KTP Durtlang Branch 1955-2011

KTP INLENG
4th.Dec, 2011

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

E-mail : [email protected]

VOL 24 ISSUE NO. 48

2012 BRANCH HRUAITU THLANG DAWN Naktuk zan 5th, December 2011 (Thawhtan) , zan hian kum 2012 chhunga KTP Durtlang Branch hruaitu turte thlanna hun hman a ni dawn. Memberten hruaitu tha leh inpe, Durtlang Branch tana mi tangkai thlang chhuak thei turin inbuatsaih lawk ila, member a tam thei ang ber inkhawm turin kan insawmin kan inngen a ni.

KAN LO HRE LO A NI!

- Rev. Remlalfaka
Lalpa duhtak, I hnn atang hian zahngaihna leh ngaihdamna beisei ngam tur kan ni hauh lo tih kan inhre reng a. Nimahsela inchhir avanga thinlung lungchhia hi i hmusit lo tih kan hriat avang chauhvin heng thute hi i hnenah kan rawn thlen ngam a ni e. I lo chawr chhuahna khua leh chhungkua hi kan han thlir a, a mak kan ti. In khua chu, "Nazaret-ah thil tha a chhuak ngai em ni?" an lo tih thlawt khawpa mite hmuhsit khua a ni a. I pa chu tualchher mistiri a ni a, i Nu pawh thingtlang nu mawl pangngai ve mai a ni. I Nu leh Pate hi mi naranah pawh naran takzet, ropui leh hausak lama vantlang hnuai lam, chhuan tur thil ropui rng rng kawl lo chhungkua an ni. Chutiang khua leh chhungkua chu Lal meuh pianna awmah tuman kan lo ring ngai lo va. Kan hai ta reng che a nih kha. Kan tnaah min ngaidam ang che - kan retheihna tawmpui turin Chungnungberin hmun tlawm ber i rawn thlang a ni tih kan lo hre lo a ni. Bethlehemah khan Nazaret nupa mawlmang ve tak te kha zan khawvawt leh thim hnuaiah mangang leh beidawnga siamin an awm a. Thlen in an hnawn tak tlat avangin nang, an rila rah hmasa ber chu ran inah, ranthlengah pian tir i lo ngai ta a nih kha. Kha hmun kha lei leh van Lal chu sawi loh, mihring pangngai pianna awm hi ni mawlhin kan hre lo! Mahse, kan mitin a hmuh phak lohvah, kan ngaihtuahnain a hriat phak lohvah i chatuan thiltum chu dahin a awm tlat si! Kan fel lohnaah min ngaidam ang che - thihna ata min chhanchhuak a, boralna lak ata min tlan tura lo kal, Chhandamtu i ni tih kan lo hre lo a ni. I lo pian phata thenkhatin chibai kan buk duh dan che leh kan lo lawm ve dan che chu inthahna leh inrwtna rpthlk hmangin a ni. Kha thil rawva tak kha sim ta mai lovin kan la ching zui ta zel a. Chengho tura
(DURTLANG KAWNGPUI AN SIAM LAI - 17.JAN,2004)

ADVANCE CHRISTMAS
December 12 (Thawhtan) zan hian KTP Durtlang Branch chuan advance Krismas ropui leh nuam taka hmang turin ruahmanna a siam a, ruahmanna siam tawh hi Branch Committee-in a thlir nawn leh phawt dawn a ni. He mi zanah hian Gift exchange, kum dang ang lo takin nuam takin hman a ni dawn a, tin ei leh in lam pawh tuihnai tak buatsaih a ni dawn a ni. Heng kan ei leh in tur te hi chhun lama buatsaih lawk ngaite a ni dawn a, Refreshment Sub-Committee ten an lo buatsaih dawn ani. Memberten hlim taka hmang turin lo inbuatsaih lawk ang u. DEC-JAN KOHHRAN INKHAWM USHER TURTE
MIPA

1. Pu Dr Lalliansanga 2. Pu Vanlalpeka Kawlni 3. Pu PC Zonunmawia 4. Tv K.Lalremtluanga 5. Tv C.Zoremsanga 6. Tv B.Lalruatsanga 7. Tv K.Lalremmawia 8. Tv PC Lalbiakmawia 9. Tv Lalmalsawma 10. Tv C.Lalruatkima 11. Tv Lalrochhara 12. Tv Rosangliana
HMEICHHIA

1. Nl H.Hmingthansangi 2. Nl Vanlalchhuani 3. Nl C.Lalmalsawmi 4. Nl Zodinpuii 5. Nl C.Lalrinawmi 6. Nl Rosy Lalrinawmi 7. Nl Medily Lalhmingchhuangi 8. Nl Lalsangkimi 9. Nl Lalzuitluangi 10.Nl Lalmuanpuii 11.Nl Lalchawimawii 12.Nl R.Lalnuntluangi
Kristian Thalai Pawl : Durtlang Branch

> > Kristian Thalai Pawl : Durtlang Branch

KTP Inleng 2011

KTP INLENG KARTIN CHHUAK VOL 24 ISSUE NO 48

Editorial Board
Editor in Chief C.L.Biakhlua 9856878819
Editors C. Zoremsanga Samuel Ramengmawia 9612297009 9862378735

Joint Editors C. Zarzoliana 9436197307 C.Lalthanzuala 9862363844 C.Lalfakzuala 9436365052 Vanlalpeka Kawlni 9862357170 Correspondent C. Lalthanpari 9615492737 Vanlalchhuani 9862368776 H.Hmingthansangi 9856344441 Circulation Managers 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

he khawvela i dahte hi keimahni leh keimahni thisen kan inchhuah a, kan inthat a, kan innghaisa tawn a, kan inrkrp tawn a, pawisawi lo mi maktaduai tam takte ril?am, hlau hlawp leh thlabrin kan siam mek bawk. Pawngsual leh inthahna rapthlak tak tak te avangin kan kawtthlrah ngei pawh naupang leh hmeichhiate muangin an leng ngam ta lo! Kan sualnaah min ngaidam ang che - thim hnuaia ?hute tana eng, Pathian leh mihring leh thilsiam zawng zawngte inkara remna thlen tura lo kal - Remna Lal i ni tih kan lo hre lo a ni. I lo pian laia nangmah dotu, i lalna pawm duh lo va itsikna nena a ngunhnam lek tu lal kha kan lo dem rawn ve luai luai thin. Nimahsela keimahni ngei hian kan nuna lalna i chan kan hlau ngawih ngawih a, hnawk kan ti che a, kan duh zawng leh kan nawmsakna tur daltu ni tlata kan hriat che avangin tihboral che hi kan duh tlat a, Aigupta rama hnawh bo daih che hi kan tum reng mai thin! Chu mai pawh chu duh tawk lovin, thuneih leh ropui inchuhin keimahni leh keimahni kan in seh tawn a, ropui inchuhin kan inpal thlu pheng phung mai a nih hi! Kan thinlung chapona avangin min ngaidam ang che tlawmna leh hmangaihna ralthuam hmanga khawvel ngamtu, thinlung tina thuneitu tur lei leh van Lal ropui i ni tih kan lo hre lo a ni. I piancham hi chawlh hlimawm tak pakhat, nuam tawl leh hlimhlawp bawlna hunah kan hmang a ni ta ber a. A piancham neitu ber kan hre chang tawh lo che a, retheihna leh lungngaihnain a chim mek, kan chhehvela mite lah kan ngaihsak hek lo. Kan duh danin kan nung, kan che, kan awm a ni ta ber a nih hi! Kan khawlohnaah min ngaidam ang che - hmangaiha i rawn pian chhan hringfate lak atang hian thinlung rohlu i duh a ni tih leh December ni 25 a ral ruala ral ve lo tur 'Krismas tak' chu keimahniah thlen tir i duh zawk a ni tih kan lo hre lo a ni.
(He thu ziaktu Rev Remlalfaka hi Durtlang biala Pro Pastor hna lo thawk tawh thin, tuna Missionary Training Centre-a zirtirtu hna thawk mek a ni. Kan chanchinbu-a a thuziak chhuahchhawn min phalsak avangin kan lawm e. Ed.)

Lalbiakmawia

Kum 2011 kum tawp kan thleng chho tan leh mek a ni a. Kumin chhunga kan rawngbawlna hrang hrangte thlir kir ta ila. Hmasawnna leh hlawhtlinna hrang hrang engemawzat kan nei ngei ang. Chutih laiin, hmasawn na tur tam tak a awm bawk ang. Nguntakin ngaihtuah ila, mimal ten a kan thawh leh tih emaw, pawl pumpui anga kan tih emaw-ah kan duhkhawp lo deuh te, kan sawtpui lem loh leh tun leh nakin zel atana zir chhunzawm leh tih chhunzawm atana itawm lem lo a awm ang. He kum kan hman chhoh tak atang khan rilru thar, ngaihtuahna thar nen, kumthar lama hmasawn zawk tur leh changkang zawk turin mahni hma zawna rawngbawlna tur awm theuh-ah thahnemngai leh zual in, lawm chunga Lalpa rawng nasa zawka bawl zel turin i in buatsaih ang u. Tin, mahni chhungkaw khawsak phungte, kan nitin hna leh eizawnna kawng hrang hrang kan zawhna-ah pawh thahnemngai leh taima lehzualin tan i la zel ang u. Khawvel hmasawnna chaktakin a kal a, chumi umpha tur chuan theihtawpchhuahin kan in tlansiak mek a. Hetianga hmasawnna kawng zawh a, kan tlan mek lai hian, tihtakna, rinawmna, chhelna, huaisenna leh taimakna kan neih deuh deuh loh chuan a hnufum pawlah kan tang reng thei a ni tih hria ila. Mahni hmazawnah rawngbawlna leh kan nitin hnathawhna-ah hma sawn lehzual turin in buatsaih zel ang u.

2.10.Ppppppp

4.12.2011 (Pathianni) Pastor Bial fan

Sunday School Tantu : Pi Lalzami, B-7 Chawhnu : Baptisma Sakramen Zan : Bible Sunday Thupui : Mittui tla chunga tuhtute chuan hlim takin an at ang Sawitu : Upa K.Chhawnthuama

6.12.2011 (Thawhlehni zan)

In lamah Groupa inkhawm tur

7.12.2011 (Nilai zan)

Thupui Hawngtu Tantu Thuchah :Hunhnuhnung thua zirtirna him tawk lo : Pi C.Thanpari B-8 10.12.2011 (Inrinni) : Nl Lalmalsawmi Ralte : Pu K.Lalbiakthanga

4.12.2011 (MASIHI SANGATI)

Hruaitu Tantu Thuchah : : :

Pangpar khawi turte 11/12(Sun)

Pi Chalthangi & Pi Kawlzikpuii, Zion veng ZING TAWNGTAI INKHAWM HRUAITU

4.12.2011 (KTP tawngtai inkhawm) A hmun : Centenary Hall Hruaitu : Tv. B.Lalruatsanga Tantu : Nl.C.Lalremmawii, Andria Grp
4.12.2011 (Thawhtan Zan) Kum 2012 a hruaitu thar tur thlan hun

KTP INKHAWM INCHHIARNA (27/11/11) Andria - 13 Jakoba - 14 Johana - 17 Matthaia - 18 Petera - 11 Philipa - 17 Total - 90 -

Hruaitu : Pastor ZD Lalhmachhuana Inthlanpuitu : Upa K.Chhawnthuama, Upa Dr K.Lalrintluanga, Pu K.Lalbiakthanga

04/12 05/12 06/12 07/12 08/12 09/12 10/12

Upa R.Laltluanga Pi Lalramhluti Pu R.Lalhmachhuana Pi Kaptluangi Dr H.Lalrinchhana Pi Lalkungi Upa Dr K.Lalrintluanga

> > Kristian Thalai Pawl : Durtlang Branch

KTP INLENG KARTIN CHHUAK VOL 24 ISSUE NO 48

GRACE HOME-AH kHUM 10 HAWN BELH TAWNGTAI BEIHPUI HMANG

Feb 17-19, 2012 chhunga Vaivakawn Field-a neih tur Celebration of Peace with Will Graham, Mizoram puala tawngtai beihpui chu Selesih Kohhran Biak inah Dec 2 (Zirtawp) zan khan Durtlang Pastor Bial pumhuapin neih a ni a.He programme hi Synod atangin Bial tinten kan remchan anga neih tura ruahmanna a siam bawhzuina a ni. Hemi hunah hian Bial Chairman Upa Lalhlutan inkhawm kaihruaiin Pastor ZD Lalhmachhuanan thuchah tawi a sawi a, Kan Kohhran atangin mi engemaw zat an tel thei a ni. Dec 15 ningani zanah Durtlang North-ah hman leh a ni ang a, Hruaitu atan Upa C.Vanlalzama, Bial Treasurer a ni ang a, Thuchah tawi Upa Lalbiakkima, Bial Secretary Senior in a sawi ang. Tin kumthar Jan 13 , 2012 zanah Durtlang kohhranah hman leh a ni ang a, Hruaitu Upa Lalthlanthanga, Bial ziaktu (Jr) niin thuchah tawi Upa Lalhluta Bial Chairman-in a sawi ang. Grace Home, Presbyterian Hospital, Durtlang chu National AIDS Central Organisation (NACO) chuan 10 bedded Comunity Care Centre (CCC) atangin Dec.1st atang khan East India-a a hmasa ber atan 20 bedded Comunity Care Centre (CCC) ah a hlangkai a. Hemi denchhen hian Dec 1 (World AIDS Day) tlai dar 3 khan Grace Home Meeting Hall-ah Pathian hnena hlanna leh lawmthu sawina programme buatsaih a ni a. Programme hi Dr. Vanlalruata, Medical Superintendent-in a kaihruai a, Dr. Lalchhanhima Ralte, Medical Officer i/c Grace Home in Report a pe . Dr.Zothankhuma Chhakchhuak, Dy. Director MSACS leh Dr. Lalremthanga, Director, Presbyterian Hospital ten thusawina hun an hmang. Rev. C.Lalbiakhluna,Hospital Chaplain-in Pathian hnena hlanna hun a hmang a ni. KTP GEN CONFERENCE HLABU TLANGZARH DAWN Naktuk Dec 5 (Thawhtanni) dar 9:00 a.m. hian Synod Office kawtah kum 2012 KTP General Conference vawi 54-na Hla Bu Pathian hnena hlanna leh tlangzarhna neih a ni dawn a, Pu Vanlalfinga, Convener, Hla Bu Sub-Committee in programme a kaihruai ang. Pu Zohmangaiha, Secretary, Hla Bu Sub-Committee hnen atangin Reports ngaihthlak a ni ang a, Rev. Zosangliana Colney, Executive Secretary i/c KTP etc. in Pathian hnenah hlanin a tlangzarh ang. Kum 2012 KTP General Conference vawi 54-na Hla Bu hi Synod Bookroom-ah zawrh chhuah nghal a ni dawn a, Rs 20/- leh Rs 30/- (Spiral Binding) man a ni ang.

WILLIAM FRANKLIN GRAHAM (WIL GRAHAM) CHANCHIN TAWI

athian thu hriltu hmingthang Billy Graham-a tupa, William Franklin Graham , Wil Graham tia koh hi kum 1975, January ni 30 a Longmont, Colorado a piang a ni a. Tunah hian Billy Graham Traning Centre, THE COVE ah Assistant Director ni lai mek a ni. Tin Billy Graham Evangelistic a Associate Evangelist a ni bawk. Wil Graham-a hi, Billi Graham-a fapa Franklin Graham-a fapa upa ber a ni. Kendra Graham nen fapa pakhat, William Franklin GrahamV leh fanu pahnih, Christine Jane leh Rachel Austin te nei in Swannanoa, North Carolina, United States ah an awm. Naupang a nih laia biak in a thusawi ngaihthlak . atangin a piangthar a. Liberty University atangin kum 1997 khan Science leh sakhaw lam zirna Religion subject-ah a graduate a, kum 2001 khan Southeastern Baptist Theological Seminary atangin Master of Divinity degree a la leh a ni. A tlangval lai atangin thalai zinga rawngbawlna hi a tan tawh a, Canada ramah bul a tan a, North America, Australia, India, Asia leh South America ramte a tlawh kual a. A rawngbawlna atang hian Kristian ni lo 10,000 zet Kristian-ah an inlet tawh a ni. USA chhunga North Carolina, Kentucky, Texas, Ohio velah te Outreach ang zawnga rawngbawlna a nei thin bawk. Billy Graham Training Centre The Cove an tih awmna Asheville, North Carolina-ah hun a hmang tam hle.He hmunah hian Kristiante nun atan pawimawh thupui hrang hrang zirna seminar a neihpui thin a ni. Heng a rawngbawlna crusade an tih mai hi CELEBRATIONS tiin a vuah a, chu chu 2006 a Ledue Alberta-a a rawngbawlna atanga a hman tan a ni. Chuvangin keini crusade pawh hi PEACE CELEBRATION WITH WILL GRAHAM tiin a rawn vuah a, Will Graham-a hova Remna Lawmna tia vuah a ni thei mai em? America rama state hrang hrangah hetiang hian rawng a bawl a ni. . CELEBRATION OF PEACE WITH WILL GRAHAM nei tur hian kan thenawm state thenkhat ten dilna an thlen laiin, BGEA lamin duhsak taka Mizoram Presbyterian Kohhran an rawn nghat hi kan vennei tak zet a ni. Mizoram Presbyterian Kohhran hi hetiang rawngbawltu pawimawh leh langsar tak kan mikhual tur hi a phur awmin, kan vennei hle mai. Crusade hlawhtling tak kan neihtheihna turin Kohhran mipuite tun atangin thahnem ngai taka tawngtai a tan la turin kan in sawmin kan in ngen tak meuh a ni.

SYNOD KHAWMPUINA TUR PANDAL HLAN

December ni 1 zan dar 6:30 khan Synod Inkhawmpui vawi 88-na thlenna tur Pandal hlanna leh tawngtairualna, a thlengtu tur Khatla Kohhran Biak Inah neih a ni a, Pastor R.S. Rokima, Khatla Bialtu, Chairman Organising Committee-in inkhawm kaihruaiin Pandal hlanna hun a hmang nghal a ni. Organising Comt. Secy hnen atangin thupuan leh report ngaihthlak a ni a, Synod Inkhawmpui puala tawngtai rualna neih a ni. Synod khawmpui hi Dec 6-10 chhung hian neih tur a ni dawn a ni. .

PHAIAH INENKAWL MEK

Malsawmkima s/o Lalthazuala Durtlang Kawnzawl, chu a ril-ah fel lo (Histprung Disease) avangin International Hospital, Guwahati-ah enkawl mek a ni a. He thu kan buatsaih lai hian zai tura buatsaih mek a ni. Tin, kan kohhran hruaitute zinga mi Rev C.Vanlalringa pawh a thisen zam hnawhtu tihfai tura buatsaih mek a ni a. Kar kalta chhung khan tum 2 zet khawih tum anih laiin Emergency dang a awm avangin khawih hman ani ta lo a. Tunkar chho-ah hian an khawih hman beisei a ni. Kohhran hoten kan tawngtaina-ah hre zel ang u.
RAWNGBAWLNA NEI DAWN

SEC-IN Rs 20,00,000 SANCTION

Nakum Feb 17-19 chhunga Wiliam Franklin Graham, Billy Grahama tupa in Vaivakawn Field-a Crusade a neih tur atan Synod Executive Committee (SEC) chuan Rs 2000000(nuai sawmhnih) a hman turin ruahmanna a siam a. He Crusade hi hlawhtling taka hman a nih theih nan SEC chuan hma lain a ngai pawi mawh hle a.Kohhran tin leh mimal tin leh chhungkaw tinte he crusade hi a hlawhtlin theih nan thahnem ngai taka tawngtai theuh turin min sawmin min ngen a ni.

ADMISSION ..ADMISSION
Presbyterian School tha lawmman a zawna kum 3 chhung dawng tawh, Presbyterian English School, Durtlang Pastorate chuan a hnuaia tarlan ang hian kumthar 20122013 session atan KG I atanga Class IX Admission a hawng leh dawn a. He Schholah hian naupang te an nitin zirlai bakah Pathian Thu hmanga nungchang dik kawhhmuh thin an ni. ADMISSION OPEN 1) 21st Nov-20th Dec, 2011 2) 5thJan 2012-1st Feb 2012 (Between 10 AM - 2 PM on all working days) ADMISSION FEE 1) Rs 705/- for Fresh 2) Rs 505/- for Renewal
Sd/(PC LALLIANKIMA) Principal Presbyterian English School, Durtlang

HMUN PAWIMAWH TLAWH

Kar kalta ningani khan Durtlang Kohhran Hmeichhia, Pi Zaii Group-te chuan Mizoram Presbyterian Kohhran hmun pawimawh hrang hrang tlawhin hun an hmang a. He hmun pawimawh tlawhna ah hian member 20 chuang zet kalin, nuam an tiin hlawkthlak an ti hle a ni.

December 2 - 4, 2011 chhung hian Evangelical Nurses Fellowship Retreat, Health Worker Training School, Kulikawnah neih turah Durtlang atanga Pastora chhuak, tuna FG&CC Director ni mek Rev.Zothan sanga, chu Speaker a ni dawn a. Durtlang Prayer Ministry member 6 zetten a rawng bawlna hi an tawiawm dawn a ni. Rawngbawlna hlawhtling tak an neih kan beisei a, i tawngtaipui ang u.

> > Kristian Thalai Pawl : Durtlang Branch

KTP INLENG KARTIN CHHUAK VOL 24 9436197303 9856878819 / 9862363844 / ISSUE NO 48

A rau lai ber chu Ruai..!

-Tetea

EVANGELICAL HUANG
Khawvel hi i duh chuan i che thei, khawvelah pawh hian i duh chuan fel takin i awm thei; MAHSE I THI THO THO DAWN... Chuvangin i nunin enge a buaipui ber? I nunin PATHIAN A BUAIPUI EM?

(Karhnih emaw a liam ta ang...Facebook -KTPINLENG Group lama memberte chuan duhthawh takin kan hma lawka hunpui tihunpuitu leh tinghahhlelhawmtu KRISMAS leh KUMTHAR RUAI mitinte puar tlai leh lungawi tlang taka an awm theihna tur ni-a an hriatte chhawp chhuakin an lo sep-rawtui ve nak nak hlawm a. Chung member thahnemngaite Internet kaltlanga an in share tawnna chu holam leh khati maia liampui mai atan uiawm ka ti. Kohhran mipuite tlai puara an awm loh hlaua hmanhlel thin kan hruaitute bakah zing vartian atanga zan tlai khawthim rak thlenga hah taka bei fat fat thin kan fatu hah tak takte chawimawina sa nopui dawm tir chungin, an tan leh kan tan sawtpui tur leh ngaihtuah zuia tihhlawhtlin mai theih a awm tak mialin tiin heti hian ka thlir zui a. Thalaite rawtna lo dawngsawng a, ngaihtuahsak theitu tan bengtithlep mai anih ka ring phal lova, tihhlawhtlin a remchan loh avanga hnawl angai anih pawhin a inthlahrunawm hekin ka ring lo.Ed.)

Hriatzau nan

BIBLE CHUNGCHANG
1. 31,102 chang (verses), 1,189 bung (chapters) leh bu 66 a awm. 2. Jehova tih hi vawi 6, 855 ziah lan ani. 3. Lord (Lalpa)tih hi vawi 1, 853 tih ziah lan a ni bawk. 4. Leh (and) tih hi thumal hman nasat ber niin vawi 46, 277 ziahlan niin reverend tih hi vawi khat chiah ziah lan (sam 111:9)a ni thung. 5. Esther-i bu ah hian vawikhat mah Pathian (God) tih emaw Lalpa ( Lord) tih emaw ziah lan ani lo. 6. Bung (chapter) tawi ber chu sam 117 na niin chang (verse)2 chiah a awm. 7. Bible a a bu lai tak chu sam no 118 chang 8 (118:8) hi a ni. 8. Esther-i bung 8 chang 9 hi Bible a chang sei ber a ni. 9. King James version hi kum 1611 a print hmasak ber a ni. 10. Khawvela lehkha bu lehlin(translate) tam ber leh hralh kal ber a ni bawk.

Ngaihtuah tham ruai...! Keini chauh ani lo, khawpui chhung veng lian apiangin ruai buatsaih leh siam an duh ulukin an duh tuihnai tial tial a, Menu leh items an duh changkang zel a, hemi kawngah hian an intlan siak mek, intlansiakna duhawm zinga mi ani! Tun hma-a sa chhum leh sawhchiar leh a tuipui nena lungawi thin kha tunah chuan a lungawi zo ta meuh lo anih hi! Hemi chung chang ah hian member pakhat chuan duhthawh takin kum 1995 kuma kan ruai sa leh vawiin a kan ruai sa hi a danglamna a awm lutuk lo... Mi vengah chuan antam-te pawh hi mi pakhat ei tawk te te turin an tel thliah thliah peih tawh a, keini antam nei tha khua hian krismas ruaiah antam hniang hnarin kan lo ei lo hial em? tiin zawhna a siam nghe nghe! Member pakhat pawhin buh chiar, sa chhum tih ngawt loh deuh hi siam a hun ve tawh a ni a lo ti bawk. Engpawhnise,tun hmate ngaihtuah chuan kan ei leh in a thianghlimin items pawh a variety zawk tawh tih erawh phat rual a ni lo, thahnemngaihna ani anga,hmasawn zel tur kan ni e. A rep ngatin aw..! Vawksa hi a vai hian rep vek mai ila, a rep a ruai theh a khat a lom le tiin member pakhatin sa rep tuizia a rawn au pui a. Hei hi engtiang taka hautak tur nge anih kei chuan ka hrethiam lo. Mahse, tihhlawhtlin theih ni ta se, kan ruai siam tuina leh hlutna erawh a belhchhah tiu teu ang chu aww! Hemi comment-tu pakhat chuan KTP ten Biakin tualah programme neih pahin han rep suau suau mai ila aw... atuk zinga fatu buai nuk nuk pawh a ziaawm ngei ang tiin, veng thenkhat chuan an tih zeuh zeuh thin thu a rawn sawi zui bawk. Engpawhnise, a hautak deuh avangin tihreng chi erawh ani lem lo mai thei, vawikhat na reng reng chu tihve chhin chakawm ani, a thehtu mipuiten kan hlut dawn bakah a hma zana KTP ten sa rep hnatlang an nei suau suau tur kha Advance Christmas pui ani ngawt bawk ang! Hetih lai hian member pakhatin Naupang zual tana Artui chhum sem tel a rawt mauh mai bawk. Hei hi ngaihtuah tham a ni. A bikin naupang zual deuh, sa tuitang la ei mumal thei lo tan Special Menu a ni dawn! A siam leh buatsaih pawh a hautak lem lo ang. Kan hotuten chik zawkin han ngaihtuah teh se. Ngaihtuah nawn ni ta se.. Chaw eina dawhkan engemawzat siam ani tawh a, kan la indaih lo hle tih erawh a hretute kan ni. Kan vai eina daih dawhkan siam sen a ni lo anga, a hmunhmain a zo hek lo. Amaherawhchu, ngaihtuah belh erawh ni ta se a duhawm hle. Kan size leh tight atang hian thuthluang leh thutung chunga ei puar thei lo kan tam tial tial si a! Tin, kum 2 (?) kal ta khan disposable thleng leh no kan hmang a, a tha viau emaw tih laiin chhunzawm erawh a ni ta lo a, a hautak deuh nia hriat a ni. Engpawhnise, ruaipui theh nikhua-a ningnawi senghawi leh silfaitu nih hrehawm leh hautak ziate, thlengsilna kawi nuai kianga ei tur siam/sem leh a ei hnuhnung nih hrehawmziate ngaihtuah chuan pumpelh dan kawng zawn hram erawh a ngai ta hle. Senior Dept. leh KTP Comt. inchhawk ngawt mai pawh hi a fuh tawh lo em? Senior naupangten a tam berah kum 2/3 bak an sil hman tak tak lo tih ngawt te hi thutlukna FAIR a ni chiah lo em? > > Kristian Thalai Pawl : Durtlang Branch

Counter duty leh a behbawm.. Dekchi leh bucket indaih lo nuai,inchuh lek lek ngai thin pumpelh nan chawlhtawlh chhin nei angte hi kohhran hian engemawzat lei ta se tiin member pakhat chuan comment a siam a. Tin, a ei hnuhnung lam tana a daih deuh tawh thin avangin sa ur lumna (Warmer) te pawh ngaihtuah theih nise a duhawm zia sawilan a ni bawk. Hei hi veng thenkhat chuan an practice tawh ni-a hriat a ni. Sum sen hautak anih leh nih loh zirchian a, ngaihtuah theih anih ngai chuan ngaihtuah ve chi anih hmel. A hnuhnung lama theh tur, Biakin Gate pawn lama intlar thin tan phei chuan ruai sa vawt khang deuh iak uak ei tura rei ngial nghah ai chuan mahni in lamah.. ti-a mi ruai theh laia lo hai mai palh awl tak tawh tur ani reng a ni. A behbawm dang... Kan hmunhma leh chetvelna area-in a daih ang chin chin-ah counter awm thei tawk remchang taka kan hotuten an siam thin hi a fuh thlawt a, darkar 2 emaw lek chhunga mipui 1000 chuang teh meuhin kan dawh felfai duak thin hian fatute ruahmanna fuh zia leh counter dutyte tanrual thin zia a tilang. Hetih lai hian, a ei kham tawh leh la intlar-te bakah counter duty te kan inlsulpel nasa nuk nuk lutuk thin erawh tihbo vek theih ni lo mah se, kawng mumal deuh bik siama tihziaawm theih a ni angem? Tin, mipui zi nuaih nuaih leh ri nuk nuk kara chhum lo chat lova Mike-a lo au chiam thin hi tihtlem deuh a, puar tlaia ei tura duhsakna thu leh engemaw han inhrilhhriat ngaite a khat mawi tawka puan hunbi neih ni thei se tih duhnate pawh hi ngaihtuah zui chi a ni ang. Sum mawlh mai hi... Ruai buatsaih hautak zia leh senso tamzia hretute kan ni. Kan kohhran hruaituten Krismas induhthawh hun laia chhungtinte phurrit lutuk lo tur ang bera kum bul atanga chhung tinte budget siama tlem tlema thawhlawm pek theih tura an siam hi a fuh tehlul nen..a ruai theh huna tuantha fu si, a thawhlawm thawh hun laia tuan fum viau erawh awm theih a ni. Hei hi chu hun lokal zel turah pawh kan zir thar tur a ni ang. Tin, a awm thei leh a neinung zawkten a harsa zawkte kepna rilru an put beisei a, budget an tuk tam deuh thenkhatte kan la phun lung lung thinte pawh hi ngaihtuah chian ngai a ni. Patlinga pumpa, hruaituten kan tihtheihawm tawka an ngaih min tuk ang tihlawhtling thei loa inngai khawpa rilru pachhia nih hi a thangtlawmthlak hrim hrim! Engpawhnise, Krismas leh kumthar tiropuitu leh tinuamtu RUAI mawlh mai hi Kohhranhote hian kan ngaihhlut deuh deuh a pawimawh. Mitinte puar tlai-a kan theh vek theihna tur kawng dap tur a awm anih a, sum sen deuh emaw, tha thawh deuh emaw, ngaihtuahna senbelh deuh a ngai anih pawhin A RAU LAI BER kan tih thin kha maw le!!

MAKSAK!
Kum 100 kohhran Durtlang-ah hian inkhawm laia Mobile Phone kheuh reng mai ching an la awm an ti! Thalai inkhawm zan-ah a hluar a, a bikin hmeichhe lamah hetiang ching hi an awm nuk an tih pek chu! Sim nghal chi ava ni em!

INLENG PIKSS!

A thlalak Original sir kil-ah chuan KTP TALIBAN tih ziak a ni.