, tlan hun chhung hi zing dar 6:00 - 7:00 inkar chhung tlan tur a ni a, sikul kawtah vek tlan thlen leh tur a ni, YMA President in he Marathon race leh Sports hawnna ni pah fawmin marathon a tlan turte hi a flag off ang, heng a hnuaia ami ang hian tlan dan tur chu a ni. Marathon a tlan zawng zawngte tan lawmman a awm ang a, a tlan titha te tan lawmman siam a ni bawk Tlan dan tur : Dawrpui Sikul kawt atanga tlan tan in Bazar Bungkawn ah tlan phei zelin Zodin Point ah tlan zelin Tennis Court lamah tlan thla in kawnghnuaiah Salvation temple rawn pawh pheiin Zodin Square kawngah rawn let pheiin upper Bazar ah rawn tlan zelin Dawrpui Biakin bulah rawn tlan thla in Israel Point atangin Dawrpui sikulah rawn let leh tur a ni LAMMUAL LAM AH AW : October 1, 2011 (Inrinni) ah Marathon Race neih zawh chaw ei kham zing dar 10 atanga tan in Lammual Sports neih leh tur a ni a, chhun ei tur tiffin mahni in inpai vek tur a ni a, tui in tur in pai vek tum ila, hemi ni a kan Items neih tur te chu. Zing Dar 10:00 ah Exhibition Match, Branch Executive Members leh Sports Sub-Committee member tangkawp leh Section tin Committee Members tangkawp ten an khel ang. Exhibition Match khelh zawh ah hian hetiang hian Item hrang hrang chhunzawm a ni ang. i) Under 14 Football (ii) Relay Race ( Mixed) Mipa-4, Hmeichhia-4 (iii) Sakuhuilut - Mipa (10 members) Hmeichhia (10 members) (iv) Football (Mipa) ( v) Penalty Shoot hmeichhia. ( 10 Member Team ) Member inchhiarna a awm anga, inchhiarna hi Sports Item pakhatah chhiar tur a ni.

Joint Meeting
Sept 17, 2011 (Inrinni) khan Dawrpui Local Council leh YMA Dawrpui Branch Office Bearer-te chuan Joint Meeting an nei a. An thurel mipuite hriat awm chi kan han tarlang e. Vengchhung Gas Sem chungchang : Vengchhung mipui ten rualkhai zawka Gas kan chan tlan theih dan tur an sawiho a. YMA Section Area-a Card thar siam nise, Section YMA hruaitute nen thawhho zel an rel a. Gas Card peih a nih hunah Ration Card leh Photo ID Card nena lamna tur siam nise an ti. Tun hnuah chuan Dawrpui Vengchhung a\anga pemchhuak tur reng reng ten Local Council/YMA a\anga Pem lehkha an lak rualin Gas Card thehluh zel tawh nise an ti.

Dawrpui

News

Kartin chhuak

Pathianni

Sept 25, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

GAS CARD THAR

Dawrpui Local Council leh YMA Office Bearer Joint Meeting chuan Vengchhung mipui ten rualkhai zawka Gas sem kan chantlan theih nan leh a \hat zawk beiseina avangin tihdanglam a rel a. Section Wise-a sem a ni tawh ang a, Section wise-a sem a ni tawh ang. Gas Card thar buaipui mek a ni a, number pek vek a ni a; Number indawt zelin sem a ni tawh ang. Card thar hi peih a nih veleh a lam dan tur inhriattir a ni ang a, Ration Card leh EPIC Card hmanga chhungkaw tin ten lam tur a ni ang. Semna tur Point : 1. Chawngbawla Section - Bazar Bungkawn/ Pu Bualhranga In Kawt 2. Vanapa Section - Dawrpui School Kawt 3. Taitesena Section - Jail Veng Sd/- Kapchhunga Pachuau Member Secretary Local Council

Kumin hi kumdanglam tak, \hang thar zel thlenga kan hriatreng tur, khawtlangin kan tawn thar kum a ni a. Chu chu - Chhungkaw tinin Thlan kan lai ta vek hi a ni. Kan hriat \heuh angin kum eng emaw chen a\ang khan Thlanlaih hi kan harsat hle a. Tlangval tlawmngai leh inpe, Mizo nun zemawi chhawm nung hram hramtu \hahnem tak kan neihte avangin Thlanlaih leh Khawhar In riah hi kan kalpui hram hram a ni a. Tunah chuan a theih ta ngang lo a ni. Heng hi tu mawh nge? tiin inzawt ila, chhanna a inang lo fe ang. Ni e, puh fak tur chu a awm lo na a, nu leh pate hian mawh chu an phur sang ber ang a, a dawtah chuan Mizo |halaite an ni ang. Chhungkaw \henkhat chu Thlanlai/Khawhar In riak tur hian kan tu kan fate kan tirchhuak tlem em em a, an tirh chhun \henkhatin an lo peihlo rawl vei nen. Hawh u, thlan kan lai ta lo sa sa, khawhar In kan riak mumal ta lo sa sa khawtlangin chhiat kan tawh hian mahni ta anga en a, \hahnemngai taka tlaivarin, \hutthleng pu ila, thingpui sem ila etc. Chutichuan, kan mawi kan hmingthanna chuan Dawrpui chauh nilo, Khuavel ala chhing ngei ang. Hawh u, i tangmar sauh sauh zel ang u. B ORAL : Ricky Lalrinliana Kum 35, S/o Laia Lalrinliana, Serkawn Ramzotlang, Lunglei chu Ni 11.9.2011 khan Cancer natna avangin a boral. Nikum Lungleia YMA Conference-a kan veng nula ho thlenna in an ni a, min lo buaipuitu ber zing ami a ni. Tin, a nupui Zosangkimi hi Pi Lalzingi (L) New Market tunu a ni. A boral hi a hun lo kan tiin kan ui takzet a ni. N AUTE THAR : Pu Lalngaihzuala (Valtea) leh Pi Lalngaihawmi (Mami) Church Sqr. te chuan fa hmasa atan tunkar khan naute (mipa) thar an nei. Kan lawmpui hle. IRING : Multipurpose Center sak mek chu zawh a W ni hnai dawn tawh a, kan veng pa ho, Electric lam thiam Pu H.Lalchhanhima, Pu Lalrinmawia (RMA), Pu Chawngthantluanga, Pu PC Lianhmingthanga (Valpuia), Pu R. Zoliana leh Pu R. Zaichhawnthanga ten tlawmngaih chhuahin, man awm lovin ni 22.9.2011 zan khan Electric wiring an thawk a, ni. 26.9.2011 zan hian an thawk chhunzawm leh ang. Tlawmngaih chhuaha an hun leh an thiamna a thawna khawtlang tana an sen avangin an chungah kan lawm hle.

HRIATTIRNA
Deputy Commissioner, Aizawl District lehkha No. L. 11023/2/04 - DC (A)/112: Dated Aizawl the 13th Sept. 2011 chuan - Mi tupawh Dan in a phalna lehkha fel tak nei si lova Silai emaw a mu emaw a engchi pawh a kawl chuan The Arms Act, 1959 Section 21 a bawhchhia a ni. He Dan bawhchhiate chu Section 25 of the Arms Act, 1959 angin kum khat aia tlemlo tan tir theih a ni a, he hremna hi kum thum thleng pawhsei theih a ni a, chawitir theih a ni bawk. Aizawl District chhunga Silai License thi tawh renew si lova silai eng chi pawh kawlte chuan an awmna a\anga Police Station hnai berah he Hriattirna chhuah a\anga chawlhkar hnih chhungin receipt fel tak la in Silai hi tun ngei tur a ni. He thu zawmlo te chungah Section 25 of the Arms Act, 1959 hnuai-ah dan anga hmalak a ni ang. Tin, Arms License thi tawh kawlte chuan an license renew dilna District Magistrade, Aizawl hnenah he hriattirna chhuah a\anga thlakhat chhungin an thehlut ngei tur a ni.

HRIATTIRNA LEH NGENNA

Vanapa Section Jersery, a var leh a pawl a intial chu engemaw zat a kim lova, a lo kawl tha leh a awmna chin hria kan awm chuan heng a hnuaia tarlan te hnen ah hian hriattir nise a lawmawm hle ang. Tin, Jersey hlui zawk, a eng, a hmaa Philips tih inziak kha tuna kawltute zawng zawng khan a hnuaia tarlan te hnen ah hian submit vek tura ngen kan ni e Sd/- Lianzama Pachuau Leader 9436965574 Sd/- Ramherliana Secretary 9862404739

Ui Khuahkhirh
Tunlaiin kan venga Ui vulhtute zingah Ui vulh thlahthlam deuh kan awm leh tawh a, chhungkaw tin i fimkhur ang u. Khawtlang dan dinglai angin ran vulh chhuah khap tlat anih kha i hre reng ang u.

Dawrpui

News

Kartin chhuak

Pathianni

Sept 25, 2011

LAWMTHU SAWINA
Kan unaupa Tv. Lalthangvunga, September ni 1, 2011 a boral chungchangah keini chhungkua hian Kohhran, YMA leh khawtlang chungah Lawmthu sawi tur kan ngah em em a ni. Zing dar 6:30ah CARE-ah a boral hriat a nih veleh atangin kan YMA hruaituten a tul apiangah min buaipui vek a, khawtlang nu leh pa leh thenawmte tawiawmna te kha a ropui kan ti. A Thlan hmun tur chungchangah pawh kan U thlan hlui harsa takin min hman tir leh te kha Local Council leh Dawrpui YMA chungah kan lawm em em a ni. Vunga mizia hrechiangtu ten a damlaiin dawhtheih takin in lo dawngsawng thin te kha kan lawm a, ngaihdam a tulna zawng zawngah in mi ngaihdamna kan dil nghal bawk a ni. In thatna zawng zawngah Lalpan a let tam takin a rul ang che u tih hi kan Tawngtaina a ni e. In khawngaihna dawngtu, Lalramthanga te unau (Haudalla & Sons)

HRISELNA
|AWNG
- Dr. Thangchungnunga, MS (Ortho)
Mihringte hi kan \awng a kan inbe thei a. Hemi ri rawn chhuahtirtu hi eng dang vak a ni bik lova, kan hrawk kawrawng inchi khat vela zau a in\anna ka chhung tawpah hian a awm a, chumi kawngah chuan hrui (Duar) pahnih a inthlung a. Chhemthei, mau kawrawng hmawrah rubber band a kawrawng lai zawn velah insi lovin bat la, han pawt la a ri \ang \ang mai ang. Chutiang chiah chuan Vocal Chord kan tih mai, he hrui pahnih hi kan tawng apiangina inkhak ri a, a inkhak nat dan azirin ri a siam ta a, chu chu thluakah an thawn phei a, thluaka computer folder an va hawng a, hmangaihna lam aw nem a nih chuan chu Folder-ah chuan an thawn a, thinrim \awng chu thinrim \awng dahna folderah an pe phei a, an nin eng nen nge inmil tih an lo en zung zunga, an hmuh veleh a ri tichhuaktu Folder lamah an thawn leh a, awmze neiin a lo ri chhuak ta \hin a ni. Chuvangin kha hrui kha a dul emaw, a vung emaw a nih chuan thluakin a rik dan milpui a rawn dah chhuak a, aw chhang te kan lo neih phah a ni. Mut lai tih loh chuan chawlh reng nei lovin a in khak reng a ni ber. A hrui a mam, mar nalh a, a inkhak ri a nal zaih chuan zaithiam te an lo ni ta mai a ni. Chuti lova, kuhva leh vaihlo nena i chiahpiah reng chuan a ri a dik thei \hin lo. Natna hrikte tan inthlah punna \ha a lo ni bawk si a, hrawk na a chhuak duh em em a, che reng a nih vang hian Cancer na chance pawh a tam bik. Mizo ah phei chuan pumpui leh hrawk cancer hi kan ngah ber reng a ni. `Khi khi kan \awng theih dan kalphung a ni a, chuvangin chinai, sahdah, vaihlo leh tuibur tea tibal lovin fai takin inkhak ri sela kan tan a \hat rualin, Cancer thlengin a veng thei a ni. Dangawk te pawh hi an hrawka hrui kha a mar dan a inang lova, pakhat a mar laiin pakhat a dul a, chu chu thluakin dah mil turin buai takin folder hrang hrang an hawng \euh a, a ri anpui an hmuh meuh chuan folder sang chuang an in pass chhawng tawh a, an bei rei lutuk tih an hriat avangin rang takin \awng riknaah an thawn phei a, rang deuhin an \awng ta phut thin a ni. Chuan kan tum berah lut ta ila, heng hrawk leh a bul vel hi fai takin awm reng sela, Chinai, sahdah, khaini, tuibur leh vaihlo khu tea ti bal lo hian siam ila, na kan nei tlem deuh ang. Kan Lalpa fakna hmanrua ber a ni bawk a, Pathian fakna hmanrua chu fai taka dah ngei tur niin a lang. Kan Pathian hian chinai, khaini, sahdah kai luaia fak hi a lawm ber lovang tih i ring ve em?

LAWMTHU SAWINA
Kan fapa, kan nau Vanlaldinga, Kum 39, Dt. 8.9.2011 (8:15pm) a Pneumonia natna avanga min boralsan chungchangah thenawm khawveng, Dawrpui khawtlangte tanpuina, khawngaihna kan dawng nasa em em a, Kan lawm e - kan tih hian kan lawmzia a hril pha lo, Lalpan tam lehzualin malsawm che u rawh se. In khawngaihna dawngtute, Johana te nupa leh A pa, J.Darneihthanga leh a chhungte

LAWMTHU SAWINA
Kan pa J.Challuta Kum - 85 Zion Street Lungna avanga min boralsan chungchangah khawtlang mipui te chungah lawmthu sawisen loh kan ba nasa em em a, a boral tih hria a lo kal zawng zawngte leh a tul ang apiang min tihsaktu YMA chungah te leh a kuang mawi taka min cheisaktu MHIP chungah leh khawtlanga rawng a lo bawlpui thin Dawrpui MUP chungahte leh min tawrhpuitu zawng zawngte chungah kan lawm em em a, In thatna zawng zawngah Lalpan a let tam takin a rul ang che u tih hi kan Tawngtaina a ni e. In khawngaihna dawngtute, F.Lalengmawia te chhungkua leh a Unaute Zion Street

PEM LEHKHA
LAWMTHU SAWINA
Pi Lalzami Bara Bazar chuan Chawngbawla Section tan inkhelh mawza 12 ngawt mai a pe a, an chhungkaw chungah Chawngbawela Section hruaitu leh member te an lawm hle. Secretary Chawngbawela Section Dawrpui vengchhunga rawn pem lut tur chuan pem lehkha, an rawn pem luh hma in Branch OB/Section OB ah Original an thehlut ngei ngei tur a ni, Xerox Copy pawm ani lo. Pem lehkha tello chuan Dawrpui veng chhungah awm phal ani lo. Dawrpui veng atanga pem chhuak tur chuan, an awmna Section OB atangin, hriatpuina lehkha la hmasa in Branch Secretary ah pem lehkha lak tur a ni. pem lehkha lakchhuah dawn hian Voters ID Card ken ngei ngei tur ani a, form man ` 5/- ken tel bawk tur ani.

Dawrpui

News

Kartin chhuak

Pathianni

Sept 25, 2011

INFIAMNA

SKA

PRESBYTERIAN
Sept 25, 2011 Kristian Chhungkaw Ni

FOOTBALL ROUND UP : Fifa chuan World ranking thar a siam leh a top 10 a awm te dinhmun a danglam nasa hle. Ranking hnuhnung bera 1-na luahtu Netherland chu 2-na ah tla thla in World leh European champion dinhmun luahtu Spain chu 1-na ah an chho ve leh ta thung. Hetiang hian hian top 10 luahtute chu ; 1. Spain 2. Netherland 3. Germany 4. Uruguay 5. Portugal 6. Italy 7. Brazil 8. England 9. Croatia 10. Argentina. India chu 162 ah awmin an chungah Bangladesh leh Nepal an awm. India ranking hniamna chhan chu International match an khel; hhnem viau a, an khelh ah hian chak an nei meuh si lova hei hian an ranking a pawt hniam a ni. Nepal leh Bangladesh hi international match an khel mang lova, hei vang hian an ranking ah an dinhmun ngai an luah theih phah a ni. Bayern Munchen atangin Manchester United in beiseina sang tak nen an la lut a mahse hliamin a tlakbuak reng mai a, United ah hian kum 3 chhung ngawt khawsa mahse minutes 57 chiah a khel! A goal hnuhnungber pawh 2008 khan ani daih tawh. Tun hnai bazar ah khan rinloh deuh in Manchester City in an la lut nawlh mai a mak tih pawh a hlawh hle. Tunkar League Cup ah Man City tan khelin khelmual a luh lehna hmasa berah hian goal a thun nghal nghe nghe. England leh Liverpool star hlui Michael Owen chuan tunkar League Cup inkhel ah Man United tan goal 2 ngawt a thun! Kum 31 a upa Owen hi United ah hian starting 11 a chang khat hle a, vawi 12 a start ah goal 11 ngawt a thun. A pu Sir Alex a pawhin Owen a chungchang sawiin Rooney, Hernandez, Berbatov te an awm si a, Owen hian talent a neitha tih chu hairual a ni lo, mahse game a khelh tam a ngai a ni a ti. Tunkar League Cup khelh ah khan United hian goal 3 khungin goal 1 dang hi kum 37 ngawt a upa ni tawh Ryan Giggs a thun a ni. League Cup kan tih, Carling Cup ah hian Premier Club te hi 3 round lut-sa ang anni a, tunkar inkhel ah khan Premier club lian te Manchester United, Arsenal, Chelsea, Liverpool leh Tottenham te chuan an khingpuite hnehin 4th round ah an in hlang kai hlawm a ni. Tottenham Boss chuan an star player Modric hlawh tihsan chungchang an sawi. Modric hian Transfer Bazar lai khan Chelsea lamah luh tumin club hotute lamin an remti si lova hei vang hian lung awi lovin Spurs game 1-na phei chu a khel duh lo nghe nghe. Chelsea hian pound maktaduai 40 bakah karkhata a hlawh pawh a let a san an huam thu thlengin an sawi anghe nghe. Mahse Spurs lam hian an phal ngang lo a ni. Tunah erawh Modric hian a rilru leh theihna zawng zawng Spurs tan a hamng tawh a ni. Tunkar Spanish Liga inkhel ah club lian 2 Barcelona leh Real Madrid te chuan an khelhpuite an draw ve ve. Barca hian Valencia tlawhin an khingpuite hian an lo hlau lo nasa hle vawi 2 ngawt hma an hruai hnu ah hun tawp dawn ah Fabregas an an siphurh a sut hram a ni. Real Madrid ve thung erawh chuan Racing Santander tlawh ve thungin goal inpe lovin an in draw.

Sunday School
|antu |antu Thusawitu : Pu C. Lianchhunga, Bial VII

Chawhnu Inkhawm
: Pi Zothanmawii, B-VII : Rev. C. Lianhmingthanga

Zan Inkhawm Thusawitu : Rev. C. Lianhmingthanga

K.|.P .
Sept 25, 2011 Tawngtai Inkhawm
A hmun : Fellowship Hall Hruaitu : Tv. Hmingthanzuala, Hmangaihna Gr. |antu : Tv. Lalchungnunga, Khawngaihna Gr. : HIV/AIDS chungchang - CK|P buatsaih Thupui zir Sawitu : Nl. PC. Laltlanthangi, Khawngaihna Gr. Ephesi 2 : 17 -18 Bible chhiar rual tur : Rom 1 : 16 (Damlo pual thilpek bawm hun a ni ang)

SALVATION ARMY
Sept 25, 2011 Thianghlimna Inkhawm Hruaitu : Maj. Kalkhami Thusawitu : T.H. Vanlalreia, C.S

Sunday School
Hruaitu Zirtirtu Hruaitu Thusawitu : Sangkhumi : K. Zohmingthanga, SL

Chhandamna Inkhawm
: Lal\anpuii, CG : N. Zareia, PS

CHHUNGTIN HNENA NGENNA

Dawrpui Branch YMA Executive Committee in a lo rel tawh angin kumin YMA dinchampha vawi 23-na chu October 6, 2011 hian khawtlang huapa ruai nen ropui taka lawm nise a ti a, heta tan hian vengchhung intin ah thawhlawm khawn mai nise a ti bawk a, Section hruaituten an rawn khawn mek a, chhung tin ten kan rem chan ang tawk lo thawh theuh turin kan in ngen a ni. Sd/- Secretary Dawrpui Branch YMA

HRIATRENGNA PE DUH TAN

Dawrpui Branch YMA chuan YMA dincham (Rising day) vawi -23 na denchhen a Winter Sports October 16 a neih turah Champions Trophy chhungte hriatrengna atana donate duh kan awm chuan Branch YMA Office Beraerste hnenah hriattir tur a ni a, he winter Sports hi kumtina neih tura ruahman leh Running trophy tur anga ruahman a ni e. Sd/- Secretary Dawrpui Branch YMA

Published by Y.M.A., Dawrpui Branch, Printed at G.S. Offset Printers, Treasury Square