Scribd
Upload
149 views3 pages

Tsaban 21 Hkristan Dinghku

Ok 21

Uploaded by

Panawng
Copyright
© © All Rights Reserved
We take content rights seriously. If you suspect this is your content, claim it here.
Available Formats
Download as DOCX, PDF, TXT or read online on Scribd
149 views3 pages

Tsaban 21 Hkristan Dinghku

Ok 21

Uploaded by

Panawng
Copyright
© © All Rights Reserved
We take content rights seriously. If you suspect this is your content, claim it here.
Available Formats
Download as DOCX, PDF, TXT or read online on Scribd
You are on page 1/ 3

Tsaban 21 Hkristan Dinghku

Dinghku ngu ai gaw shinggyin numsha langai the la sha langai, hkum hkrang myit masin,
mahkra langai sha rai mat ai hpe tsun ai rai nga ai. Kaba wa ai shingdu labau, background, myit
sawn ai lam, ningmu ni nbung ai raitim, Karai Kasang a man kaw hkungran Ga shaka la ai shani
kaw nna gaw, Karai a man, masha a man hta Hkristan dinghku langai byin tai wa sai re. ( NN
2:24 )

Ga shaka hta grin ai Dinghku

Ngang kang ai dinghku langai byin tai na matu, Karai a man, masha a man hta la da sai
hkungran ga shaka hpe manu shadan let shadup shadik na gaw Hkristan dinghku a ahkyak dik ai
lit langai rai nga ai. Ga shaka dingsa aprat hta Karai Kasang hte shinggyin masha ni a kanawn
mazum ai lam gaw Ga shaka hte rai nga ai ( NN 2:16-1, Tara Jahpr 8:7-14, 16-18 ) hta Karai
Kasang hteshinggyin masha lapran Ga shaka nit awn let, dai ga shaka ni yawng hpe hkan shatup
lu yang nga mu nga mai ai hkrum nna, nhkan shatup lu yang dagam dala hkrum na lam tsun
shalen da nga ai.

Dai hte maren, Karai Kasang a man hta hkungran ga shaka la da sai hkristan dinghku ni
gaw dai hpe shatup shadik yang chyeju hkam la na hte, shahten shaza ai rai yang dagam dala hpe
hkrum na rai nga ai. Dinghku jahka kau yang dingnye lu nga ai. ( Mahte 5:27-32 ). Dai majaw
Karai a man, masha a man hta ga shaka la da sai hte maren, dai hpe manu shadan shatup shatik
let shaman chyeju hkam la ai Hkristan Dinghku ni tai sa wa ra ai.

Karai Mungga hta Grin ai Dinghku

Karai Kasan a shaman chyeju hpe hkam la ai dinghku langai byin tai lu na matu, nta
dinghku masha yawng Karai mungga hte maren nga pra asak hkrung ra nga ai. ( Shk 112:1-3).
Kaga hpara hpe nkam, Hpan Madu Karai hpe sha dinghku masha yawng kam hpa ra ai. ( Pru
20:3 ). Dinghku mayak mahkat hkrum ai raitim pyaw ai raitim Karai hpe sha kam sham nga ra ai.
Yawhan 15:5-7 hta mu lu ai hte maren sabyi ru madung Yesu Hkristu hta manoi manat nga lu
yang shaman chyeju hte hpring tsup ai dinghku byin tai wa lu nga ai.

Sharin Achyin Ai Dinghku

Shinggyin masha gaw shangai ten kaw nna sharin achyin ai lam hpang sai. Tinang a kun dinghku
masha ni Karai mungga hte maren asak hkrung hkawm sa lu na matu hte lam shagu hta hpring
tsup ai dum nta masha ni byin tai wa lu na matu sharin achyin ai magam bungle ni hpe galaw
gunhpai ra nga ai. Dai ma kaji hpe myit kataw shangun ai rai yang yubak dingnye gaw kaba la
nga ai. Du hta lung byen gyit nna nammuk dara hta jahkrat bang kau ging ai mara kaba la nga ai.
( Mahte 18:16 ) Dai majaw tinang hpe Karai Kasang Jaw da ai Sali wuli kashu kasha ni hpe
Karai mungga hte lam amyu myu hta sharin ya na lit gaw kanu kawa ni hta nga ai re.

Sharin Achyin ai magam bungli ngu ai gaw


1. Lam matsun jaw ai ( Direction )
2. Tsun dan ai ( Telling )
3. Garan kachyan ai ( Sharing )
4. Karum Shingtau ai ( Facilitate )
5. Bau Lakau ai ( Nuture )
6. Lanu Lahku ai ( Care )
7. Myit Jasu sharawt ai ( Motivate )
8. Kasi Ningli tai ai ( Model )
9. Asak hkrung lam shabyin ya ai ( Living )
10. Machye machyang shajat ya ai ( Inspiring )
11. Tek Jum ai ( Control )
12. Achyin ai ( Training )

Sharin Achyin Ai lam hta ma ni ra ai lam ni gaw

1. Tsawra myit ( Love)


2. Shimlam ( Securtiy )
3. Hkap la ai lam ( Acceptance )
4. Ritkawp tara ( Discipline )
5. Wang lu wang lang ( Independence )
6. Masat masa galaw lam ( Recognition ) ni rai nga ai.

Tsawra Myit hte Matut Mahkai kaja ai Dinghku

Hkristan Dinghku kata hta hkum hkrang langai a daw shan ni zawn tsawra myit hte kanawn
mazum tsun ra nga ai.

Madu jan hte madu wa lapran

(1) Tinang a hkum hte maren tsawra ra ai ( Luka 6:31 )


(2) Madat na la ai lam atsawm nga ra ai ( Yaku 1:19)
(3) Tengman ai lam nga ra ai. ( Gash 19:5, 26:28 )
(4) Manang wa a hkam sha lam hpe myit tau chya na ai lam nga ra ai ( I Petru 3:7)
(5) Shada da kam hpa ai lam galaw ra ai. ( Gash 17:9, 25:19 )
(6) Myit galu ra ai ( 1 Kor 13:4 )
(7) Mara dat ai lam shaman ra ai ( Kolose 3:13 )
(8) Chyeju dum ra ai. ( 1 Htesaloni 5:18 )
(9) Shagrau hkat ai lam nga ra ai. ( Roma 1:8 )
(10) Hkum hkrang kanawn mazum ai lam myit dik myit pyaw rai ra ai. ( NN 2:25, 2:18 )
Kanu/Kawa ni a lit

Kashu kasha ni hpe

(1) Karai Mungga hpe kaji ten kaw nna sharin ra ai ( Shat sha akyuhpyi, yup akyu hpyi )
(2) Shaman ga tsun ra ai ( NN 12: 3 )
(3) Aten jaw ra ai.
(4) Lam madun sharin achyin ra ai.
(5) Kasi Kamang tai let sharin ra ai.
(6) Shanhte manghkang, shanhte a nsen ni hpe madat ya ra ai.
(7) Asak aprat hta hkan nna shadum sharin chye ra ai.
(8) Tinang a lagaw tinang tsap lu hkra sharin achyin chye ra ai.
(9) Kanu/Kawa a lit hpe kangka hkra galaw ra ai.

Ga Hpungdim

Nawku hpung, wuhpung wuhpawng, mungdan ni yawng gaw dinghku law law hte
gawgap da ai hte maren, mungdan langai, nawku hpung langai galu kaba rawt jawt wa matu gaw
dai hta shang lawm ai dinghku ni yawng galu kaba rawt jat wa yang she mai byin na rai nga ai.
Dai majaw, anhte a nawku hpung gaw wenyi lam, sut masa, hpaji lam, lam shagu hta bawring wa
lu na matu dai hta shang lawm ai Hkristan Dinghku ni yawng lam shagu hta bawring galu kaba
wa hkra jawm gawgap ra nga ga ai.

You might also like