Initials: H.

P, Age: 23 years, Sex: Male

Chief complaint (CC): The client reports inability to cut down opioid/nicotine/cannabis,
bodyache, restlessness, decreased appetite, insomnia, cravings since 5 days before the day of
admission.

1)​ Ladka instrument baja raha tha. Kaunsa tune bajau, aage kaunsa tune bajana hai wo soch
raha hai. Aage wo alag tune hi bajayega. Ladka sochraha hai ki kaunsa tune bajau.

2)​ Farmer kheti mein hal chala raha hai. Uski patni aur beti uske liye kheti mein khana leke
jaarahe hai, sab saath milke khaayenge. Farmer ki ma gharke paas baithe chawal saaf kar
rahi hai, usme se pathar nikal rahi hai. Bakri chalrahi hai. Farmer ki behen unke bhai se
baat kar rahi hai aur wo bhai machli pakad raha hai.

3)​ Ye father and son hai. Son sad hai, uski aankon mein aasu hai. Father gussa hai usse
kyuki wo naukri jaldi nahi dhundraha. Son feel kar raha hai jaise wo failure hai. Uske
father par bohot loans hai, wo chahte hai ki uske son jaldi se paise kamaye aur loan repay
karde. Aage son pareshan hoke pressure mein ghar chodke sheher jaata hai, waha wo 2-3
naukri karta hai aur paise kama leta hai. Ghar jaakar papa ki madat karta hai paise dekar
aur papa khush hojate hai. Son ab khush hai kyuki wo apni zindagi jee sakta hai.

4)​ Ye ma hai aur beta hai. Beta chori karke ghar aaya hai. Wo bazaar se chawal ki goni chori
karke laaya hai. Wo nahi chahta tha ki uske gharwale bhooke soye. Lekin uski ma bohot
niraash hai ki bete ne galat tareeke se khana laaya paise kamane ki jagah. Ma bohot royi.
Bete ko uski galti samajh aayi. Wo agle din naukri dhundta hai, paise kamata hai. Chawal
ke paise lauta deta hai dukaanwale ko aur baaki paise apni ma ko deta hai. Ab wo beta
khush hai kyuki ma khush hai.

5)​ Ye ladka hai aur uski ma hai. Ladka buri sangat mein phass jaata hai aur nasha aur daaru
karne lagta hai. Usko daaru ke liye paise chahiye, toh wo apni ma se maangne jaata hai.
Par uski ma kehti hai ki ye paiso se khana khareedna hai baaki bacho ko khilane. Beta
gussa hoke ma ka gala dabata hai. Jaldi hi ma ko chod deta hai aur gharse nikal jaata hai.
Wo bahar jaake paise chori karne ki koshish karta hai, lekin use police pakad leti hai. Wo
gareeb gharse hai isiliye use kahi saal jail mein rakhte hai. Jail mein buri sangat aur nashe
se dur ladka sudhar jaata hai. Use apni galti ka ehsaas hota hai. Wo jail se nikalke ma se
maafi maangta hai aur imaandari se jeeta hai.

6)​ Ye fishing boat hai, fisherman isse park karke rakhe hai. Kuch chor ye boat chori kar lete
hai smuggling karne ke liye. Wo isme ammunitions smuggle karke Sri Lanka leke
jaayenge. Kyuki ye fisherman ka boat hai toh kisi ko shakk nahi jaayega. Wo Sri Lanka
 pohochne se pehle fisherman police ko bata deta hai ki uski boat chori hui hai. Police
smugglers ko paani mein pakad lete hai aur unhe jail bhej dete hai.

7)​ Ye aadmi hai apni biwi ke saath romance kar raha hai. Window se jo aurat dekhrahi hai
wo bhi uski biwi hai. Aadmi ne 2 shaadiya ki hai. Uski pehli biwi ko shakk jaata hai aur
uska peecha karti hai. Undono ko aise dekhkar biwi unke kamre mein jaakar ladai karti
hai tab dusri aurat bolti hai ki wo bhi biwi hai. Dono ko samajh aata hai ki wo aadmi
dhokebaaz hai. Aadmi dukhi hai ki dono biwiya use chodkar chali jaati hai.

8)​ Ye ma hai, iska beta khelte khelte jungle mein kho gaya hai. Ye aurat apne bete ko 5
ghanto se dhundrahi hai. Wo bohot ghabrayi hui hai ki uska beta kaha gaya. Dhundte
dhundte use ek purana mandir miljata hai. Wo mandir mein prarthana karti hai rote hue.
Achanak use uske bete ki rone ki awaz sunayi deti hai. Wo bhaagkar apne bete ko gale
lagati hai. Dono khushi se ghar chale jaate hai.

9)​ Ye aadmi aur uski biwi hai. Wo aadmi ghar aaya hai kaam karke. Uski biwi bistar par
uska intezar kar rahi thi sambandh banane ke liye. Aadmi lekin bohot thaka hua hai. Wo
biwi ko mana kardeta hai kehke ki use sona hai aur wo sojata hai. Agle din biwi aur uski
ladai hojati hai iss baat par aur wo niraash hojata hai.

10)​Ye beta hai. Iske ma baap ne isko gharse nikal diya hai kyuki wo nashe karta hai. Usne
gharse kuch paise aur keemti samaan chori ki thi drugs khareedne ke liye. Uske papa ko
jab pata chala tab wo use ghar se nikal dete hai. Wo ye paise lekar bohot drugs khareedta
hai aur ek khandar mein chale jaate hai. 3-4 din wo bohot aiyyashi karta hai nashe karke.
Fir uske drugs khatam hojate hai. Wo ghar jaata hai toh use andar aane nahi dete. Toh wo
firse khandar chale jaata hai aur pachtaata hai ki usne apni zindagi barbaad kardi.

11)​Ek ladka hai, wo drugs karta hai. Uske dost saare bohot ameer hai. Wo gharse humesha
bohot paise laate the aur mehenge daaru aur drugs khareedte the. Ladke ne cool feel
karne ke liye unke saath nashe karna shuru kardiya. Kuch dino baad uske dosto ne use
drugs aur daaru dena bandh kardiya, usse paise maangne lage aur drugs ke liye. Wo
gareeb ghar se tha toh uske paas paise nahi the drugs lene. Toh wo chori karne lagta hai.
Wo drugs bechne walo ko choti moti cheeze khareedke deta hai drugs ke badle aur nashe
karte rehta hai. Fir ek din uske gharpe pata chal jaata hai ki wo nashe karta hai. Uski ma
bohot udaas hojati hai bohot roti hai. Uska baap usko bolta hai nashe karne bandh kar
nahi toh gharse nikal denge. Wo ladka apni ma ke aasu dekhke bohot udaas hojata hai aur
nasha chod deta hai.

​ ​