INOMBOLO

YOHLELO

4
ISAKHIWO SOHLELO LWESIFUNDO

ULWAZI LWEMISEBENZI NGOKULANDELANA

KHUMBULA:

UKUFAKA UMDWEBO WOKUSALWEMBU KWISAKHIWO SOHLELO LWESIFUNDO

A. IMINININGWANE

Igama Lesikole: …………………………………………………………………..MAYVILLE SECONDARY SCHOOL

Igama nesibongo somfundi: ………………………………………………..MBALI NDLOVU

Ibanga: ……………………………………………………………………………….10

Isifundo: ……………………………………………………………………………..ISIZULU ULIMI LWEBELE

Isihloko: ……………………………………………………………………………..UKUFUNDA NOKUBUKELA

Okuqukethwe: ……………………………………………………………………UKUHUNYUSHWA KWESITHOMBE/IKHATHUNI

Ikhasi likaTaHFuZwe: …………………………………………………………..52

Ubude besikhathi besifundo: …………………………………………….. imizuzu engama-55

B. IZINHLOSO NGQANGI

- Ukuveza nnokweseka imibono, imicabango nemizwa yabo ngokukhuluma

nangokubhala ngokuzethemba ukuveza bakwazi ukuzimela nokucabanga
ngokuhlaziya.
- Lalela, bakhulume, baphinde/babukele babuye babhale/bathule ulimi ngokuzethemba
nangokujabula. Lamakhono kanye nendlela yokubuka izinto yikho okuyisisekelo
sokufunda kwempilo yonke.

C. IZINHLOSO ZESIFUNDO

ULWAZI AMAKHONO AMAGUGU/ISIMO

Ukufunda imidwebo, wakhe Ukuhlaziya uphinde wakhe Ukusebenziza izibiyelo
imiqondo. umqondo ngento edwetshiwe ezahlukahluke ukuhumusha
noma ethwebuliwe ulimi
1
D. IZINDLELA/AMASU OKUFUNDISA

- Ukuxoxa okuzothinta iklasi lonke

- Ukuchaza
- Ukubonisa

E. IZINSIZA-KUFUNDISA

- Iphepha lemibizo
- Ishathi lezibiyelo

F. AMABANGA/AMAZINGA ESIFUNDO

1. ISINGENISO

Uthisha uzongenisa isifundo sakhe ngokubuza abafundi imibuzo.

Imibuzo engabuzwa:
1. Niyababuka opopayi?
2. Mawucabanga yini inhloso yokwenziwa kopopayi?

2. UKUTHUTHUKA/UKUTHUTHUKISWA KWESIFUNDO

Isinyathelo Sokuqala

Iyini ikhathuni
Ikhathuni umbhalo osuke udlulisa umyalezo othile ngendlela ezoheha noma ehlekisayo. Okumele
ukuqaphele yonke into evela kukhathuni isuke ibalulekile, noma engabe incane kanjani
ingakutshela okuthile.

Ikhathuni utholakala esifundweni solimi, kodwa inakho ukuba yilithiletha(literature), ngoba

Abantu abavela kukhathuni sibabiza ngabalingiswa, siphinde sithole indawo/inkundla lapho
abalingiswa abasuke bekhona.

Konje indawo okwenzeka kuyona indaba siyibiza ngani?

Indawo lapho kwenzeka khona indaba siyibiza ngesizinda.

Isinyathelo Sesibili

Izinhlobo zezibiyelo
Izibiyelo ezitholakala kuma khathuni azifani ngakho ke zisinikeza imiqondo engafani.

Ziyini izibiyelo?

Izibiyelo imidwebo eveza lokhu okushiwo umlingiswa kukhathuni.

Sikhona izibiyelo ongasicabanga?

2
 1. Izibiyelo esiveza ukucabanga- Siba yingunquluza/ifu elikhulu elingenawo umcibilisholo,
kwesinye isikhathi libana manye amagunquluza amathathu amancane alandelanayo eduze
kwekhanda lomlingiswa.

2. Izibiyelo esiveza ukukhuluma- Siba yindilinga noma igunquluza elinomcibilisholo obheke

eduze komlowo lomlingiswa osuke ekhuluma ngaleyonkathi. Umlingiswa angakhuluma
yedwa noma baphendulane nomunye noma abanye. Lapha abalingiswa basuke
bekhuluma kukuhle noma inkulumo ejwayelekile

3. Izibiyelo esiveza intukuthelo/ukuthetha - siba ucija ogwazayo . Sikhombisa ukuthi

umlingiswa osuke ekhuluma uthukuthele noma uyathetha.

4. Izibiyelo eziveza ukuhleba- sizibona ngocija, ohlabayo

Ishadi lemidwebo yezibonelo zezibiyelo liyatholakala ekhasini lesi-6

Isinyathelo Sesithathu

Izitho zomzimba
Kwesinye isikhathi uma udlulisa umyalezo awuphimisi amagama kodwa lokhu okushoyo
kubonakala ngobuso noma ngokunyaka komzimba.

Lapho sisuke sibheka ukuthi umlingiswa, kungaba ubukeka ediniwe, ejabule noma ekhathazekile?
- Ubanjani ebusweni umlingiswa noma ukumuntu odiniwe?
- Ubanjani ebusweni umlingiswa noma umuntu ojabulile?
- Ubanjani ebusweni umlingiswa noma umuntu okhathazekile?
Kulindeleke ukuba abafundi babonise ukuthi kubonakala kanjani umuntu noma umlingiswa
ediniwe, ejabule noma ekhathazekile.

- Wenzenjani umuntu ojabulile? manje sibheka umzimba

- Wenzenjani umuntu odiniwe?

Isinyathelo Sesine

Indawo, abalingiswa nenkathi

- Singasibona kanjani isizinda sekhathuni?

Incazelo kathusha isizinda sekhathuni singasibona ngezinto ezivela kuyona uma bese klilasini
singabona ngamatafula abafundi, ibhodi. Umabengaphandle egcekeni singabona izihlahla.

Indlela abalingiswa abacele ngayo esithombeni isuke iqukethe umyalezo othile. Isibonelo
umlingiswa omkhulu ngokomzimba angaba odla izambane likapondo, noma osesimeni esihle
sempilo. Omncane ngomzimba odla imbuya ngothi, noma iloyo ongekho esimeni esihle sempilo,
uyagula.

3
3. UKUQINISA NOMA UKUGXILISA ISIFUNDO/ISIPHETHO

Uthisha uzonikeza abafundi ithuba lokubuza imibuzo. Kuvamile ukuthi abafundi bathi abanawo
umbuzo ngoba bazwile konke. Umakunjalo uthisha uzobe esebuza abafundi imibuzo emayelana
lesifundo sosuku ukubona ukuthi ingabe bazwile ngempela yini.

G. UMSEBENZI WOMFUNDI
Tshengisa umsebenzi noma chaza ngomsebebenzi ohlose ukuthi abafundi bawenze. Uma
Uzosebenzisa i-worksheet, ishicilele lapha Kwisakhiwo Sohlelo Lwesifundo. Iphepha lomsebenzi
liyatholakala ekhasini lesi-7

Iphepha lomsebenzi liyatholakala ekugcineni kwale ncwadi

H. UKUBHALA KUKATHISHA NGAKUTHOLILE, NAHLANGABEZANE NAKHO NGESIKHATHI EBHALA
NOMA ELUNGISELELA UKUBHALA ISAKHIWO SOHLELO LWESIFUNDO.

Ukushoda kwezincwadi ezichaza kabanzi mayelana nokuHunyushwa kwekhathuni.

Ikhono lokudweba izibiyelo zokubonisa abafundi.

I. BONISA KUMBE VEZA ISITHOMBE NGOKUTHULA/NGOKUFUNDISA ISIFUNDO SAKHO.

1. IKUPHI OKUHAMBE KAHLE NGESIKHATHI UFUNDISA KUMBE UTHULA ISIFUNDO SAKHO?

Ukugcina isikhathi kulesi sifundo ngikwazile. Ukukwazi ukweluleka abafundi, mangabe sebebanga
umsindo.

2. IZIPHI IZINKINGA KUMBE IZINGQINAMBA OHLANGABEZANE NAZO NGISIKHATHI UFUNDISA

ISIFUNDO SAKHO?

Isikhathi sokwethula isifundo sincishisiwe ngoba bekuzobanomhlangano wabazali, ngigcine ngenza

isifundo ngemizuzu engama-45. Kumele ngishintshe umsebenzi weklasi ngiwenze ube umsebenzi
wasekhaya.

3. UNGATHUTHUKISA KUPHI NOMA KANJANI UKUFUNDISA ISIFUNDO SAKHO?

4
Indlela yokubuza imibuze esemazingeni ahlukahlukene. Nendlela yokubuza umbuzo owodwa
ngezindlela ezahlukene.

4. ISIPHI ISIMO ESIKUHLABE UMXHWELE NGESIKHATHI UFUNDISA KUMBE UTHULA ISIFUNDO

SAKHO?

Indlela abafundi abathakasele ngayo isifundo.

J. KUCASHUNWE/UMTHOMBO

- Isizulu esisha esicwengekile ibanga 10

- Inthanethi
- Uthafuzwe(caps document)
- Uhlelo lonyaka zokufundisa(ATP)