A.

PAG-AMPO HA IKINAADLAW
O Señor Santo Niño, hi ikaw gud la an amon Hadi
ug Dyos. Nagdadayaw kami ha imo, kay hi ikaw an
amon magtaralwas. Nadangop kami yana ha imo.
Nadaraon kami ha imo. Nagbuhat ka hin mga
urusahon nga butang pinaagi han imo santos nga
ladawan. Hinumdumi kami. Tamdi inin imo ubos nga
surugoon nga nadangop ha imo pangaro hin tambulig.
Pag-unhi kami pinaagi han imo kinaadman. Tuhaya an
amon kinabuhi pinaagi han imo kamatuoran. Lipaya
kami pinaagi han imo kama-aghopon. Panalipdi kami
pinaagi han imo kusog.
Aanhi kami yana naghahalad han amon hunahuna.
An amon mga pulong, ma-ikaw la unta an luwason. An
amon mga pagsakit maihalad unta namon tungod
gudla ha imo. Nanginginyupo kami ha imo, Señor
Santo Niño, nga lamragan mo an amon hunahuna,
palagaha an amon kaburoton, linisi an amon lawasnon
nga kinabuhi, santosa an amon kalag. Igbuot nga an
amon paghingyapon amo gudla an imo ginhihingyap
para han tagsa ha amon.
Nangangamuyo kami, Señor Santo Niño, nga
paabaton nimo kami han imo naglalaga nga gugma
basi humigugma kami ha imo, nga magin tangkod kami

1
hin pagtuhay han amon kalugaringon; nga magin
mainugupon kami han amon igkasitawo; ngan
mahibaro kami hin pagsalikway han mga tunan-on nga
mga butang. Buligi kami hin pag-ato han lawasnon nga
karuyagon pinaagi hin pagdisiplina han amon
kalugaringon, pag-ato han amon kahakog pinaagi hin
pagin mahinatagon, pagato han amon kangalas pinaagi
hin pagin malumo, han amon kahubya pinaagi hin
pagin maduroto ha trabaho. Hatagi kami hin igo nga
hibaro dida han amon paghatag hin sagdon, hin igo
nga kusog ha atubangan han peligro, hin pasensya ha
panahon han pag-antos, ngan hin pagpaubos ha
panahon hin kahuraan.
Tutdo-I kami, hinigugma nga Señor Santo Niño,
nga waray pulos han kalibutan kon itatanding han
himaya han langit, ngan hin kahalipot han panahon
dinhi ha tuna kon ikukumpara han kadayunan didto ha
langit. Ha katapusan, itugot gad, Señor Santo Niño, nga
dayuday ka namon hinumduman, nga dayuday ka
namon pagsingbahon, higugmaon, ngan pagserbihan,
basi mahingpit an amon kalipay kaupod nimo didto ha
langit ha kadayunan. Amen.

2
B. KADA ADLAW NGA PAG-AMPO
SIYAHAN NGA ADLAW
Waray katapusan nga Amay, akon iginhahalad
ngada han imo dungog ug himaya, para han akon
katalwasan ug han katalwasan han kalibutana, an
misteryo han baraan nga pagkabata han imo Anak, an
amon Ginoo Jesukristo. Nagpapasalamat kami han imo
waray sukol nga gugma dida han imo pagpadara ha iya
basi magin amon Manunubos. Ug ikaw, baraan nga
Santo Niño, tungod han imo kahimo nga tawo dida han
Birhen Maria pinaagi han Espiritu Santo, tutdui ako
hin paghigugma pa ha imo ha adlaw ngatanan. Kon
baga uyon man han imo himaya ug han katalwasan
han akon kalag, mapinaubsanon ko nga pinangangaro
ini nga mga grasya… (Hin hilom aton pangaroon han
Santo Niño an grasya nga aton ginkikinahanglan dida
hini nga novena).
O gitatam-isi nga Santo Niño, natapud ako ha imo.
Amen.

IKADUHA NGA ADLAW

O gitatam-isi nga Bata nga Jesus, nga linusad ka
tikang han Amay para han amon katalwasan, tutdui

3
kami paghigugma han amon igkasitawo subay han imo
paghigugma ha amon. O diosnon nga bata, ha imo di
matutupngan nga kamaupay ug pagkalooy, pamatii an
akon mga pag-ampo ngan kon makakalipay man ha
imo, ihatag gad an akon mga pinangangaro… (Hin
hilom aton pangaroon han Santo Niño an grasya nga
aton ginkikinahanglan dida hini nga novena).
Ikaw an nagsiring: Pakadi kami an mga ginugol-an
ug binubug-atan ngan makakaagi kamo hin
pagpahuway. Buligi ako, O mahal nga Santo Niño kay
kon waray ka, waray ko mahihimo. Amen.

IKATOLO NGA ADLAW

O Baraan nga Santo Niño, nga nagpadayag ka
ngadto han mga magluya ug mga kabus, pakitaa ako
han imo kalooy ug pagpaid. Dida han akon
pamalandong hini nga misteryo han imo pagkahimo
nga bata, himoa nga mahibaro ako pagpakita han imo
pagkalooy ngadto han akon igkasitawo tungod han
paghigugma ko ha imo.
Tamdi nga maloloy-on ako nga naluhod ha imo
atubangan ug nangangaro hin panabang. Kon baga
uyon man han imo dako nga himaya ug makakaupay
man han akon kalag, akon pinangangamuyo nga
4
mapinaubsanon inin masunod… (Hin hilom aton
pangaroon han Santo Niño an grasya nga aton
ginkikinahanglan dida hini nga novena).
Tutdui ako hin pagin maloloy-on kay nagsiring ka
man: “Palaran adton maloloy-on kay kalolooyan liwat
hira.” Amen.

IKAUPAT NGA ADLAW

O gitatam-isi nga Santo Niño, tutdui ako han
tinuod nga pagpaubos. Sugad nga nagtubo ka ha
kinaadman ug grasya didto ha Nazaret, patuboa man
liwat an imo mga grasya didi ha akon. Pamatii an akon
mga pagampo, O mahigugmaon nga Jesus; ngan kon
maka-kalipay man ha imo, ug makakaupay liwat ha
akon, ihatag gad ha akon an akon mga pinangangaro
dida hini nga novena… (Hin hilom aton pangaroon han
Santo Niño an grasya nga aton ginkikinahanglan dida
hini nga novena).
Buligi ako hin diri paghingalimot nga adton
mapaubsanon in pahihitas-on, an mapahitas-on in
palalakton nga waray dara. Tagi ako han grasya hin
kamurayaw ha akon kalag. Amen

5
IKALIMA NGA ADLAW
O Diosnon nga Santo Niño, nagsugot ka hin hingpit
han imo Langitnon nga Amay. Tutdui liwat ako
pagsugot han imo mga kasuguan. Ginlarang nimo nga
matawo ka basi gawaron nimo an tawo tikang han
kasisidman han sala. Nangangamuyo ako ha imo nga
dad-on nimo ako ngada ha imo ug pamatian nimo an
akon mga pag-ampo. Kon baga uyon han imo dako nga
himaya ug han katalwasan han akon kalag, ihatag ha
akon an akon pinangangaro dida hini nga novena…
(Hin hilom aton pangaroon han Santo Niño an grasya
nga aton ginkikinahanglan dida hini nga novena).
O Baraan nga bata, gindadayaw ko ikaw nga akon
Magburuhat ug Magtaralwas. Ginsisingba ko ikaw nga
akon Hadi ug Ginoo. Padilaaba didi ha akon an imo
gugma ug himoa ako nga takus han imo diosnon nga
mga saad. Amen.

IKAUNOM NGA ADLAW

O gitatam-isi nga Bata nga Jesus, nga linusad ka
nganhi ha tuna agud tutduan mo kami han dalan
ngadto ha langit, pukawa dinhi ha akon an hingyap hin
pagsakripisyo, pagpenitensya, ug pagsalikway han
kamakikalugaringon. Tutdui ako nga an bisan ano nga
6
debosyon nga waray pagsakripisyo in usa nga waray
hangkag nga debosyon. Pamatii, O mahal nga Santo
Niño an akon matinapuron nga pangamuyo. Kon
makakalipay man ha imo ug makakaupay man han
akon kalag, ihatag gad ha akon ini nga akon mga
pinangangaro… (Hin hilom aton pangaroon han Santo
Niño an grasya nga aton ginkikinahanglan dida hini
nga novena).
Tutdui ako pagtuman han imo kaburot-on yana
agud unina magin takus ako pag-angbit han imo
himaya. Amen.

IKAPITO NGA ADLAW

O Señor Santo Niño, nagpapasalamat ako han mga
pag-antos nga imo gin-ilob para han akon katalwasan.
Dida han imo pagkatawo, iginhulid ka dida hin usa nga
pasungan ug iginhatag nimo an imo bug-os nga
kinabuhi pagsirbe han mga kablas. O Prinsipe han
Kalinaw, manunubos han kalibutan, iginpapadangat ko
ha imo an akon mga pinangangaro dida hini nga
novena… (Hin hilom aton pangaroon han Santo Niño
an grasya nga aton ginkikinahanglan dida hini nga
novena).

7
 Tutdui ako pagin kablas ha espiritu basi akon
maangkon an imo mga iginsaad nga mga bendisyon.
Palamragi an akon hunahuna, pakusga an akon
kaburot-on, ug padilaaba an akon kasingkasing hin
gugma para ha imo. Amen.

IKAWALO NGA ADLAW

O gimatatam-isi nga Santo Niño, imo ginbubo an
mga grasya han imo kasingkasing ha paghigugma mo
ha akon. Tagi ako hin bag-o nga kasingkasing agud
makahigugma ako ha imo. Pakitaa ako han gahum han
imo ngaran basi magin mabaskog ako pag-atubang han
mga kakurian hini nga kinabuhi nga puno hin
pagtapod ug paglaum.
Pamatii an akon mga pangamuyo ug kon baga
uyon man han imo himaya ug makakaupay man han
akon kalag, ihatag gad ha akon ini akon mga
pinangangaro… (Hin hilom aton pangaroon han Santo
Niño an grasya nga aton ginkikinahanglan dida hini
nga novena).
Tutdui ako hin paghigugma han imo santos nga
ngaran ha ngatanan nga takna ug higayon. Amen.

8
IKASIYAM NGA ADLAW
O gimatatam-isi nga Bata nga Jesus, nagdadayeg
ug nahigugma ako ha imo. Nagpapasalamat ako han
mga grasya nga akon nakarawat dida hini nga novena.
Dugangi an ako pagtoo, paglaum ug paghigugma.
Tutdui ako pagin tangkod ha imo ha ngatanan nga
takna han akon kinabuhi, ug ipahirayo ako ha
ngatanan nga higayon hin pakasala. Dida han akon
mapinaubsanon nga akon pangamuyo ha imo, buksi an
portahan han imo maloloy-on nga kasingkasing. (Hin
hilom aton pangaroon han Santo Niño an grasya nga
aton ginkikinahanglan dida hini nga novena).
Hinumdumi, O Señor Santo Niño, nga nagsaad ka
nga imo ihahatag an bisan ano nga amon pangaroon ha
imo ngaran. Sanglit, puno hin pagtapod han imo mga
saad, akon ginlalauman an kapasayloan han akon mga
sala, an bulig han imo grasya, ug an kinabuhi nga
dayon. Amen.

C. LETANIA KAN SEÑOR SANTO NIÑO

Ginoo, kalooyi kami.
Kristo, kalooyi kami.
9
Ginoo, kalooyi kami.
Hesus pamatia kami.
Hesus dungga kami.

Nga mahibaro kami pagdangop ha imo dida han amon

pagkinahanglan.
***Baton: SEÑOR SANTO NIÑO, TABANGI KAMI
Dida han amon pagruhaduha, kagupong ug mga
pagsulay. ***
Ha panahon han pagkabido, pagkabutlaw, ngan mga
papruyba. ***
Ha panahon han kapakyasan ug kawaray paglaum. ***
Dida han amon kabaraka ngan kasamok. ***
Ha takna nga an imo gud la grasya an amon puydi
kasarigan. ***
Ha takna nga hi ikaw gud la an amon darangpan.***
Ha takna nga an amon kasingkasing puno hin kasubo
tungod han kapakyasan. ***
Ha takna nga nag-aantos kami hin kasakitan ngan
waray namon nahihimo. ***

10
Ha takna nga nauubos an amon pasensya ug an krus
nahihimo nga maka-urulang. ***
Ha ngatanan nga panahon nga hi kami nahuhulog hin
pakasala. ***

Kordero sa Dyos nga nagkukuha ka han mga sala han

kalibutan, TALWASA KAMI GINOO.
Kordero sa Dyos nga nagkukuha ka han mga sala han
kalibutan, DUNGGA KAMI, GINOO.
Kordero sa Dyos nga nagkukuha ka han mga sala han
kalibutan, KALOOYI KAMI.

D. MGA SIDAY
Baton:
Matahum nga bata
Si Jesus harangdon
Si kami lingi-a
Sakopa gihapon

11
Baton: Matahum nga bata…

I. Gintuha san diyos

an tawo sa tuna
hinmatag sa iya
sin sugo nga usa

Baton: Matahum nga bata…

II. Nakasala an tawo

waray pagtumana
an sugo nga Diosnon
nga uusa lamang

Baton: Matahum nga bata…

III. An iya hinsal-an

Dios nga harangdon
waray ipakabayad

12
 kairo tawo kun di kalooyan

Baton: Matahum nga bata…

IV. Natalapas san tawo

an sayo nga Diosnon
kundi ginsaaaran
sin manunubos

Baton: Matahum nga bata…

V. Asay makabayad san

aton mga sala
kay mangangako
san makakasala

Baton: Matahum nga bata…

VI. Inaawilan daw

13
 san mga kataw'han
ug kinahihidlawan
san santa Iglesia

Baton: Matahum nga bata…

VII. palaran nga adlaw

an ikinanhi
sa kalibutan
sinin mamamawi

Baton: Matahum nga bata…

VIII.Nasingba ako natahud

sinin mangangako
ug san liwan mo
amo an santo Papa

Baton: Matahum nga bata…

14
 IX. Sr. Santo Niño
si ako tabangan
kay daw ako bata
nga deri malaris

Baton: Matahum nga bata…

X. Malara an sala
nga nakakahilo
san kalag san tawo
nga malaris dimo

Baton: Matahum nga bata…

XI. An mahal nga grasya

hiyas sinin kalag
totoo nga tigaman
sinin kapalaran

15
Baton:

XII. Ig tutdo mo sa akon

an kamasugot
an kamaupay
ug an pag-paubos

Baton: Matahum nga bata…

XIII.An acon calag

ug hunahuna
nada yao salmo
natunao sin quoqina.

Baton: Matahum nga bata…

XIV.Natawo an Dios ngan

nag pakabata

16
 pag bawi san tawo
aada sa misa

Baton: Matahum nga bata…

XV. Sa pagkatawo san

Hadi nga bata
nalipay an langit
ug mga kanaypan

Baton: Matahum nga bata…

XVI.Nagkahahadlok
an mga malaris.
sinin Santo Nino
dida sa santissimo

Baton: Matahum nga bata…

17
 XVII. Iglikay ta an sala
an buhat nga maraot
kay larang san yawa
malimbong san tawo

Baton: Matahum nga bata…

XVIII. Alagdon ta an Dios

ngan higugmaon
kay siya an tag-ada
ug aton man hukom

Baton: Matahum nga bata…

XIX. An Diosnon nga bata

tatahuron naton ulo
san kristiyanos
pagdadayawon

18
Baton: Matahum nga bata…

XX. Kalooyan mo
inin amon Bungto
kayan gugma namon
ighalad namon dimo

Baton: Matahum nga bata…

XXI. An amon kasing-kasing

nalaga san gugma
nalaom sa imo
Jesus nga sakramento

Baton: Matahum nga bata…

E. KATAPUSAN NGA PAG-AMPO

19
 O Señor Santo Niño, nayukbo kami ha imo
atubangan. Tamdi an amon nagugupong nga
kasingkasing. Pamati-an unta han imo maaghupon nga
kasingkasing an amon mga pag-ampo, basi
matagamtaman namon an mga grasya nga amon gin-
uungara. Kuhaa didi ha amon an ano man nga diri
namon maiilob nga arantuson ug kawaray paglaum.
Tungod han imo kahimo nga usa nga bata, makaangbit
unta kami han kalipay ug kamurayaw, basi magdayaw
kami ha imo, upod han Dyos Amay ug an Espiritu
Santo nga nabubuhi ha dayon nga mga katuigan.
Amen.

F. HIMNO
Santo Niño bendisyuni
An am Minahal nga Bungto
Karawata gad, Pamatii gad
In nga amon Pag -ampo.

Dida ha imo Kalooy,

Salirunga an am kalag
20
Santo Niño bis’ pa san-o,
Di ka namon igbubulag.

21